Eudelek aurrekontuak luzatu ditu, 40 urtean lehen aldiz, EH Bilduren abstentzioaren ondorioz
EH Bildu atzo iragarri zuenez, koalizio abertzaleko zinegotziek aurrekontua atzera botatzeko asmoa zuten, gaurko bozketan abstenituz, EAJk bultzatutako zuzendari berriaren hautaketa prozesuarekin ados ez zeudelako. Esther Apraiz Eudelen presidenteak adierazi du"intituzioa etsirik" dagoela erabakiaren aurrean, eta ohartarazi du horrek "zaildu" egingo duela hainbat proiektu egitea.
Eudel Euskadiko Udalen Elkarteak, 40 urtean lehen aldiz, luzatu egin beharko ditu aurrekontuak, EH Bildu 2026ko Kontuen bozketan abstenitu egin baita gaur. EAJren eta PSEren babesa ez da nahikoa izan kontuak aurrera ateratzeko behar den hiru bosteneko gehiengo kualifikatua lortzeko, eta Euskadiko Udalen Elkarteak aurrekontuak luzatu beharko ditu.
Zumarragan ostegun honetan egun duten batzar nagusian 925 udal ordezkari bertaratu dira, eta horien % 60ren babesa behar zuten kontuek aurrera egin zezaten. Ez dira atera, gutxigatik izan bada ere, % 59k bozkatu baitute horien alde.
2026rako aurrekontua 5,3 milioi eurokoa zen, eta gehiengoz onartu zuen joan den abenduan batzorde exekutiboak, EAJko, EH Bilduko, PSE/EEko alkateek eta eta alkate independenteek osatzen duten 15 kideko gobernu-organoak.
Onintze Oleaga EH Bilduren udal arduradunak atzo iragarri zuen koalizio abertzaleko alkateek aurrekontua atzera botatzeko asmoa zutela, gaurko bozketan abstenituz, EAJk bultzatutako zuzendari berriaren hautaketa prozesuarekin ados ez zeudelako.
Esther Apraiz Eudelen presidente eta Derioko alkateak (EAJ) adierazi du instituzioa "etsirik" dagoela, eta ohartarazi du horrek "zaildu" egingo duela hainbat proiektu egitea. Hala, deitoratu duenez, "ez dute jardun erantzukizun partekatuz". Aurrerantzean, "eztabaida lasaia, sosegatua, sakona eta serioa" eskatu du, "horrelakorik berriro gerta ez dadin", ez baita "orain arte jarraitu dugun eredua, hau da, akordioena eta lankidetzarena".
EAJk "akordiorako ezgaitasunagatik" Eudelen aurrekontuak "arrazoirik gabe" blokeatu izana aurpegiratu dio EH Bilduri, eta ohartarazi du "taktika politikoko erabaki horren" ondorio zuzenak pairatuko dituztela EAEko udalek.
Batzarra amaituta, Nagore Alkorta Eudelen presidenteorde eta Azpeitiko alkateak (EH Bildu) adierazi du eure borondatea zela Eudelen aurrekontuen alde bozkatu ahal izatea, "baina egoera horretan ezinezkoa" izan dela esan du. "Hasiera-hasieratik jarri genion EAJri premisa gisa zuzendari orokorren hautaketa-prozesua gardentasunez egin behar zuela". Gogorarazi duenez, "protokolo bat" dute horretarako, baina EAJk ez du nahi izan horri heltzea. "Gure ustez, oso kezkagarria da, eta horregatik eskatzen diogu Eudeli horrelako jokaerak aldatu egin behar dituela, guk aldeko boza ematea lortu nahi badu".
PSE-EEren ustez, EH Bilduk Eudelen eragin duen "blokeoa" udalen elkartearekin "zerikusirik ez duten arrazoiei soilik egotz dakieke, inkoherentziaz betetako taktizismo elektoralistari lotutakoak".
