Ertzaintzaren operatiboaren buruak epailearen aurrean deklaratu du: "Hil egin nahi gintuzten"
Falangearen elkarretaratze baten aurrean kontramanifestazioa egiteagatik ikertzen ari diren sei pertsonak deklaratzeari uko egin diote. 22 agente zauritu ziren istiluotan, eta epaiketak aurrera jarraitzen du.
Urriaren 12an Gasteizen zabaldutako Ertzaintzaren Herritarren Segurtasunerako operatiboaren buruak Instrukzioko 4. Epaitegian deklaratu du, eta adierazi du agenteek “infernua” bizi izan zutela Falangearen ekitaldi baten aurrean deitutako kontramanifestazioan izandako istiluetan. “Hil egin nahi gintuzten”, adierazi du behin eta berriz Poliziaren agintariak.
Dispositiboaren arduraduna epailearen aurrean agertu diren hamar ertzainetako bat izan da. Aldez aurretik, sei pertsona zeuden deituta, eta istiluetan parte hartu omen zutelako daude ikerketapean. Ez deklaratzeko eskubideari heldu diote. Datozen asteetan, hogeik deklaratuko dute, aurreikuspenen arabera.
Operatiboaren buruak azaldu duenez, kontramanifestazioko parte-hartzaileak ondo antolatuta zeuden, eta muturreko indarkeriaz jokatu zuten. Poliziaburuak azaldu du 90eko hamarkadako urte gogorrenetan ibilitako agente batzuek adierazi ziotela “horrelakorik sekula ez" zutela ikusi. Erasotzaileek, txanoak jantzita eta aurpegia estalita, botilak, estolda-estalkiak eta trenbideetako katenariak bota zizkieten; haren ustez, aldez aurretik gordeta zituzten jaurtigaiok.
Poliziaren agintariak oso pasarte larri eta gordinak kontatu ditu, hala nola lurrera erori eta ostikoka ari zitzaien agente bat erreskatatu behar izan zutela, edota ertzain baten ezkutuaren eta gorpuaren artean bengala bat sartzen saiatu zirela, ahalik eta kalterik handiena eragiteko asmoarekin.
Euspelen abokatuak (gertaerak salatu zituen Ertzaintzaren sindikatuak) behin eta berriz esan du saboteatzaileen helburua ez zela Falangearen ekintzaren kontra egitea, agenteen euren kontra egitea baizik. Ikertuei hainbat delitu egotzi dizkiete: desordena publikoak, agintaritzaren agenteen aurkako atentatu larria eta lesioak. Istiluetan 22 ertzain zauritu ziren.
Bestalde, SiPE sindikatua eta Eusko Jaurlaritzako Segurtasun Saila ere auzian pertsonatu dira azkenean. Eusko Jaurlaritzak prozesuan “berandu, gaizki eta arrastaka” sartu izana kritikatu du Euspelek, eta gogorarazi dute Jaurlaritza ez zela egon istiluetan ikusitako indarkeria eta profesionalizazio maila altuaz ohartarazi zuten agenteen aurreko adierazpenetan.
Zure interesekoa izan daiteke
Konstituzioaren Laugarren Xedapena indargabetzea eskatu du UPNk, "independentismoa hazten ari den une honetan"
Cristina Ibarrolak gogoratu du UPNren aspaldiko nahia dela artikulu hau indargabetzea, Konstituzioaren erreforma baten bidez, eta orain pausoa emateko arrazoien artean "euskal independentismoa" izaten ari den bilakaera aipatu du.
Ikasle-mugimenduaren aurkako kriminalizazio kanpaina salatu du EHUko ikasle talde batek
Gasteizko EHUko Letren fakultate atarian egindako agerraldian, ikasle talde batek Voxen agerraldiari eta Martxoaren 3ari lotuta ikasle-mugimenduak jasandako kriminalizazioa gaitzetsi dute. Ikasle hauek "EAJ eta eskuineko hainbat komunikabide" jo dituzte kanpaina horren erantzule.
Espainiako Gobernua "erantzun integrala" prestatzen ari da Ekialde Hurbileko gerraren ondorio ekonomikoak arintzeko
Familiak, enpresak eta autonomoak babesteko eta trantsizio energetikoa bizkortzeko neurriak hartuko ditu, eta ez da baztertzen beherapen fiskalak egitea.
Pradalesek lurralde arteko lankidetza aldarrikatu du, "krisiak eta gerrak pilatzen ari diren" testuinguru globalean
Akitania-Euskadi-Nafarroa Euroeskualdea integrazioaren adibide dela azpimarratu du "Europara ziur iiritsiko diren eztabaidei aurre hartzeko" gunea.
Euskal Hirigune Elkargoaren funtzioaren eta izaeraren inguruko eztabaida, hauteskunde kanpainan
Ipar Euskal Herrian udal hauteskundeak egingo dituzte martxoaren 15 eta 22an. 158 udaletako ordezkariez gain, Euskal Hirigune Elkargoa ere osoki berrituko dute. Azken erakunde hori 2017an sortu zen, eta bere zereginaren inguruko eztabaida oso presente dago kanpainan. Hainbat eragileren iritziak bildu ditu ETBk, aldekoak zein kontrakoak.
Auzitegiak onartu egin du Iñigo Errejonen aurkako bigarren sexu-eraso salaketa
2021ean gertatu omen zen sexu-eraso batekin lotuta dago azken hori, Elisa Mouliaa aktoreak aurkeztutako salaketaren ondoren.
EAJk Espainiako Gobernua estutu du "Tubos Reunidosek zorra berregituratu" eta bideragarritasun plan bat landu dezan
Jeltzaleek ohar baten bidez jakinarazi dutenez, industriak "une zailak bizi ditu Estatu osoan, argindarraren prezio altuen ondorioz". "Horregatik, denbora daramagu energia prezio lehiakorragoak lortzeko neurriak eskatzen", esan dute.
EH Bilduk "inperialismoaren aurka eta bakearen alde" egingo du Aberri Egunean
Iruñean, "zazpiak bat egin" lelopean, Euskal Herria "herri bat" eta "aske izan nahi duen nazio bat" dela aldarrikatuko du.
Abian da Ipar Euskal Herriko herriko bozetarako kanpainaren azken astea
160 udalerritako auzapezak hautatu beharko dituzte herritarrek eta espero da horietatik ia gehientsuenetan, % 90etan, lehen itzulian (martxoak 15) emaitzak erabakita gelditzea, hautagaitza bakarra edo bi daudelako. Aldiz, oso litekeena da 14 herritan bigarren itzulira (martxoak 22) joatea, hautagaitzetako batek ez badu behintzat lehenengoan % 50eko babesa gainditzen. Herriko etxeez gaindiko garrantzia dute bozek, emaitzen arabera osatuko baita, ondoren, Euskal Hirigune Elkargoa.
Etxanobe, AHTari buruz: "Serio eta zorrotz ekin behar zaio, ezin dugu atzerapen gehiagorik izan"
Joan den ostiralean, Oscar Puente Espainiako Garraio ministroak esan zuen "hiruzpalau urtean" AHTa egiteko lanak bukatuta izango zurela. Horren harira, Elixabete Etxanobe Bizkaiko ahaldun nagusiak azpimarratu du, Radio Euskadiko "Boulevard" saioan egindako elkarrizketan, "egun bakarreko atzerapenak ere Euskadirako eta bereziki Bizkairako lehiakortasuna galtzea" dakarrela.