Ertzaintzak Getxoko Udala miatu du, eraitsitako jauregiaren auzian
Ikerketa sekretupean dago eta biharko aurreikusita zeuden deklarazioak bertan behera utzi dituzte.
Ertzaintzak Getxoko udaletxeko eta Hirigintza Saileko zenbait bulego miatu ditu, epailearen aginduz, 2024an eraitsi zuten jauregiaren auziaren baitan. Ikerketa sekretupean du epaileak.
Miaketak zinegotzien bulegoetan ez ezik, Udaleko teknikariek erabiltzen dituzten bulegoetan ere ari dira egiten, Hirigintza Sailaren jauregian. EITBk jakin duenez, Udaleko informatikariekin hitz egin ondoren, autoan hasieran zehaztutako miaketa lekua aldatzea erabaki da, eta Algortako Basagoiti etorbidean dauden udal bulegoetara joan dira agenteak. Han dago zerbitzari nagusia, erabiltzaileen eta posta-elektronikoaren datuak biltzen dituena. Antza, hiru zinegotzik eta hiru teknikarik, tartean arkitektoak, elkarri trukatutako mezuen bila ari dira.
Getxoko bigarren instrukzio-epaitegia ari da kasua bideratzen, eta hark zuzentzen ditu irekitako eginbide judizialak.
Testuinguru horretan, biharko aurreikusita zeuden galdeketak bertan behera geratu dira, iturri horren arabera.
Auzia
Hain zuzen ere, 2024ko abuztuan Irurak Bat jauregia eraitsi izana ikertzen ari da epaitegi bat. 1845ean eraiki zuten, Algorta auzoko San Nikolas kaleko 11. zenbakian, eta babes ofiziala zuen.
Luxuzko 12 etxebizitza eraikitzeko obren barruan eraitsi zuen EAJko bi zinegotzik parte-hartzea zuen Ereaga Atalaya kooperatibak.
Astearte honetan, ikerketa zuzentzen ari den epaitegiak sumarioa sekretupean jartzea agindu du, eta bihar, urtarrilaren 15ean, inputatuetako bost zeuden deklaratzera deituta, besteak beste arkitektoa, aparejadorea eta kooperatibako eraikitzailea.
Obretan prebarikazio-deliturik dagoen ikertzen ari da Ertzaintza.
Getxoko Udalak (EAJ eta PSE daude agintean) egiaztatu zuen obra horretarako lizentziak eraikin babestua erreformatzeko aukera ematen zuela, lau fatxadak mantenduz eta lursail berean eraikin berri bat gehituz.
"Ez zen sekula baimendu osorik eraistea", ziurtatu zuen.
Zure interesekoa izan daiteke
Josu Zabala Erasun gogoratu dute Hondarribian, haren heriotzaren 50. urteurrenean
Josu Zabala Erasun 1976an hil zen Guardia Zibilaren tiroen ondorioz, Eduardo Moreno Bergaretxe 'Pertur' ETAko kidearen bahiketaren aurka egindako manifestazio batean.
Ertzain baten aurkako pintaketa bat agertu da Gasteizko bere etxe ondoan
Segurtasun Sailak poliziak seinalatzeak eta mehatxuak gaitzetsi ditu, "iraganeko garaiak gogora ekartzen dituztelako eta eraso egiten dietelako, ez bakarrik aipatutako agenteari eta Ertzaintzari, baita demokraziaren eta bizikidetzaren oinarriei ere". ESAN eta SIPE sindikatuek ere gaitzetsi dute gertatutakoa.
Agirrek "erreparazio publikoa" eskatu du Irurak Bat jauregitxoaren harira, "aurrera egitea" nahikoa ez dela iritzita
Alkatearen arabera, hilabeteotan auzi juridikotik harago joan da eztabaida, salaketa oso larriak egin baitira kaltetu diren pertsonen eta EAJren aurka; horregatik, argi esan du ez dela nahikoa gertatutakoa atzean uztea.
Lehendakariak ziurtatu du ez dagoela inolako kriminalitate antolaturik gaur egun Euskadin
Euskadi Irratiko "Faktoria" saioan egindako elkarrizketan, Imanol Pradales lehendakariak adierazi du azken urteotako hilketak, batez ere, drogek, mendekotasunek edo genero-indarkeriak eragindako harreman pertsonalen narriadurarekin lotuta daudela. Gaur egun Euskadin ez dagoela inolako delinkuentzia antolaturik nabarmendu du.
Isuskitza mendiko gurutze frankista bota du Ernaik
Errekete frankisten omenez Isuskitza mendian (Araba) 1940an jarritako gurutzea bota du Ernaik, baita bideoz grabatu eta sareratu ere. Gazte antolakundearen arabera, “faxismoak ez du lekurik gure herrian”, eta hilaren 13an Donostian egingo duten manifestazioan parte hartzeko deia egin du.
Nora Abetek (PSE-EE) Bilboko alkatetzarako hautagaitza aurkeztu du
Bilboko Udaleko egungo alkateorde eta PSE-EEren bozeramaileak azaldu duenez, bere hautagaitza "hurbiltasunetik, entzute-ahalmenetik eta erabakiak hartzeko gaitasunetik" sortu da.
Gipuzkoako Foru Aldundia datorren astean hasiko da aurrekontuak eta neurri fiskalak negoziatzen
Eider Mendoza Gipuzkoako ahaldun nagusiak iragarri du oposizioko taldeekin elkarrizketa sorta bat hasteko asmoa duela, lurraldeko aurrekontuen eta zenbait neurri fiskalen inguruan negoziatzen hasteko.
Lehendakariak ekonomiari, autogobernuari eta etxebizitzari buruzko akordioak planteatuko ditu alderdi eta gizarte-eragileekin egingo duen bilera-sortan
Topaketak irailaren 8tik 15era egingo dira, elkarrizketa indartzeko eta aliantzak sustatzeko helburuarekin. Nazioarteko ziurgabetasunak eta 2027ko hauteskunde-zikloak markatutako testuinguruan burutuko dira.
Imanol Pradales: "Irailaren 8an hasiko gara alderdi politiko, sindikatu eta patronalarekin biltzen"
Imanol Pradales elkarrizketatu dute Euskadi Irratiko "Faktoria" saioan. Lehendakariak bertan jakinarazi duenez, erronda politikoa irailaren 8an hasiko du, asteartean, eta bilera horietan jorratuko diren gaiak iragarri ditu.
Pradalesen ustez, Sanchezen gobernua "nokeatuta" dago, eta Ceutako krisiari erantzuna eman ezean legealdia amaitu beharko luke
Euskadi Irratiko "Faktoria" saioari eskainitako elkarrizketan, alderdi politiko eta eragile sozioekonomikoekin bilera-sorta irailaren 8an hasiko duela iragarri du lehendakariak.