Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Extremadurako hauteskundeei lekukoa hartuta, hauteskunde autonomikoak dituzte gaur Aragoin. Ikuskizun dago aurreko deialdiak utzitako botere banaketak bere horretan jarraitzen duen eta horrek "blokeoa" areagotzen duen; izan ere, Jorge Azcon (PP) presidenteak bozak aurreratu zituen ikusita ezin zituela Voxekin 2026ko aurrekontuak adostu.
18:00etarako, parte-hartzea % 56,29koa izan da, aurreko hauteskundeetan ordu horretarako izandakoa baino % 1,56 handiagoa.
09:00etan ireki dituzte hauteslekuak, "normaltasunez", Mar Vaquero Aragoiko jarduneko presidenteordearen arabera. Horren hitzetan, gorabeheraren bat izan da, baina ez da oso aipagarria izan, eta mahaiak arazo barik osatu dira.
Guztira, 1,03 milioi herritarrek dute botoa emateko eskubidea, eta 67 diputatu aukeratuko dituzte: 35 Zaragozan, 18 Huescan eta 14 Teruelen.
Jorge Azcon PPko hautagai eta jarduneko presidentea izan da botoa ematen lehena. Popularrak esan duenez, "sentsazio onak" zituela abiatu du gaurko eguna, "kanpaina ona" egin dutela iritzita. Kazetarien aurrean adierazi duenez, Aragoiko hauteskundeek "Espainia osoan izango dute oihartzuna". "Bozkatzen ari garen bakarrak gara Espainian, eta emaitzek oihartzuna izango dute, bestela izango ez luketena", azaldu du. Azkenik, herritarrei bozkatzera joateko deia egin die. "Hori da garrantzitsuena", erantsi du.
Azcon, Zaragozan bozkatzen. Europa Press
Minutu batzuk geroago, gauza bera egin du Pilar Alegria PSOEko hautagaiak. Sozialistak "parte hartzeko, mobilizatzeko eta erantzukizunez jokatzeko" deia egin die herritarrei, "gaur gure herriaren oraina eta etorkizuna erabakiko dugulako". Nabarmendu duenez, inkestak gorabehera, ez dago urduri; kontrara, "ilusioz betea" dagoela esan du "egindako lanaren ostean". "Orain aragoiarrei dagokie bozkatzea eta erabakitzea", gaineratu du.
Alejando Nolasco Voxeko hautagaiak ere parte hartzeko deia egin die herritarrei, baina beste norabide batean: "Aukera historikoa dugu PSOEk eragindako hondamendia eta bipartidismoaren iruzurra atzean uzteko".
Jorge Pueyo Chunta Aragonesista (CHA) alderdiaren hautagaiak ere parte hartzeko deia egin du, eta "Aragoiren alde egiteko, asko baitago jokoan". Pueyoren esanetan, gaurko hauteskunde eguna "oso ilusionagarria da, eta jendea erantzuten ari da".
Antzeko adierazpenak egin ditu Marta Abengoecheak (IU-Movimiento Sumar): "Ezinbestekoa da jende guztia bozkatzera joatea, galdu ezin dugun eskubidea da; demokrazian atzera egiten ari gara, eta etxean geratuta, eskubide hori kendu nahi digutenei eta zuri-beltzeko Espainia eta Aragoi nahi dutenei hauspoa ematen diezu".
Dozenaka herritar, bozkatzen, Zaragozako hautesleku batean.
Maria Goikoetxea Podemos-Alianza Verde koalizioko hautagaiak ere bozkatzeko deia egin die herritarrei. "Boto bakoitzak balio du eskuin muturra geldiarazteko. Eman dezagun botoa itxaropenez eta ziurtasunez; beste Aragoi bat da posible", adierazi du. "Zerbitzu publikoei eusten dien, etxebizitza lehentasuna den eta funts putreak eta multinazionalak baliabide naturaletatik urrun dauden" erkidego bat aldarrikatu du Goikoetxeak.
Tomas Guitarte Teruel Existeko zerrendaburuak ere bozkatzeko deia egin die "Teruelgo eta, orokorrean, Aragoiko herritarrei", hotzari eta euriari aurre eginez. "Botoa emateko eskubidea herritarrok dugun baliabide nagusietako bat da; erabili beharrekoa, beraz".
Azkenik, Alberto Izquierdo PAR alderdiaren hautagaiaren ustez, gaurko eguna "garrantzitsua da, bakoitzak bere iritzia emateko. Gaur erabakiko da Aragoiren etorkizuna".
