EAJk Monica Garciaren aurka egin du medikuen grebagatik, eta arazoa lehenagotik datorrela esan du EH Bilduk
PSE-EEk, EH Bilduk, PPk eta Sumarrek uste dute Eusko Jaurlaritzak badituela eskumenak antolaketarekin zerikusia duten arazoak konpontzeko.
EAJk Monica Garcia Osasun ministroa kritikatu du medikuen grebaren inguruan "hartzen ari ez den erabakiengatik", eta Jaurlaritza arazoa "gure eskumenetatik arintzen" saiatzen ari dela defendatu du, baina "arazoa askoz atzeragotik dator", EH Bilduren arabera, ez baitu uste "arazoak eta itxaron-zerrendak greba honekin hasi direnik".
Radio Euskadiko "Parlamento en las ondas" saioan, Legebiltzarrean ordezkaritza duten alderdiek medikuen grebari buruz eztabaidatu dute. Greba horrek atzerapenak eragin ditu kontsultetan, ebakuntzetan eta era guztietako probetan, eta Imanol Pradales lehendakariak ere gogor jo du ministroaren aurka.
Aitor Urrutikoetxea EAJko legebiltzarkidearen hitzetan, ebakuntza kirurgikoa egiteko itxaron-zerrendan dauden pazienteak itunpeko sarera bideratzeko erabakia "sortutako egoera guztia arintzeko" hartu dute, eta "Euskadiren eskumen propioen barruan profesionalekin hitz egiten eta negoziatzen jarraitzeko deia egin du".
Horren harira, Osasun Ministerioa eta Monica Garcia ministroa kritikatu ditu "hartzen ari ez den erabakiengatik", eta ziurtatu du Eusko Jaurlaritza arazoa "arintzen" saiatzen ari dela "gure esparrutik", eskumena Estatukoa dela ukatu gabe.
Ander Goikoetxea EH Bilduko legebiltzarkideak esan du lehendakariak errazago ikusten dituela errudunak kanpoan, zeren "Ministerioari buruz duen diskurtsoa, hemen, funtzio publikoan, grebak daudenean aplikatzea gustatuko litzaidake, sindikatuei eta oposizioari errua bota beharrean".
Goikoetxeak uste du Osasun Ministerioak "lehenbailehen" konpondu beharko lukeela egoera, baina ukatu egin du "arazoak eta itxaron-zerrendak greba honekin hasi zirela".
Ekain Rico PSE-EEko legebiltzarkideak gogorarazi duenez, Estatutu Markoa "CCOO, UGT, CSIF eta SATSE sindikatuek onartu dute, hau da, Espainiako osasun publikoko ordezkaritza sindikalaren % 80k", baina "zenbait sektore korporatibo medikok estatutu propioa izatea planteatzen dute".
Horren esanetan, kolektiboaren aldarrikapen "gehienak" hemen ebazten dira, "ez dira Madrilen ebazten", "lanaldia edo karrera profesionala" esaterako.
Laura Garrido EAEko PPko legebiltzarkidearen hitzetan, Osasun ministroak "denbora asko" darama jopuntuan neurriak ez hartzeagatik. Hainbat gai "aspalditik daude mahai gainean, eta ez dute konponbiderik eman"; beraz, itxaron-zerrenden gorakada "lehenagotik" datorrela azpimarratu du.
Bestalde, Jon Hernandez Sumarreko legebiltzarkideak adierazi du "deigarria" egiten zaiola Eusko Jaurlaritzak "hitz egin behar dela esatea, negoziatu egin behar dela, Osakidetzako lan-baldintzak, Osasun Sailaren menpe daudenak, lan-baldintzak arautzen dituen akordioak, 15 urte daramatzanean negoziatu gabe, Eusko Jaurlaritzaren eta osasun publikoko euskal sindikatuen artean sinatu gabe".
