IU, Mas Madrid, Comuns eta Sumar, Podemos euren proiektura batzeko prest: "Ez dago inor soberan"
Sumar osatzen duten lau indarrek hurrengo hauteskundeetan batera aurkezteko egitasmoa aurkeztu dute Madrilen. Ekitaldian hitza hartu duten guztiek batasunaren garrantzia azpimarratu dute. Yolanda Diaz Lan ministro eta Sumarren zerrendaburua ez da bertan izan.
Rita Maestrek aurkeztu du ekitaldia. Argazkia: EFE
Sumar koalizioa osatzen duten lau indarrek (Izquierda Unida, Mas Madrid, Catalunya en Comu eta Sumar Mugimendua) hurrengo hauteskunde orokorretan batera aurkeztuko direla berretsi eta koalizioa birsortzeko ekitaldia egin dute Madrilen. Proiektu berrira batzeko deia egin diete PSOEren ezkerrera dauden alderdi guztiei (Podemos barne).
Madrilgo Circulo de Bellas Arteseko aretoa txiki geratu da, jendetza bildu baita. Hala, ekitaldia atzerapenarekin abiatu dute. Oholtza gainean, honakoek hartu dute hitza: Ernest Urtasun, Monica Garcia eta Pablo Bustinduy ministroak, Antonio Maillo IUko buruzagia, Lara Hernandez Sumarreko bozeramailea eta Rita Maestre Mas Madridek Madrilgo Udalean duen bozeramailea. Gonbidatuen artean, EH Bilduko ordezkariak (Oihana Etxebarrieta eta Ibon San Saturnino), Alba Garcia eta Lander Martinez EAEko Sumarreko kideak eta CCOO eta UGTko idazkari nagusiak izan dira. Yolanda Diaz Lan ministro eta Espainiako Gobernuko bigarren presidenteordea, berriz, ez da ekitaldian izan.
"Batasuna" hitza izan da hitzaldietan errepikatuena. "Proiektu hau indar politiko eta gizarte mugimendu guztietara dago zabalik", esan du Lara Hernandezek (Sumar), eta "akatsetatik ikasi behar da", ohartarazi du. "Aldatu beharrean gaude dena aldatzea nahi badugu. Ezin gara berriro hutsetik hasi", erantsi du.
Ildo beretik mintzatu da Ernest Urtasun ministro eta Catalunya en Comuko kidea. Horren aburuz, "bere burua baztertzen ez duen inor ez dago soberan". "Jendeak ez digu eskatzen berdinak izatea, bidea elkarrekin egitea baizik", nabarmendu du.
Iritzi bera agertu du Antonio Maillok (IU) ere. Horren ustez, "batasuna da garrantzitsuak izaten jarraitzea bermatzen duen elementu bakarra".
Rita Maestre Mas Madrideko buruzagiaren ustez, "lehengusuen arteko borrokek ez digute lagunduko. Ezin ditugu iraganeko akatsak errepikatu".
Bestalde, une politikoaren garrantzia azpimarratu dute guztiek. "Gure garaiko borrokarik garrantzitsuena da", esan du Maestrek. Lara Hernandezen aburuz, "ezin diogu etsipenari garaitzen utzi. Egitekorik ez dagoela esatea baino gauza erreakzionarioagorik ez dago". Hala, "bipartidismo antzuaren garaia" gainditzeko deia egin du: "Etorkizuna eraikiko dugu, hor ditugu erronkak eta aukerak".
Gabriel Rufian ERCko diputatuak asteon egindako proposamena ere izan dute hizpide bertaratutakoek. Ernest Urtasun ministroarentzat oso positiboa da eskuinari garaitzeko hauteskunde aritmetika aztertzea, baina horren aurretik proiektua dagoela adierazi du. "Aritmetika beharrezkoa da, baina hauteskundeak ez dira soziologia erabilita irabazten. Proiektu politiko garaile bat behar da, eta hori da gaur aurkeztera etorri garena", esan du.
Montero, Ione Belarra ondoan duela, manifestazioan. EFE
Podemos: "Garrantzitsuena jendeak ezkerra nahi izatea da"
Hain justu, Sumarren birsortze ekitaldiaz galdetu diote Irene Montero Podemosen eurodiputatu eta alderdi moreko idazkari politikoari.
