Pradalesek eta Sanchezek uda ostera atzeratu dute transferentziei buruzko aldebiko bilera
Ubarretxena sailburua Madrilen izan da Espainiako Gobernuko kideekin eskumenen eskualdaketa negoziatzen, baina ez dute akordiorik lortu.
Eusko Jaurlaritzak eta Espainiako Gobernuak uda ostera arte atzeratu dute transferentziei buruz Imanol Pradales lehendakariak eta Pedro Sanchez presidenteak egin beharreko bilera, negoziazioetan akordiorik ez dagoelako.
Maria Ubarretxena Eusko Jaurlaritzako Gobernantza, Administrazio Digital eta Autogobernuko sailburua Espainiako Gobernuaren ordezkariekin bildu da ostegun honetan Madrilen eskumenen negoziazioarekin jarraitzeko. Jaurlaritzaren iturrien arabera, ez dute ados jartzerik lortu.
Mahai gainean dauden eskumenak dira Gizarte Segurantzaren zenbait alderdi; hala nola kotizaziopeko familia-prestazioak, ezintasun-prestazioak eta mutua laguntzaileekin lotutako gaiak; baita portuen eskumena ere.
Jarrerak elkarrengandik urrun
Joan den asteartean, Ubarretxenak esan zuen "oso zail" ikusten zuela akordio batera iristea, "jarrerak oso urrun daudelako". Gaur berretsi egin dute hori. Horrenbestez, Eusko Jaurlaritzako iturrien arabera, bi gobernuek "adostasunez" erabaki dute Aldebiko Batzordea atzeratzea.
Bi gobernuek abuztuaren hasiera arteko epea zuten eskualdaketak adosteko eta bi agintariek akordioak sinatzeko. Akordiorik ez dela lortu ikusita, bi gobernuek lanean jarraitzeko deia egin dute, aldebiko organo horren hurrengo deialdiak "eduki politikoa izango duen agenda batean eragina izan dezan eta akordio berrietan gauzatu dadin".
Zure interesekoa izan daiteke
Politika orokorreko eztabaidak emango dio hasiera Legebiltzarrean hauteskunde giroko urte politikoari
Lehen sektoreak euri eskasiari aurre egiteko neurriak eskatu ditu Jaurlaritzak Madrilen
Ceutako portuan migratzaileentzako prestatzen ari diren kanpalekua geldiarazi du Auzitegi Nazionalak
EH Bilduk, ELAk eta LABek euskararen normalizazioaren aurkako oldarraldi judiziala salatu dute
Henri Paroti ezarritako hirugarren gradua errekurritu du Fiskaltzak, “goizegi” dela argudiatuta
Nafarroako Gobernuak berriro lizitatuko ditu Belateko tunelen lanak
Lehendakaria agintaldiko politika orokorreko bigarren eztabaida prestatzen ibili da alderdikideekin
Espainiako Estatuaren egoera politikoa aztertu dute EH Bilduk eta ERCk Bilbon, aldebiko bilera batean
Melgosak migrazio-eskumenak eskatu ditu, kudeaketak bertan egiteko ahalmena izateko
