Otxandiano, Guggenheim Urdaibai proiektua atzera bota izanaren harira: "Errealitatea gainetik pasa zaio EAJri"
EH Bilduk Eusko Legebiltzarrean duen bozeramaileak dei egin du eskarmentua hartzeko eta modu "bertikalistan" gobernatzeari uzteko. Sumar mugimenduak, berriz, "gehiengoaren sentimendua nagusitu" dela uste esan du eta gizarte zibila zoriondu du.
Pello Otxandiano EH Bilduren Eusko Legebiltzarreko bozeramaileak txalotu egin du Guggenheim Fundazioak Urdaibaiko biosferan museo bat eraikitzeko ideia alde batera utzi izana. "Erabaki zuzena hartu du, zentzu komuna nagusitu delako", esan du.
Otxandianoren arabera, ez zegoen ez kultur proiekturik ez ingurumen proiekturik, “zegoena zen turismo eredu baten aldeko apustu ekonomikoa", kritikatu du. Azpimarratu duenez, eredu horrek ondorio "oso ezagunak" ditu euskal gizartean: "Gentrifikazioa, etxebizitzaren prezioen igoera, masifikazioa". Era berean, eskualdeko "gehiengoa" proiektu honen aurka zegoela gogoratu du.
Horregatik guztiagatik, "zentzu komuna" nagusitu dela uste du, eta errealitatea "EAJren gainetik" igaro dela. Era berean, etorkizunera begira lezioak ateratzeko deia egin du, hala nola modu "bertikalistan" gobernatzeari uztea. Hala, azaldu duenez, "gauzak ezin dira bai ala bai egin, eta are gutxiago eragin eta dimentsio hau duten proiektuak direnean. Horrelako gauzak jendearekin egin behar dira, gizarteari etorkizunera begira egin behar ditugun apustu sozial eta ekonomikoen partaide egin behar zaio ".
EH Bilduko bozeramaileak adierazi duenez, proiektu batzuek "agortuta dagoen garapen eredu bati erantzuten diote", eta krisi klimatikoaren testuinguruan, azpiegitura eta proiektu jakin batzuk "zalantzan" jartzeko unea iritsi dela gogoratu du. Hala ere, eskualdeak garapen sozioekonomikorako estrategia bat behar duela azpimarratu du.
Otxandianok adierazi duenez, gatazka hau konpontzeko balio izan duen entzute prozesua tresna baliagarria izan daiteke garapen sozial edo ekonomikoarekin zerikusia duten proiektu jakin batzuekin lotutako beste eremu batzuetan: "Iruditzen zaigu oso tresna erabilgarria izan daitekeela trantsizio energetikoaren auzian aplikatzeko, edo krisi klimatikoaren testuinguru honetan gure lurraldeak hartu behar dituen askotariko trantsizioetan, hala nola elikadura burujabetzan, bioaniztasunaren babesean edo gure lurraldea klima aldaketara egokitzean".
Sumarrek gizarte zibila zoriondu du
Alba Garcia Suma Mugimenduako koordinatzaile nagusiak adierazi duenez, proiektua bertan behera utzita, "herritarren gehiengoaren sentimendua nagusitu da". Sare sozialen bidez, Garcia pozik agertu da "Urdaibain ez delako Guggenheimik egongo", eta zorionak eman dizkio "proiektu hau geldiaraztea bultzatu duen gizarte zibilari". "Entzun dezatela, ozen eta argi, herritarrei entzungor egin dietenek", amaitu du.
Zure interesekoa izan daiteke
Espainiako Gobernuak biktima gisa aitortu du Josu Mujika eta legez kanpokotzat jo ditu haren kontrako epaiak
Mujika gaur 51 urte hil zuen Polizia Armatuak tiroz, Madrilen ETAko kideen aurka egindako operazio batean.
Zaballako preso baten heriotza salatu eta gardentasun handiagoa eskatu dute
Salhaketa Araba elkarteak gertatutakoari buruzko gardentasun handiagoa eskatu du, eta zalantzan jarri du hil aurretik 60 urteko presoari emandako arreta. Elkartearen esanetan, gertatutakoa "ezin da gertaera isolatu gisa ulertu".
Segurtasunaz gehiago eta eskumenez gutxiago arduratzeko gomendatu dio PPk Zupiriari
PPren Legebiltzarreko bozeramaileak deitoratu duenez, sailburua "ez dago egon behar duen horretan", eta "segurtasunaz eskumenez baino gehiago kezkatuko balit", bere ustez, "polizia hobeto hornituta egongo litzateke".
Espainiako Gobernuak Armada bidaliko du Ceutara, sortu den "migrazio-krisian laguntzeko"
Milaka pertsonak zeharkatu dute gaur Marokotik Ceutarako muga, kontrolik gabe. Horietako asko, Tarajal kai muturretik sartu dira, batzuk igerian eta beste batzuk kostaldetik oinez. Bertako agintariek emandako datuen arabera, gutxienez, 14 migratzaile hil dira.
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.