Chivitek Herri Lanetako zuzendaria kargutik kendu du, Belateko tunelen gainkostuagatik sortutako polemikaren ostean
Halaber, Nafarroako Gobernuak hobekuntzak egingo ditu obren kudeaketan; horretarako, zuzendaritza fakultatiboa ordezkatu eta Ekonomia eta Ogasun Departamentuko Kontuhartzailetza Zerbitzuak zuzenean gainbegiratuko du.
Maria Chivite Nafarroako presidenteak kargutik kendu du Pedro Lopez Herri Lanetako zuzendari nagusia, Belateko tuneletako obren aldaketa eten ostean, Foru Gobernuaren Kontu-hartzailetza Nagusiak hala aginduta.
Pedro Lopezen ahalik eta lasterren izendatuko dute, Foru Gobernuak ohar bidez adierazi duenez. Gobernukideek erabakiaren berri izan dute gaur, atzo Chiviterekin bildu ostean.
Nafarroako Gobernuak, halaber, hobekuntzak egingo ditu Belateko tuneleko obren kudeaketan; besteak beste, zuzendaritza fakultatiboa ordezkatuko du, eta Ekonomia eta Ogasun Departamentuko Kontuhartzailetza Zerbitzuak zuzenean gainbegiratu.
Horrela, kontrol handiagoa eta koordinazio hobea lortzeko mekanismo bat ezarri nahi du, horrelako konplexutasuna duten obrak egiteko funtsezkoa delakoan.
Alderdi Sozialistak asteleheneko bileran emandako azalpenak ez ziren nahikoak izan Geroa Bai, Zurekin Nafarroa eta EH Bilduren ustez. Erantzukizuna eskatu zioten Nafarroako Gobernuari, eta 24 ordura, Chivitek Herri Lanetako zuzendari nagusia kargutik kendu egin du. Ainhoa Unzu PSNren eledunaren esanetan, "krisialdiaren amaitzeko" emandako "aurrerapausoa" da.
Zurekin Nafarroa "pozik" hartu du erantzukizunak argitu izana. Gauzak horrela, Geroa Bairekin batera PSNren gobernu bazkide den koalizioak "bukatutzat" eman du Belateko lanen gainkostuek eragindako krisia.
Laura Aznal EH Bilduren eledunak erantzukizunak hartu eta kontrol neurriak ezarri izana balioetsi du. Dena den, beharrekotzat jo du obra eta funts publikoen kudeaketari buruzko hausnarketa sakona egitea.
Cristina Ibarrola UPNren presidenteak esan du Lopez kargutik kentzea ez dela nahikoa, eta salatu du "Belateko tunelen esleipenaren inguruan dauden ustelkeria zantzuen aitorpen esplizitua" dela, eta "UPNk lehen minututik salatu du" hori.
"Maria Chivitek ez du inolako sinesgarritasunik, eta kargu-uzte horrek ez dio itzuliko. Berriro diogu dimisioa ematea eta hauteskundeak deitzea dela bere irtenbide bakarra", adierazi du Ibarrolak, eta gobernukideei dei egin die: "Chiviteri azken egunotan eskatu dioten guztiaren ondoren, honekin konformatzen badira, Gobernu honen ustelkeriaren itzala toleratu egiten dutela geratuko da agerian".
Zure interesekoa izan daiteke
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.