Zure interesekoa izan daiteke
Donosti Cupen epaile lanetan ari zen ertzain batek eskoltatuta utzi du zelaia, jokalarien eta ikusleen jazarpenagatik
Epaileak partida bat behar baino lehen amaitu nahi zuen, jokalarien jokabidea bortitzegie zela iritzita, eta horrek jokalarien eta ikusleen haserrea piztu zuen. Donosti Cupeko antolatzaileek esan dutenez, "horrelako jokabideek ez dute lekurik gure txapelketan".
Pedraz epaileak Sanchezen kabineteburu eta Correoseko presidente ohia inputatu du Leire auzian
Epaileak argitu egin nahi du Serranok ikerketa judizialak oztopatzeko egindako ustezko ekintza batzuetan izandako parte-hartzea. Ildo horretatik, 2024ko apirilaren 26ko bilera bat eta Leire Diezekin izandako elkarrizketak daude, besteak beste, aztertutako jardueren artean.
Ermuko Udalak Miguel Angel Blancori egindako omenaldian ahanzturan ez erortzearen alde egin du
29 urte dira ETAk Miguel Angel Blanco bahitu eta hil zuela, euskal gizartean sekulako astindua eman zuen gertaera. Gaur bere jaioterrian, Ermuan, omenaldia eskaini diote, eta mezu bat zabaldu horrelako gertaerak ahanzturan ez geratzeko.
Jaurlaritzak uste du Feijoo Espainiako gobernuburu izatea "langileentzat arriskutsua" dela
Laneko absentismoari buruz Alberto Nuñez Feijook egindako adierazpen polemikoak hizpide izan ditu gaur Mikel Torres bigarren lehendakariorde eta Ekonomia, Lan eta Enplegu sailburuak. Horren iritzian, Feijook "ezjakintasun handia" erakutsi zuen, eta frogatuta geratu da Espainiako Gobernura iritsiz gero, "langileentzako arriskutsua" dela.
Correoseko presidente ohiak Leire Diezi kargu bat eman ziola uste du UCOk
UCOren arabera, Juan Manuel Serranok parte-hartze aktiboa izan zuen ikertutako gertakarietan, "bai SEPIren enpresa-eremuan etekinak lortzearekin lotuta, bai PSOEko kide jakin batzuen zein Espainiako Gobernuaren interesen defentsarekin lotuta".
Espainiako Gobernuak biktima gisa aitortu du Josu Zabala Erasun, duela 50 urte Guardia Zibilak tiroz hildako irundarra
"Arrazoi politiko eta ideologikoengatik jazarpena" jasan zuela, eta "aitortzarako eta erreparaziorako eskubidea" dio onartutako adierazpenak.
Fiskaltzak Begoña Gomezen absoluzioa eskatu du, deliturik egin ez zuela iritzita
Ministerio Fiskalak Gomezi pasaportea kentzearen aurkako helegitea aurkeztu du ere, eta Peinado epaileak hartutako beste erabaki batzuk "zentzurik gabekoak" direla adierazi du.
Jaurlaritzak "positibotzat" jo du Konstituzionalak euskarari buruz hartutako erabakia, eta Bilduk ohartarazi du "oldarraldia ez dela eten"
Ibone Bengoetxearen esanetan, EAEko Auzitegi Nagusiak oraindik erabaki behar du PPk eta Voxek Enplegu Publikoaren Legeari jarritako helegiteari buruz.
Sanchezek, Trumpen kritiken ostean: "AEBren eta Espainiaren arteko harremanak oso positiboak dira"
Espainiako Gobernuko presidenteak azaldu du Estatu Batuetako presidentearekin hitz egiteko aukera izan duela, azken horrek Espainia beste behin kritikatu eta gero. "Solasaldi informala" izan dela azaldu du, eta "adeitsu"jardun dutela.
"Ez litzateke lehen aldia presidente batek ihes egiten duena", erantzun dio Peinado epaileak Begoña Gomezi
Magistratuak ekainaren 30ean sinatutako auto batean defendatu du bere erabakia, bere ordezkoak gai horren inguruan beste erabaki bat hartu baino lehen. Azken horrek baimena eman dio Gomezi Londresera bidaiatzeko, baina ez Ankarara.