Espainiako Gobernuaren egoera "jasanezina" dela dio Urkulluk
'Forum Europa. Tribuna Euskadi' saioan egindako hitzaldian, Euskal Herriko gaurko egoera politikoa ere aztertu du eAtlantic Fundazioko presidenteak, eta garrantzia kendu die EAJren eta PSEren arteko "desadostasunei", horren iritzian, "egonkortasunaren" alde adosteko gai diren alderdiak direlako.
Iñigo Urkullu, lehendakari ohia eta eAtlantic Fundazioaren presidentea, Forum Europan. Argazkia: EFE
Iñigo Urkullu lehendakari ohiak eta eAtlantic Fundazioaren presidenteak esan du Pedro Sanchezen Gobernuak bizi duen egoera "jasanezina" dela, eta ohartarazi du gobernatzea ez dela "aritmetika kontua soilik, printzipio konuta ere da eta".
Urkulluk hitzaldia eman du astelehen honetan 'Forum Europa. Tribuna Euskadi' gosari informatiboan, bertan Imanol Pradales Eusko Jaurlaritzaren burua ere izan dela.
Gainera, ohartarazi du koalizioko Gobernuak "zailtasunak" dituela programa bera aplikatzeko orduan, eta galdetu du ea Gobernua egonkortasuna eman eta "sinesgarritasuna" helarazi dezakeen.
Autogobernu gehiago
Galderen txandan, Urkulluk Euskal Herriko gaur egungo egoera politikoa aztertu du, eta "beste ingurune batzuetan" ez bezala, hemengo "egonkortasun politiko eta instituzionala" baloratu du.
Testuinguru horretan, garrantzia kendu die EAJren eta PSEren arteko "desadostasunei", "egonkortasunaren" alde adosteko gai baitira.
Bestalde, "autogobernu gehiago eta bestelakoa izatea beharrezkoa" dela defendatu du, "egungo errealitatera" egokitua, eta Estatutua ez betetzeak eta Konstituzio Auzitegiari jarritako helegiteek eragindako "higadura isilari" aurre egiteko.
Hala ere, "Konstituzioaren esparruan" kokatu du, eta iraganean egindako proposamen batzuk gogora ekarri ditu, hala nola "foru nazioarena" eta Konstituzioaren beste interpretazio bat hitzartzeko "konstituzio konbentzio" bat garatzearena.
Zure interesekoa izan daiteke
Sanchezek adierazi du "feminismoarekiko erabateko konpromisoa" duela eta ustelkeriaren aurka "irmo" diharduela
Espainiako Gobernuko presidenteak agerraldia egin du Moncloan, urtearen balantzea egiteko. Azpimarratu duenez, legealdia amaitzeko borondatea du, eta horretarako babesak "harrien azpian ere" bilatuko dituela hitzeman.
Aske utzi dute CAFen aurkako protestan atxilotutako laguna
Protesta larunbat eguerdian egin zuten, Bilboko erdigunean, CAF euskal enpresari Israelekin dituen kontratuak bertan behera uztea eskatzeko. Protestan, lau ertzain eta manifestari batzuk zauritu ziren.
Harrera hunkigarria egin diote Donostian Mikel Zabalzaren omenezko autobus martxari
Guardia Zibilak duela 40 urte hil zuen autobus gidari nafarraren kasua oroitzeko ekimenaren amaieran, ekitaldia egin dute igande eguerdian Boulevardean. Zabalzaren senideek "egia, justizia eta erreparazioa" galdegin dituzte bertan, eta euskal erakundeei "akuilu" gisa aritzeko eskatu diete auzia behingoz argitzeko.
CAFen aurkako protesta egin dute Donostian, eta Israelekin negoziorik ez egiteko eskatu diote
Euskotrenen geltokian egin dute protesta, eta trenen zirkulazioa eten dute zenbait minutuz, trenbidearen gainean pankartak jarrita. Joseba Alvarez protestarien ordezkariak azaldu duenez, “ezin da horrelako proiektu bat aurrera eraman sionismoarekin kolaboratu gabe”, eta horregatik eskatzen diote CAFi bertan behera uzteko Israelekin egindako trenen proiektua.
Sanchezek gobernatzen jarraitzeko nahia agertu du, "egoera zail hau gorabehera"
Caceresen egindako mitin batean, buruzagi sozialistak azpimarratu du PSOE "irmotasunez eta gardentasunez" aritu dela ustelkeria eta sexu-jazarpen kasuen aurrean. Sumar koalizio gobernuko kideak eta inbestidurarako beste bazkide batzuek, EAJk kasu, auzitan jarri dute gobernagarritasuna, eta Sanchezen gaineko presioa areagotu dute.
Auzitegi Nazionala Tubos Reunidosen kontratu bat ikertzen ari da, Leire Diazi ustez eskupekoak emateagatik
Guardia Zibilaren txostenaren arabera, 113 milioi euroko kontratu baten esleipena azkartzeko, komisioak ordaindu zizkion enpresak. Nafarroako Erri Berri enpresarekin egindako beste kontratu bat ere badago ikerketapean.
Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.
CAFen kontrako protesta batek Bilboko tranbia geldiarazi du eta Ertzaintzak pertsona bat atxilotu du
Atxilotuak identifikatzeari uko egin dio, Segurtasun Sailaren arabera. Atxilotzeko unean liskarra sortu da, eta Ertzaintzaren lau agente zauritu dira. Protestaren deitzaileek jakinarazi dutenez, hainbat pertsona zauritu dira, jasotako kolpeen ondorioz.
Bilboko tranbiaren zerbitzua eten dute CAFek Israelekin dituen kontratuak etetea eskatzeko
"Boikot Israel. Palestina askatu" lelopean, dozenaka pertsona tranbiaren errailetan etzan dira, bidea oztopatzeko. Ertzaintzak pertsona bat atxilotu du, eta hainbat pertsona zauritu dira, kolpeak hartuta.