Iparragirrek eta Azpiazuk eragindako mina aitortzen duten gutunak egin ditu publiko Auzitegi Nazionalak, auto banatan
Biktimei zuzendutako hiru gutun dira publiko egin direnak, Iparragirreren bat eta Aspiazuren bi. Eragindako mina aitortzen dute ETAko buruzagi izandakoek.
Garikoitz Aspiazuk idatzitako gutunetako baten irudia.
"Aitortzen dut eragindako mina, eta horren kontzientzia osoa dut. Idatzi honekin nire atsekabea azaldu nahi diet, bereziki, ondorioak zuzenean jasan zituztenei". Marisol Iparragirre Anboto ETAko buruzagi ohiak biktimei zuzendutako gutun batetik ateratako hitzak dira. 2026ko urtarrilaren 26ko data du, eta gaur egin du publiko Auzitegi Nazionalak, presoari Eusko Jaurlaritzak emandako erdi-askatasuneko erregimena bertan behera uzteko kaleratutako autoan.
Hain zuzen, gutun hori erabili zuen Jaurlaritzak 100.2 artikuluaren bidez aipatutako erregimena ezarri izana arrazoitzeko. Testuan, Iparragirrek onartzen du bere ekintzen ondorioek ez dutela atzera bueltarik, eta damua agertzen du. "Ez errepikatzeko konpromiso irmoa berretsi nahi dut, eta elkarrizketaren bideen aldeko apustua egin, bai gatazkak konpontzeko, bai zauriak sendatzeko", idatzi du.
Era berean, Garikoitz Aspiazu Txeroki ETAko presoaren bi gutun ere zabaldu ditu ANk, beste auto batean. Kasu honetan, aurrekoan ez bezala, Jaurlaritzaren erabakia berresten du epaileak.
Eskutitzetako batean, ETAren biktima guztiei zuzentzen zaie Aspiazu, bere hitzekin eta ekintzekin eragin duen mina arintzen eta sendatzen laguntzeko asmoa agertuz. "Espero dut eta desiratzen dut nire hitzek eta nire ekintzek, ahal den neurrian, eragindako mina arintzea eta sendatzea; min hori neure egiten dut, enpatiaz eta zintzo".
ETAko aparatu militarreko buruetako bat izan zenak onartzen du bere eboluzio pertsonala aitatasunari lotuta dagoela. "Bizikidetzari egin diezaiokedan ekarpen handiena nire seme-alabak tolerantzian, indarkeriarik ezean eta bakean heztea da, biktimen mina ahal den neurrian sendatzeko", adierazi du, iazko martxoan izenpetutako gutunean.
Iraganean indarkeria jasan zuten pertsonei kalterik ez egiteko edo sufrimendu gehiago ez gehitzeko konpromisoa agertu ondoren, presoak dio eragindako kaltea konponezina den arren, oraina eta etorkizuna bakean eta bizikidetzan eraikitzeko urratsak ematea posible dela.
Iparragirre 600 urtetik gorako espetxe-zigorra ari da betetzen, eta Aspiazu. ia 400 urtekoa.
Zure interesekoa izan daiteke
PSOEk Zapatero babestu du, Plus Ultra auzian inputatuta izan ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezen premiazko agerraldia eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili omen zirelako ikertzen ari da Jose Luis Calama Auzitegi Nazionaleko magistratua. Ekainaren 2rako deitu dute Zapatero.
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.