Zure interesekoa izan daiteke
EHUk Arabako campusa itxiko du astelehenean, Voxen ekitaldi bat dela-eta
Eskuin muturreko alderdiak otsailaren 23aren oroigarri gisa egin du deialdia, “unibertsitatean askatasuna defendatzeko ezker abertzalearen aurrean”.
Jaurlaritzak begi onez hartu du bizitzeko baimena berritu nahi duten migratzaileei hizkuntza ofizialetan egiten jakitea eskatzea
Kataluniako Gobernuak egin du proposamena, hizkuntza kohesiorako eta hobeto integratzeko elementu gisa baliatu daitekeelakoan. Ildo horretatik, euskara jakitea migratzaileen integrazio prozesua indartzeko kohesio tresna izatea nahi du Eusko Jaurlaritzak.
Medikuen eskaerei eta profesional faltari erantzuteko, Jaurlaritzaren proposamenak
Alberto Martinez sailburuak neurriak eskatu dizkio Monica Garcia ministroari medikuen aldarrikapenei eta osasun-langileen faltari aurre egiteko.
Eusko Legebiltzarrak Fernando Buesa eta Enrique Casas eraildako sozialistak gogoratu ditu
Enrique Casas 1984ko otsailaren 23an hil zuten Komando Autonomo Antikapitalistek, eta Fernando Buesa bere bizkartzain Jorge Diezekin batera hil zen, ETAren atentatu batean, 2000ko otsailaren 22an. Legebiltzarreko Mahaiak 2014ko otsailean erabaki zuen erakunde terroristek hildako lau euskal legebiltzarkideak —Fernando Buesa, Enrique Casas, Gregorio Ordoñez eta Santiago Brouard— omentzea, erailketaren egunetik hurbilen dagoen osoko bilkuran.
Rufian: "Zer zentzu du gauza bera defendatzen duten ezkerreko 14 alderdik elkarren artean lehiatzeak?"
'Oraina borrokatu, etorkizuna irabazteko' goiburupean, ERCko buruzagiak antolatutako ekitaldian Estatu espainiarreko ezkerreko alderdi guztiek hartu dute parte, EH Bilduk, Podemosek eta BNGk izan ezik.
Sanchezek dio "irmo" jokatu dutela Polizia Nazionalaren bigarrenaren aurkako salaketaren berri izan ostean, eta ez du uste Marlaskak dimisioa eman behar duenik
New Delhin egindako prentsaurreko batean, Espainiako Gobernuko presidenteak esan du hasiera-hasieratik "biktimari" babesa eman diotela eta Jose Angel Gonzalez bere postutik kendu dutela. "Eta, hortik aurrera, ikerketa amaieraraino eramango da, ondorio guztiekin", gaineratu du.
Aburtok amaitutzat eman du Aitor Estebanekin izandako desadostasuna, eta atxilotuen jatorria argitaratu gabe jarraituko du
Bilboko alkateak Segurtasunaren aldeko Itunarekin lotu du bere erabakia, PSErekin, EH Bildurekin eta Elkarrekin Bilbaorekin sinatua.
Marlaskak esan du salatzaileak eskatuz gero emango duela dimisioa
Barne ministroak ez du aintzat hartu PPren dimisio eskaera, eta defendatu egin du Polizia Nazionalaren bigarrenaren aurkako kereilaren aurrean izan duen jarrera.
Denis Itxasok bideratutzat jo ditu Pradales lehendakariarekin izandako desadostasunak
Eusko Jaurlaritzako Etxebizitza eta Hiri Agenda sailburuak adierazi du desadostasunak bideratuta daudela, baina lehendakariak eta biek hitz egin beharra dutela oraindik, eta aste honetan bilduko direla. Bide batez, Aitor Esteban EAJko EBBren bururari gogorarazi dio arazoa konpontzear dagoela eta presio egiteak ez duela mesederik egiten. Donostian azken urteotan etxebizitza babestuarekin izan den arazoaz ere mintzatu da Euskadi Irratian.