Alemaniako presidentea Espainian da jada, eta ostiralean Gernika bisitatuko du
Frank-Walter Steinmeier Alemaniako presidentea Espainiara joango da gaur, eta, ostiralean, Gernikara, bonbardaketaren biktimak gogoratzeko ekitaldi batean parte hartzera. Agenda ez da itxi, eta horrek Espainiako Gobernua bertan izango ote den ala ez erakundeen ezinegona eragin du.
Frank-Walter Steinmeier Alemaniako presidentea gaur iritsiko da Madrilera, eta ostiralean Gernikara joango da, Kondor Legioaren bonbardaketan hildakoak omentzeko ekitaldi batean parte hartzeko. Behin betiko programaren zehaztasun faltak ezinegona eragin du erakundeetan, batez ere Espainiako Gobernuaren zer ordezkari egongo diren ez delako jakitera eman. Baieztatu da Felipe VI.a erregea ekitaldira joan egingo dela, eta, Gernikara joan aurretik, lehendakariak Steinmeier hartuko duela Ajuria Enean.
Agenda ixteko zain, Eusko Jaurlaritzak bisita honen garrantzi historikoa nabarmendu du. Maria Ubarretxena bozeramaileak Euskadi Irratian azpimarratu duenez, Alemaniako presidentea bertara etortzea Gernika eta memoria kolektiboa aitortzeko keinu garrantzitsua da.
Azken egunotan, zenbait kolektibok Espainiako Gobernuari eskatu diote barkamena eska dezan 1937an gertatutakoagatik. Eneko Andueza PSEren idazkari nagusiak uste du keinu hori frankismoaren oinordekoek egin behar dutela. Gogora Institutuaren zuzendari Alberto Alonsok ildo beretik egin du hausnarketa, eta azpimarratu gobernu demokratiko batek ez duela barkamenik eskatu behar diktadura-erregimen batek egindakoengatik.
Gernikako omenaldiaren ondoren, Steinmeier Bakearen Museora joango da, eta, arratsaldean, Bilbora joango da Deutsche Schule eta Guggenheim Museoa bisitatzera, bi herrialdeen oroimena, bien arteko adiskidetzea eta aldebiko harremanak indartzea oinarri duen agendaren barruan.
Zure interesekoa izan daiteke
2017 eta 2024 artean eskudirutan egindako ordainketa guztien zerrenda eskatu dio Auzitegi Nazionalak PSOEri
'Koldo auzia' ikertzen ari den magistratuak aparteko ikerketa-lerro bat zabaldu zuen, PSOEk eskudirutan egindako ordainketak ikertzeko. Ustelkeriaren Aurkako Fiskaltzak eman du PSOEri azken 6 urteotako ordainketen erregistroa eskatzeko agindua.
Mikel Zabalza desagarrerazi eta hil zutenekoa, hemen
40 urte bete dira Mikel Zabalza atxilotu eta hil zutela. Guardia Zibilak atxilotu eta 20 egunera agertu zen haren gorpua Bidasoan. 30 urte geroago, Eusko Jaurlaritzak eta Nafarroako Gobernuak aitortu zuten Zabalza indarkeria politikoaren biktima izan zela. Inoiz ez zen epaiketarik egin nola hil zen argitzeko.
Botere Judizialaren Kontseilu Nagusiak aho batez babestu du Teresa Peramato Estatuko fiskal nagusi izatea
Botere Judizialaren Kontseilu Nagusiaren txostena nahitaezkoa da, baina ez loteslea. Batzordeak egiaztatu duenez, Peramatok betetzen ditu Estatuko fiskal nagusi izendatzeko merezimenduak eta baldintzak: hamabost urteko jardun profesionala, ospe handiko legelari gisa. Peramatok Diputatuen Kongresuko Justizia Batzordearen oniritzia beharko du orain.
Mikel Zabalzari omenaldi hunkigarria egin diote, desagerrarazi zuteneko 40. urteurrenean
Ekitaldian, Idoia Zabalza ahizpak adierazi du Mikelentzat "egia eta justizia" aldarrikatzen jarraitzen dutela, eta eskatu du auzia ez dadila ahantzi. Mikel Zabalzaren gorpua 1985ean agertu zen Bidasoa ibaian, Guardia Zibilak atxilotu eta hogei egunera. Ia lau hamarkada geroago, Eusko Jaurlaritzak Segurtasun Indarren biktima gisa onartu zuen.
"Bertan egon ziren lekukoek" esan omen zioten Abalosi Sanchez eta Otegi bildu zirela
Bestalde, Maria Jesus Montero lehen presidenteorde eta Ogasun ministroak ukatu du bilera hori egin izana, eta baieztatu du Jose Luis Abalos ministro ohiak esandakoak ez duela kezkatzen.
EAJk eta EH Bilduk Zabalza auziko dokumentuen berehalako desklasifikazioa eskatu diote Sanchezi
Bi alderdiek gardentasuna blokeatzea eta Zabalza familiak egia lortzea galaraztea leporatu diote. Halaber, opakuak izan direla salatu dute, eta dokumentuak desklasifikatzea eskatu dute, Sekretu Ofizialen Lege berriaren zain egon gabe.
Sekretu ofizialen lege berria onartzeko eskatu die Sanchezek taldeei, Zabalzaren auzia argitzeko
Zabalzaren familiari errespetua eta elkartasuna adierazi ostean, Sanchezek elkarrekin lan egiteko deia egin die Diputatuen Kongresuko talde parlamentarioei, gaur egun indarrean dagoen lege frankista atzean utzi eta sekretu ofizialen lege berria aurrera ateratzeko.
Loiolako koartelak husteko epeak agortzea eragotz dezala eskatuko dio alkateak Defentsa Ministerioari
Koartelen ingurua diseinatu eta erabilerak zehazteko ideia-lehiaketa egingo dela iragarri du, gainera, Jon Insausti Donostiako alkateak. Bestalde, hiriko segurtasunaren arloan "aurrerapausoa" izango da, alkatearen esanetan, Ertzaintza eta Udaltzaingoa bilduko dituen Egiako komisaria bateratua martxan jartzea.
Albiste izango dira: Mikel Zabalzaren hilketaren 40. urteurrena, Michelin izarrak eta Baionako Bonnat-Helleu Museoa berriro zabalik
Gaurkoan Orain-en albiste izango direnen laburpena, bi hitzetan.
EAJk eta EH Bilduk Zabalzaren auzia 40 urteren ostean desklasifikatzea eskatuko dute gaur Kongresuan
Bi alderdiek Pedro Sanchezi eta Felix Bolañosi zuzendutako galderak erregistratu dituzte, Mikel Zabalzaren atxiloketaren urteurrenean.