AEBk Plus Ultrako akziodun baten komunikazioak nola lortu zituen argitzeko eskatu du Zapaterok
Abokatuaren esanetan, AEBren eta Espainiaren arteko informazio-trukeak "arrazoizko zalantzak" sortzen ditu berme juridikoiei dagokienez.
Jose Luis Rodriguez Zapatero, artxiboko irudia. Argazkia: EuropaPress
Jose Luis Rodriguez Zapatero Espainiako Gobernuko presidente ohiaren defentsak AEBk Rodolfo Reyes Plus Ultrako akziodunaren komunikazioak "nola" jaso zituen argitzea eskatu du. Izan ere, mezu horiek gako izan dira buruzagi ohi sozialista Auzitegi Nazionalean inputatzeko.
Idazki batean, Victor Moreno Catena Zapateroren abokatuak "arrazoizko zalantzak" azaldu ditu komunikazio benetakoak ote diren. Horrekin batera, zalantzan jarri du mezuak nola lortu, irauli, zaindu eta eskuratu dituzten, baita polizia-organoen artean informazio hori nola trukatu den ere, "esku-hartze judizial ezagunik gabe".
Hori dela eta, Plus Ultra auziko instruktore Jose Luis Calama epaileari eskatu dio zabal dezala AEBko agintariei aste honetan egindako nazioarteko lankidetza juridikorako eskaera, komunikazio horiek "Espainiako prozesu penalean frogabide gisa" erabiltzeko baimena eman dezaten, eta ez bakarrik instrukzio fasean dagoen ikerketa bitarteko gisa.
Epaileak, defentsen baliogabetasun-eskaerei aurrea hartuta, urrats hori eman zuen balizko epaiketa batean mezu-truke horiek "balio dutela" bermatzeko.
Zapateroren defentsak mahai gainean jarri ditu "defentsa-eskubidea gauzatzeko baldintzei buruzko zalantza legitimoak eta zailtasun larriak", Venezuelako enpresariaren komunikazioak lortzeak eragin zuen polizia-jarduerari buruzko "ia informaziorik eman ez baita".
Homeland Security Investigations (HSI) AEBko agentziak Polizia Nazionalaren Delinkuentzia Ekonomiko eta Fiskalaren Unitate Zentralari (UDEF) bidali zizkion WhatsAppeko mezuak joan den martxoan, AEBko gobernu-agentzia horrek 2021ean "hasiera batean kontrabandora bideratutako" esku-hartze batean lortu eta bost urtera.
Epailearen autoaren arabera, HSIk uste zuen material horrek "garrantzia" izan zezakeela Plus Ultra kasuari buruzko Espainiako ikerketarako, baina defentsak azpimarratu du ez duela "horri buruzko dokumentaziorik ezta informaziorik ere".
Zure interesekoa izan daiteke
Pertur omendu dute Irunen, haren desagertzearen 50. urteurrenean
"Pertur. Egia nahi" lemapean, ETA politiko-militarreko buruzagi izandakoaren senideek gogorarazi dute kasua ez dela preskribatu, eta ikertzen jarraitzeko eskatu dute.
Plus Ultra konpainiaren presidenteak eta kontseilari delegatuak dimisioa eman dute
Aste honetan onartu dute Auzitegi Nazionalean 530.000 euro ordaindu zituztela Zapateroren eta Zapateroren kidearen bitartekaritzaren truke; horren ostean hartu dute dimisioa aurkezteko erabakia.
Euskara gatazkatik urruntzeko eskatu du Pradalesek: "Hizkuntzak denok behar gaitu"
Imanol Pradales lehendakariak adierazi du euskararen aurrerapausoak ez direla "inposaketatik" etorriko, eta datozen hamarkadetan euskara biziberritzeko bide berri bat irekiko duen "Jauzia gara" ekimena aipatu du.
Auzitegi Gorenak amnistia aplikatu die 'proces' auziarekin lotutako delituengatik zigortutako zortzi pertsonari
Europar Batasuneko Justizia Auzitegiak Amnistia Legea EBko zuzenbidearekin bat datorrela eta "adiskidetzea errazten" duela ebatzi eta astebetera hartu du erabakia Espainiako Auzitegiko Gorenak.
Osakidetzak udan lehen arretan murrizketak egiten jarraitzen duela salatu du EH Bilduk
Rebeka Ubera EH Bilduko legebiltzarkideak Barakaldoko Urbango osasun zentroaren atarian egin duen agerraldian azaldu duenez, 2023ko udan EAEko 255 osasun zentro normaltasunez aritu ziren, Osasun Sailaren datuen arabera. Aurten, aldiz, 211 dira: 54 gutxiago.
Maria Chivite: "Inork zerbait egin badu, ordain dezala, baina ez naiz ni izango"
Maria Chivite Nafarroako lehendakaria Guardia Zibilak Santos Cerdani buruz egindako azken txostenaren inguruan aritu da Parlamentuan, UPNk eskatuta, eta hau esan du: "Zenbat eta gehiago ikertu, zenbat eta gehiago aurreratu auzitegietan, are argiago dago ez dagoela ezertxo ere nire aurka". "Gobernu honek txosten horrekin lotuta izan duen esku-hartze bakarra izan da Justiziarekin lankidetzan aritzea, informazioa emateko eta ikerketan laguntzeko. Gainerako guztia nire aurkako sorgin-ehiza estrategia baten parte da, ez Gorenak ez UCOk beren ikerketa eta erabakiekin berresten ez dutena, ez baitago ezer", azpimarratu du.
Absolbitu egin dituzte Berangoko ongietorriagatik auzipetutako hamasei herritarrak
Epaiketa joan den ekainean izan zen, Madrilen, 2022ko martxoan Ibai Aginaga ETAko preso ohiari ongietorri ekitaldi bat egiteagatik terrorismoaren gorazarre delitua egotzita.
Pradalesek eta Sanchezek uda ostera atzeratu dute transferentziei buruzko aldebiko bilera
Ubarretxena sailburua Madrilen izan da Espainiako Gobernuko kideekin eskumenen eskualdaketa negoziatzen, baina ez dute akordiorik lortu.
EH Bilduk azalpenak eskatu dizkio Zupiriari Karmengo jaietako "indarkeria polizialagatik"
Espainiako Selekzioaren jarraitzaileen aurka izandako liskar batean Ertzaintzak esku hartu zuen, eta lau lagun zauritu ziren.
Zapatero: "Ez nuen inorekin hitz egin Plus Ultraren erreskateaz, ez SEPIrekin, ezta Gobernuarekin ere"
Gobernuko presidente ohiak adierazi duenez, bere bulegoan aurkitutako bitxiak, 1,3 milioi eurotan baloratuak, herrialde baten "kortesia pertsonaleko opari" bat izan ziren. Inbestidurako bazkideak eta oposizioa bat datoz azalpenak ez direla nahikoak izan esatean.