Voxek, CHAk eta IU-Sumarrek bakarrik dituzte inkestak alde
Inkesten arabera, PPk irabaziko ditu berriro hauteskundeak, baina ez omen du gehiengo osoa lortuko. Hala, eskuin-muturra beharko luke, beste behin ere, gobernatzeko. Auzia da zenbateraino baldintzatuko duen Voxek PPren jarduna.
CISek aurreikusitakoa betez gero, 25-29 eserleku lortuko ditu PPk (28 izan ditu aurreko legealdian). PSOEk bigarren lekuari eutsiko dio, babesak galduta: 17-23 diputatu (23 izan ditu). Voxek gora egingo du, 10-13 ordezkari lortzeraino (7 lortu zituen aurreko hauteskundeetan). Chunta Aragonesista (CHA) alderdiak ere ordezkaritza handituko du: 3-5 eserleku aurreikusi dizkiote (3 izan ditu). IU-Sumar Mugimendua izango da bosgarren indarra, 1-3 ordezkarirekin. Podemosi, aldiz, 0-1 ordezkari aurreikusi dizkio CISek. Teruel Existek babesa galduko du, 1-2 eserleku eskuratuta (3 izan ditu). Bestalde, baliteke PAR (Partido Aragones) alderdia Aragoiko Parlamentutik kanpo geratzea.
Zure interesekoa izan daiteke
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".
Josu Urrutikoetxearen aurkako epaiketa abiatu da Parisen, Frantzian bere kontra irekitako azken prozeduraren barruan
Epaiketa pasa den urrian egitekoa zen, baina Josu Urrutikoetxearen osasun arrazoiengatik apirilera atzeratu zen. Parisko Dei Auzitegian epaituko dute 2002tik eta 2005era ETAko kide izan zelakoan.
Jaurlaritzak "titular gutxiago eta lan gehiago" eskatu du, migrazioaren egiturazko erronkari aurre egiteko
Haurren eta Nerabeen Konferentzia Sektoriala bertan behera geratu zen atzo, PP buru duten erkidego ia guztiek bertan parterik ez hartzea erabaki baitzuten. Nerea Melgosa Ongizate Berdintasun, Justizia eta Gizarte Politiketako sailburuak migrazioaren arloan Jaurlaritzak dituen eskumenak handitzea eskatu du, eta Estatuari eskatu dio egiturazko estrategia bat gara dezala, haurrak eta nerabeak zaintzeko.
Ezkerra, Rufian eta Monteroren arteko bilerari so
ERC, EH Bildu, BNG, Compromis, MES, Sumar eta Podemos alderdiak bilduko dituen hautagaitza "plurinazionala" bultzatzeko azken hilabeteetan ERCren bozeramaileak egindako proposamenaren ostean etorri da hitzordua.
Korrikan erakutsitako ETAko presoen irudien gaineko ikerketa zabaltzea agindu du Auzitegi Nazionalak
UPNk jarri zuen salaketa, euskararen aldeko lasterketa Iruñeko Txantrea auzotik eta Nafarroako beste hainbat herritatatik igaro zenean erakutsi ziren irudiekin terrorismoa goratu eta biktimak umiliatu zirelakoan.
Claudia Montesek Gorenaren aurrean adierazi du Abalosek ez ziola inoiz esan Logirailen “entxufatu” zuenik
Lekukoaren arabera, ministro ohiak lan eskaintzen estekak baino ez zizkion bidali, eta Koldo Garciak hasieratik esan zion enpresa publikoan haren “nagusia” zela.
50 urte dira ETAk Aingeru Berazadi erail zuela
ETAk hildako lehen enpresaria izan zen Aingeru Berazadi, eta baita bahitu ondoren hil zuten lehenengo laguna ere. Mende erdi geroago, Cristina alabak aita omendu du, eta enpresariek gogora ekarri dute hilketak izan zuen eragina.
EAJk borondate politikoa eskatu du "Gernika" lekuz aldatzeko aukera teknikoetan sakontzeko
Maribel Vaquero EAJk Kongresuan duen bozeramaileak ziurtatu du ez dituela zalantzan jartzen Reina Sofia museoko adituen txosten teknikoak. Horien arabera, ez da komeni da koadroa mugitzea; hala ere, adituen txosten gehiago eskatu ditu. "Gauza ezinezkoagoak ikusi ditugu", ziurtatu du.
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNren senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroa Iruñeko aireportuaren egungo ereduaren alde agertu da, baina aitortu egin du aire-trafikoa "hobetu" daitekeela. Haren hitzetan, Iruñekoa aireportuko bidaiari kopurua % 40 hazi da 2018tik; Estatuko daturik altuenetakoa da hori.