Eusko Legebiltzarrak atzera bota ditu arma zurien aurkako PPren lege erreformak
Popularrek Voxen babesa baino ez dute izan. Gainerako taldeek kontrako botoa eman dute, PPri segurtasuna modu populistan erabiltzea aurpegiratu diote, eta gogorarazi diote planetatzen dituen lege-erreformak ez direla erkidegoen eskumenekoak.
Eusko Legebiltzarra. Europa Pressen artxiboko argazkia.
Eusko Legebiltzarrak atzera bota du PPk arma zurien inguruan aurkeztutako ekimen bat. Proposamenak arma zuriak edukitzea oztopatzeko eta horiek daramatzaten eta erakusten dituztenak atxilotzeko arauak gogortzearen alde egiten zuen, horretarako lege organiko batzuk aldatuz.
Popularrek Voxen babes bakarra izan dute; izan ere, gainerako taldeek kontrako botoa eman dute, PPri segurtasuna modu populistan erabiltzea aurpegiratu ostean.
Proposameneko puntu guztiak Estatu mailako arauak aldatzera bideratuta zeuden, Eusko Jaurlaritzari Arma Zurien aurkako Ekintza Plana berrikusteko eta eguneratzeko eskatzen diona izan ezik. Atzera botatako legez besteko proposamena Kongresuak PPk eskatuta atzo onartutakoaren antzekoa da.
Ainhoa Domaica popularrak esan du arma zuriekin egindako delituen inguruko kezka gero eta handiagoa dela, eta delitu horien gorakada "EAJren herritarren segurtasunaren kudeaketa negargarriaren" ondorio dela.
Gainera, proposamena Eusko Legebiltzarrean eztabaidatzea defendatu du, Euskadik eskumen esklusiboak dituelako Segurtasunean, eta modu "proaktiboagoa" joka dezakeelako, "arma zurien erabileraren aurka zain eta muin borroka egitea ahalbidetuko duten neurriak eskatzeko".
EAJren aldetik, Jon Andoni Atutxak uste du proposamena "berandu eta ez dagokion lekuan" iritsi dela, eta deitoratu du PPren helburua "EAJ higatzeko alarma sortzea" dela. "Bitartean, Eusko Jaurlaritzak lanean jarraitzen du", gaineratu du.
Ildo beretik, Miren Gallastegui sozialistak "dagokion lekura joateko" eskatu dio PPri, Espainiako Gobernuak arma zurien erabilerari aurre egiteko neurri berriak hartzeko konpromisoa hartu duela gogorarazi ostean.
Bestalde, Gorka Ortiz de Guineak (EH Bildu) "punitibismo magikoa eta merkea" egitea leporatu die popularrei, ekimen "larderiatsu eta populista" baten bidez.
Jon Hernandezek (Sumar) uste du PPk "gehiegizko dimentsioa" ematen diela "segurtasun-arazoei eta beste batzuk ahaztu" egiten dituela "beldurra EAJrekin lehiatzeko bandera gisa hartuta".
Azkenik, Amaia Martinezek (Vox) ziurtatu du gero eta "segurtasun gutxiago" dagoela kalean eta egoera horri buelta ematea lehentasuna dela bere alderdiarentzat.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.