Getxoko auzian ikertutako zinegotziak kargutik kendu dituzte
Getxoko Udalak ostegun honetako osoko bilkuran emango du kargugabetzeen berri, baina honezkero ezagutzera eman du kargutik kendu dituzten zinegotziak nortzuek ordezkatuko dituzten.
Irurak Bat jauregitxoa eraisteagatik ikertzen ari diren EAJko hiru zinegotziak kargutik kendu dituzte, eta Aingeru Torrontegi Ayok, Carlos Sergio Atxotegik eta Elisabete Basañez Perezek ordezkatuko dituzte, Udalak eta EAJk komunikatu banatan jakinarazi dutenez.
Guztira hamar pertsona ikertzen ari dira, horien artean EAJren hiru zinegotzi, Algorta auzoan dagoen eta tokiko babes maila zuen eraikin bat eraisteagatik. Bertan, kooperatiba batek luxuzko 12 etxebizitza eraikitzeko asmoa zuen; EAJko bi kide kooperatibistak ziren.
Hiru zinegotzi jeltzaleek euren karguak alderdiaren esku utzi dituzte, ikertu gisa deitu zituztela jakin ostean, eta, errugabeak direla esaten duten arren, erabaki hori hartu dute "defentsa errazteko eta EAJren irudia gordetzeko", iturri horrexek azaldu duenez.
Bestalde, Amaia Aguirre alkateak esan du arloak berregituratu egingo direla, udal zerbitzu guztiek "normal" funtzionatzen dutela bermatzeko.
Udaleko beharginei ere zuzendu zaie, hiru udal-langilek deklaratuko baitute ikertu gisa.
Bestalde, EH Bilduk alkateak dimititu dezan eta kudeaketa-batzorde bat eratzea eskatuko du. Mikel Bildosolak (EH Bildu) dio egungo udal gobernuaren gobernantza ereduak “hondoa jo duela”, eta abagune horretan, EH Bilduk “aldaketa sakona” egitea planteatzen du, alderdi politiko guztien ordezkaritza izango duen udal gestore bat eratuz, agintaldia amaitu arte Udala “modu garden eta eredugarrian” kudeatuzeko.
Elkarrekin Podemosek, halaber, premiazko mozioa aurkeztuko du ostegun honetako osoko bilkuran, alkatearen dimisioa eskatzeko, "egoera politiko larria" baita.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.