EAJk bertan behera utzi du sozialistekin bihar egitekoa zuen bilera, PSEk sareetan mezu "lotsagarria" jarri ostean
Aitor Estebanek Euskadi Irratian adierazi du estatus berriari buruzko negoziazioek “aurrera egin" dutela eta lanean jarraitzeko “oinarria" badagoela. Sozialistek EAJko buruzagiaren muntaketa batekin erantzun dute sare sozialetan, eta horrek jeltzaleen haserrea piztu du.
PSE-EEk sare sozialetan zabaldu duen AAk sortutako irudia.
EAJren eta PSEren arteko tentsioa nabarmen areagotu da azken orduetan, eta erakunde nagusietan kide diren bi alderdien arteko azken desadostasunak ondorio argi bat izan du: bertan behera geratu da Aitor Estebanen eta Pedro Sanchezen artean bihar egin behar zen bilera. EAJren EBBko presidenteak erabaki du ez dela bilduko Espainiako presidentearekin Moncloako Jauregian, Euskadi Irratian egindako adierazpen batzuei iseka egin ostean, sare sozialetan.
Estebanek Faktoria saioan egin ditu adierazpenak, autogobernuaren estatus berriaren negoziazioari buruz galdetu diotenean. Adierazi duenez, alderdiek “aurrera egin dute” negoziazioetan eta “oinarria badago” akordioetara iristeko.
Elkarrizketaren ondoren, ordu batzuk geroago, PSEk mezu bat zabaldu du sare sozialetan, irudi batekin batera. Eta jeltzaleen haserrea piztu dute.
Irudian Aitor Esteban agertzen zen, igerilekura jauzi eginez. Eta honako testua idatzi dute sozialistek: “Hara! Orain badago ura Estatutu berriaren igerilekuan… dio EAJk. Aitor Estebanen baikortasuna ospatu beharko da, nahiz eta kasualitatea izan haren alderdira une zail batekin bat etortzea; EH Bilduren ildoari jarraitzea erabaki dute, oposizioetan euskararen eskakizuna gogortu dute eta duela bi urte sozialistekin landutako azken adostasunak alde batera utzi dituzte”.
Mezuak honela jarraitzen du: “Autogobernuaren defentsak, euskararen defentsak eta euskal gizarte osoaren interesen defentsak zorroztasuna, dedikazioa eta eskuzabaltasuna merezi dituzte. Osagai horiekin, PSE-EE izango da lehena lanean, baina alderdikeriarik eta kalkulu elektoralik gabe”.
Euskal sozialisten mezua ezinegon handia eragin du Sabin Etxean, eta EAJk sare sozialetan mezu labur batekin erantzun du: “Ez dago halako errespetu faltarik justifikatzen duen ezer. Lotsagarria da. Bihar Aitor Estebanek Moncloarekin zuen bilera bertan behera geratu da”.
Nolanahi ere, PSEk ukatu egin du Moncloan bilera egin behar zela.
Zure interesekoa izan daiteke
Espainiak 40.000 milioi euroraino handitu du gastu militarra, eta gehien gastatzen duten 15 herrialdeen artean dago
Centre Delàsek astelehen honetan aurkeztu duen txosten batean esparru militarra bideratutako gastuak gehitu dizkio Defentsa Ministerioko aurrekontuari; hala nola ikerketarako partidak, atzerriko operazioak, partida industrialak eta abar. Horrek guztiak partida osoa BPGaren % 2,42ra igotzen dutela salatu du.
Sahararrei Espainiako nazionalitatea aitortzen dien lege proposamenari helduko dio berriro Kongresuak asteartean
Sumarrek dozena erdi zuzenketa proposatuko die Kongresuko taldeei, akordioa lortzeko bidean, eta ponentziari onespena emateko helburuarekin. Zuzenketa horietan gainerako alderdiek egindako proposamenak laburbiltzen dira, PPrenak izan ezik.
Lau hilketa eta hainbat saiakera, AEBko presidenteen aurka: joera historiko baten zergatiak
Donald Trumpen aurkako hirugarren atentatuak gogora ekarri du AEBko magnizidioen historia. Zenbait adituk salatu dute armak eskuraerrazak izateak areagotu egiten duela horrelako gertakari bat izateko arriskua.
Barcenasen semearen ustez, Rajoyren Gobernuak agindua eman zuen aitari espetxealdia "jasanezina" egiteko
Auzitegi Nazionalak Kitchen auziaren epaiketari ekin dio berriro astelehen honetan. Lekuko gisa deklaratu dute gaur Javier Arenas eta Soraya Saenz de Santamaria PPren buruzagi ohiek, eta Guillermo Barcenasek, Luis Barcenasen semeak.
EH Bilduk euskara unibertsalizatzea eta erabilera arlo guztietan indartzea proposatu du
Koalizioak hizkuntza-politika berria planteatu du, geldialdia gainditu eta euskara bizitzaren esparru guztietan erabiltzea bermatzeko. Gainera, pertsonen euskalduntzetik espazioarenera pasatzea planteatu du.
GEBehatokiak eta Naparraren familiak terrorismoaren biktima gisa aitortzea eskatuko dute
Espainiako Barne Ministerioak bi aldiz errefusatu du errekonozimendu hori, nahiz eta NBEk kasua aitortu zuen 2014an.
Auzitegi Nazionalak Pujol salbuetsi egin du ustelkeria delituetatik, dementzia duela iritzita
Ustelkeriaren aurkako Fiskaltzak 9 urteko espetxe-zigorra eskatzen zuen bere aurka, legez kanpoko elkartea osatzea eta dirua zuritzea egotzita, eta Jordi seme zaharrari galdeketa egingo diote orain, ustelkeriaren ustezko erantzulea izateagatik.
Auzitegi Nazionalak gaur erabakiko du Pujol epaitu ala dementziagatik erantzukizun penalik gabe utzi
Epaiketatik kanpo uztea erabakitzen badu, Pujol Auzitegi Nazionaletik joan ahal izango da, inolako erantzukizun penalik gabe, eta gainerako akusatuak galdekatuko dituzte, hala nola Jordi semea.
Cosme Delclaux hil da, 90eko hamarkadaren amaieran ETAk denbora luzez bahituta izan zuen abokatua
Aurtengo azaroan 30 urte beteko lirateke ETAk bahitu zuenetik. 232 egun eman zituen zulo batean ezkutatuta. Hileta astelehen honetan egingo dute, Neguriko Loiolako San Inazio parrokian.