Espainiako Gobernuak Teresa Peramato proposatu du Estatuko fiskal nagusi izateko
Auzitegi Gorenak bi urtez gaitasungabetu du Alvaro Garcia Ortiz, eta fiskal nagusi zenak karguari uko egin eta ordu batzuetara eman du pausoa Espainiako Gobernuak. Zigor Arloko Salak fiskal nagusia zigortzen duen lehen aldia izan da.
Teresa Peramato. Argazkia: EFE
Espainiako Gobernuak Teresa Peramato proposatu du Estatuko fiskal nagusi berri gisa, Alvaro Garcia Ortizek dimisioa eman eta egun batera. Proposamena arin egin dute, orain arte fiskal nagusi izan denak uko egin baitio Auzitegi Gorenak sekretuak ezagutarazteagatik zigortu ostean.
Peramato karrerako fiskala da 35 urte daramatza lanean. Gainera, Biktimak Babesteko Sala Delegatuko fiskala da Prozesu Penalean.
Ibilbide luzea du genero-indarkeriaren aurkako borrokan. Izan ere, arlo horretan espezializazio judizialaren bultzatzaile handienetako bat da.
Alvaro Garcia Ortizek Estatuko fiskal nagusi izateari uko egin eta hurrengo egunean izendatu dute, Auzitegi Gorenak bi urteko gaitasungabetzea ezarri baitzion Alberto Gonzalez Amador Isabel Diaz Ayuso Madrilgo presidentearen bikotearen ezagutarazteagatik.
Izendapen-prozesuari dagokionez, iturri judizialek azaldu dutenez, proposamena onartu ondoren, Botere Judizialaren Kontseilu Nagusiak loteslea ez den txosten bat egin beharko du. Ondoren, Peramato Diputatuen Kongresuko Justizia Batzordean agertuko da. Izapide horiek egin ondoren, Gobernuak Estatuko fiskal nagusi behin betiko izendatzea erabakiko du.
Atzo, Garcia Ortizek ukoa jakinarazi zion Felix Bolaños Justizia ministroari, Gorenak bi urteko gaitasungabetzea, 7.200 euroko isuna eta 10.000 euroko kalte-ordaina ezarri ostean, Alberto Gonzalez Amadorren, Isabel Diaz Ayusoren bikotekidearen, defentsarekin lotutako mezu elektroniko bat filtratzeagatik.
Bere dimisio gutunean, fiskal nagusi ohiak ziurtatu du kargua uzten zuela "epaiaren arrazoiaren zain egon gabe", eta beti "zerbitzu publikorako bokazioarekin" jokatu duela defendatu du. Gorenaren ebazpena, bi magistraturen boto partikularra izan duena, datozen egunetan ezagutuko da oso-osorik.
Bien bitartean, Gobernuak Estatuko Fiskaltza Nagusiaren ordezkapena azkartu du, "egonkortasun instituzionala" bermatzeko eta arduradun berriak kargua hartu ahal izateko, nahitaezko izapideak bete bezain laster.
Zure interesekoa izan daiteke
EAJk eta EH Bilduk "benetako memoria" egiteko eskatu diote Sanchezi, eta O23a baino zaharragoak diren testu sekretuak daudela esan dute
Kongresuko ezkerreko oposizioaren blokearentzat ez da nahikoa otsailaren 23ko estatu kolpe saiakerari buruzko dokumentuen desklasifikazioa; PPk eta Voxek, berriz, ke-lainoa baino ez dela uste dute.
Non eta noiz kontsultatu O23ko dokumentu desklasifikatuak?
Ministroen Kontseiluak bihar, asteartearekin, hartuko du erabakia, baina biharamunera arte ez da gauzatuko.
Martxoaren 3ko eliza memoria demokratikorako gune izendatu dute
Memoria Demokratikorako Ministerioak sinatutako adierazpena astelehen honetan argitaratu da Espainiako Aldizkari Ofizialean.
Espainiako Gobernuak astearte honetan desklasifikatuko ditu otsailaren 23ko estatu kolpearen inguruko dokumentuak
45 urte bete dira Antonio Tejerok estatu kolpe saiakera egin zuenetik, eta Sanchez presidenteak herritarrekin duen zor historikoari erantzuna emateko erabakia dela iragarri du, sare sozialetan.
GKSko hiru gaztek pintura gorria jaurti dute Fragaren bustoaren aurka Vilalban (Lugo)
GKSk bere gain hartu du Vilalba Lugoko herrian Fragaren omenezko bustoaren aurka egindako erasoa
Gazte mugimenduaren arabera, Poliziak Gasteizen 1976ko martxoaren 3an egin zituen kargen arduradunetako bat izan zen: bost pertsona hil eta ehunka zauritu zituzten.
'Berangoko 16ak' babesteko manifestazioa deitu dute maiatzaren 30erako
2026ko ekainaren 8a eta 26a bitartean, Berangoko 16 bizilagun epaituko dituzte Auzitegi Nazionalean. 2022an Berangoko preso ohi bati "ongi etorri" esateko ustez antolatu zuten ekitaldiagatik terrorismoa goratzea egozten diete. 36 urteko kartzela-zigorra, 177 urteko inhabilitazioa eta 75.000 eurotik gorako isuna eskatzen dute auzipetuentzat. Berangokoekin Elkartasun Komiteak salatu du “beste makrosumario politiko bat” dela, eta manifestazio nazionala deitu du maiatzaren 30erako.
Bilbok ez du uda honetan ezarriko turismo-tasa; Donostiak, aldiz, indarrean izango du
"Ahalik eta lasterren ezarri nahi dugu. Gustatuko litzaiguke, eta amaiera arte lan egingo dugu zerga turistikoa uda baino lehen edo udan aktibo egon dadin", esan du Donostiako alkateak. Bilbokoak, berriz, adierazi du ez dela posible izango, "Bizkaiko Foru Aldundiak foru arauaren proiektua onartu berri duelako".
EH Bildurekin ez du aukerarik ikusten, baina Podemosekin batera aurkeztu nahi luke Euskadiko Sumarrek hurrengo udal hauteskundeetara
Sumarrek Madrilen egin berri duen ekitalditik Euskal Herrira bueltan, Lander Martinezekin egon da ETB, hurrengo hauteskunde orokorrei begira ezkerra batuta aurkezteko aukeraz aritzeko. Euskadin EH Bildurekin zerrenda berean joatea oso zaila ikusten badu ere, Sumar Mugimenduak eta Podemosek boto-paper berean bat eginda joan beharko luketela uste du. Legebiltzarrerako hauteskundeetan ezker konfederalak jaso zuen porrotetik lezioa ikasi dutela esan du Martinezek.
Ansolak esan du EAJk ez duela fronte batean parte hartuko, eta are gutxiago Euskadin "marra gorriak" jartzen dituen EH Bildurekin
Azken egunetan Gabriel Rufianek ultraeskuinari aurre egiteko fronte bat sortzeari buruz hitz egin ondoren, aukera hori hizpide da euskal politikan ere. EAJk ekitaldia egin du gaur Maruri-Jataben frankismoaren osteko alkateak omentzeko. Bertan, Iñigo Ansola BBBko presidenteak argi utzi du ez dutela inolako frontetan parte hartuko, "Euskadin ez delako behar ultraeskuinari aurre egiteko fronterik". Ansolak, halaber, gogor kritikatu du EH Bildu, "Euskadin ezetz esaten dielako akordio proposamen guztiei, eta Espainian, ordea, alfonbra gorria jartzen diotelako eskatzen dioten guztiari".