Montero pozik agertu da "jende asko ezkerra babesteko gogoz" dagoelako, eta azkenean balizko aliantzak "begi bistan" geratuko direlako.
Zure interesekoa izan daiteke
Martinez Martinez enpresariak bitartekari gisa aurkeztu du Zapatero, eta 530.000 euro jaso zituela onartu du
Julio Martinez Martinez enpresariak adierazi duenez, Zapaterok erreskatearen % 1aren ordainketa dibertsifikatzea agindu zuen.
Pradales lehendakariak Espainiako selekzioan dabiltzan jokalariak zoriondu ditu, Munduko Futbol Txapelketa irabazi dutela eta
Maria Ubarretxena Eusko Jaurlaritzaren bozeramaileak adierazi du ez dakiela Imanol Pradalesek euskal jokalariak hartuko dituen ala ez. Chivite lehendakariak gaur arratsaldean harrera egingo dio Mikel Merinori.
Jaurlaritzak zail iritzi dio transferentzien inguruko akordioa lortzeari eta uztailean aldebiko batzordea biltzeari
Maria Ubarretxena bozeramailearen esanetan, gaur-gaurkoz ez dira Bitariko Batzordearen bilera egiteko bermeak betetzen eta aurrerapauso handiak eman beharko lirateke abuztua aurretik lehendakaria eta Sanchez elkartu ahal izateko.
Berriozabal (EAJ): “Ez dut nahi nire ondoan Euskal Selekzioaren aldarrikapenerako indarkeria erabiltzen duenik”
Jone Berriozabal, Araba Buru Batzarraren presidentea, Euskadi Irratiko Faktoria saioan izan da, eta Munduko Futbol Txapelketaren finalaren inguruan izandako istiluak gaitzetsi egin ditu. Haren ustez, Espainiako selekzioaren jarraitzaileen kontrako erasoak ez dira bateragarriak Euskal Selekzioen ofizialtasunaren aldeko aldarriarekin. “Ez dut nahi nire ondoan Euskal Selekzioaren aldarrikapenerako indarkeria erabiltzen duenik”, adierazi du.
Julio Martinez enpresariak Rodriguez Zapatero inplikatu du Plus Ultrari emandako maileguan
Auzitegi Nazionaleko epaileari zuzendutako idazki batean, presidente ohiak airelinearen erreskatean "jarraitu beharreko pausoak markatu" zituela esan du ikertuak, eta bitartekari izateagatik % 1eko komisioa jaso zuela onartu du.
Epaileak inputatu gisa galdekatuko du Jessica Rodriguez, Abalosen bikotekide ohia, Ineco eta Tragsatecen "entxufez" sartzeagatik
Ikertu gisa deklaratuko dute, gertakari berberengatik, Abalosen aholkulari ohi Koldo Garciaren anaiak, Joseba Garciak ere, bai eta Ignacio Zaldivarrek ere, Adifeko goi-kargudun ohiak.
Ehunka lagun bildu dira euskal selekzioaren aldeko mobilizazioetan, Mundialeko Finalaren atarian
Goizean manifestazioa izan da Baionan eta arratsaldean Bilbon, Donostian, Eibarren, Gasteizen eta Iruñean izan dira euskal selekzioaren aldeko hitzorduak.
Andy Burnhamek Gobernu britainiarraren buruzagitza hartuko du astelehen honetan
Manchesterreko alkate ohia zazpigarren lehen ministroa izango da 10 urtean, Keir Starmer laboristaren ordez.
Duela 50 urteko alkateek diote Euskal Herriak oraindik ez dituela orduko helburuak bete
Bergaran bizi izan zuten egun historikoa gogoratu dute 1976ko alkateek. Urduri baina ilusioz itzuli dira orduko ekitaldiaren lekura, Euskal Herriaren historian mugarri izan zen une hura oroitzera. Orduko lorpenak nabarmendu dituzte, eta etorkizunari begira ere itxaropentsu agertu dira.
EAJk eta EH Bilduk nazio aitortza eta erabakitzeko eskubidea aldarrikatu dituzte Bergaran
Bi alderdietako 200 udal-ordezkari elkartu dira Gipuzkoako udalerrian bi efemeride berezi gogoratzeko: Alkateen Mugimenduaren sorreraren 50. urteurrena eta Foruen indargabetzearen 150. urteurrena.