Zapaterok ukatu egin du Plus Ultrarekin "inolako harremanik" izatea, eta gezurtatu egin du Abalosekin zein beste agintari batzuekin bilerak egin izana
Espainiako Gobernuko presidente ohiak agerraldia egin du, astelehen honetan, Koldo auziari buruz Senatuan egiten ari diren ikerketa batzordean, eta UPNk Plus Ultrarekin duen loturari buruz egindako galderak erantzun ditu, besteak beste.
Jose Luis Rodriguez Zapatero, astelehen honetan, Senatuan. Argazkia: EFE.
Jose Luis Rodriguez Zapatero Espainiako Gobernuko presidente ohiak agerraldia egin du astelehen honetan Senatuan, Alderdi Popularrak eskatuta, eta bertan ukatu egin du Plus Ultra airelinearen erreskatearekin "inongo zerikusirik" izatea. Jose Luis Abalosekin zein beste agintari publiko batzuekin bilerak egin zituela dioten informazioak "faltsukeria hutsa" direla esan du.
Hala azaldu du presidente ohi sozialistak Koldo auziari lotutako ikerketa batzordean, eta behin eta berriz ukatu du airelinea erreskatatzeko bitartekari lanak egin izana zein hura erraztu izana.
Testuinguru horretan, Zapaterok azpimarratu du ez duela inoiz Pedro Sanchez Espainiako presidentearekin Plus Ultraren erreskateari buruz hitz egin, ez eta Exekutiboko beste ezein kiderekin ere. Zapaterok esan du, anekdota gisa, Koldo auziari buruzko ikerketa batzordearen inguruko "sentsazioez" aritu izan dela Sanchezekin noiz edo noiz.
Plus Ultraren presidentea ezagutzen duen galdetuta, Zapaterok esan du balitekeela noizbait hura agurtu izana, "milaka pertsona" agurtzen dituen heinean, baina argitu duenez, ez du inoiz "ez komunikaziorik ez bilerarik izan" harekin.
"Ez dut inoiz Plus Ultrarekin inolako harremanik izan, eta ez didate inoiz ezer eskatu Plus Ultraren mesederako", esan du behin baino gehiagotan Zapaterok.
Plus Ultrari buruz hitz egiteko Jose Luis Abalos ministroarekin bildu izan zela dioten "informazioen" aurrean, Zapaterok adierazi du Garraio ministro ohiak berak ukatu egin duela, eta argitu du behin bakarrik bildu zela harekin, Abalos ministro zenean, eta erreskatearen ostean.
Zehaztu duenez, Pedro Saura Garraio idazkariordeak ere ukatu egin du berarekin bildu zela Plus Ultrari buruz hitz egiteko. "Ez nuen ezein agintari publikorekin ez ezein langile publikorekin hitz egin Plus Ultraren erreskateari buruz".
Zure interesekoa izan daiteke
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.
David Sanchezek ukatu egin du kontratazioetan eragin izana: "Ez daukat horretarako ahalmenik"
Badajozko Lurralde Auzitegian egiten ari diren epaiketan, David Sanchezek, Pedro Sanchez Espainiako Gobernuko presidentearen anaiak, ukatu egin du kontratazioetan eragin izana; ez Badajozko kontserbatorioko koordinatzaile gisa berak lortu zuen lanpostuan, ezta Luis Carrero lagunari esleitu ziotenean ere. "Ez dut horretarako ahalmenik, ezta informazio administratiborik ere", esan du.
Estebanek eta Anduezak bien arteko desadostasunen kontua arindu eta Jaurlaritzaren batasuna goraipatu dute
Desadostasunak gorabehera, EAEko erakunde nagusietan koalizioa osatzen duten bi alderdietako buruzagiek azpimarratu dute bat eginda lan egiten dutela "herria aurrera ateratzeko".
UCOk Tubos Reunidosen Bilboko egoitza miatu du
Erregistroa hamar orduz luzatu da. Leire auziaren sekretupeko pieza baten barruko jarduketa bat da, eta Santiago Pedraz Auzitegi Nazionaleko epailearen aginduz egin dute.
UCOk PSOE seinalatu du Leire Diezen sarearen ordainketa guztien "jatorri" gisa
Atestatuan, Guardia Zibilaren Unitate Zentral Operatiboko agenteek ustezko ordainketetako batzuk xehatu eta hainbat adibide jarri dituzte.
2027ko aurrekontuak aurkezteko izapideak abiatu ditu Espainiako Gobernuak
Elkarrizketarako "eskuzabaltasuna, erantzukizuna eta konpromisoa" eskatu dizkie Espainiako gobernuburuak Kongresuko taldeei, eta bereziki zuzendu zaie Euskal Herriko eta Kataluniako alderdi independentistei eta nazionalistei.