Espainiako Gobernuak Yolanda Diaz proposatu du Lanaren Nazioarteko Erakundearen zuzendari izateko
Hautatua izango balitz ere, gaur egun Espainiako Lan ministro eta bigarren presidenteorde denak ez luke kargua hartuko 2027ko urrira arte.
Yolanda Diaz Diputatuen Kongresuan. Artxiboko argazkia: EFE
Espainiako Gobernuak Yolanda Diaz Lan ministro eta bigarren presidenteordea proposatu du Lanaren Nazioarteko Erakundearen zuzendari izateko, Moncloak ostegun honetan ohar bidez jakinarazi duenez. Nazio Batuen Erakundearen baitako erakundea da eta munduan lan duina eta justizia soziala sustatzeaz arduratzen da.
Zuzendaria aukeratzeko bozketa datorren azaroaren 16an egingo da, baina aukeratuak ez du 2027ko urriaren 1era arte kargua hartuko; agintaldia bost urtekoa da.
Togoko Gilbert F. Houngbo da egungo zuzendaria 2022tik, eta karguan jarraitzeko hautagaitza aurkeztu du.
Yolanda Diaz, harro hautagaitzarekin
Diazek harrotasunez eta erantzukizunez hartu du Lanaren Nazioarteko Erakundea gidatzeko hautagaitza.
"Lanaren Nazioarteko Erakundea lanaren etxea da, lan duina eta elkarrizketa soziala ondoen ordezkatzen duena", adierazi du Diazek ostegun honetan Bluesky sare sozialean duen kontuan.
"Hautagai bikaina" dela nabarmendu du Sanchezek
Pedro Sanchez Espainiako gobernuburuak iragarri du Diazen hautagaitzaren albistea, X sare sozialean.
Aukeratuko balute, lehen aldiz gidatuko emakume batek eta Espainiako ordezkari batek erakundea. Gaineratu duenez, Diazek "hautagai bikaina" da kargurako eta dagoeneko lan eskubideekin eta elkarrizketa sozialarekin konprometiturik dagoela agerian geratu da.
Zure interesekoa izan daiteke
Pradalesek estatutu berrirako bere bide-orria defendatu du, oposizioak ekintzak eskatu dituen bitartean
Antxustegik "leialtasuna" eta "diskrezioa" eskatu dizkie EH Bildu eta PSE-EEri, estatus berria "ondo atera dadin"
Otxandianok iritzi dio hitzetatik ekintzetara pasatzeko ordua dela: "Mehatxuaren aurrean batasuna, alderdiaren gainetik aberria"
Andueza: "Euskadik ez du zaratarik eta diagnostikorik behar, erabakiak baizik"
Sumarrek salatu du Eusko Jaurlaritza "eskuineranzko" norabidea hartzen dabilela migrazioan eta giza eskubideetan
De Andres: "Arrakasta ez da autogobernu gehiago izatea, ondo kudeatzea baizik"
Ceutako portuan migratzaileentzat prestatzen ari diren kanpalekua geldiaraztea baztertu du Auzitegi Nazionalak
Amaia Martinezek Pradalesi aurpegiratu dio Gobernuak "itxurakeriaz eta antzerkikeriaz" diharduela
Gogora Institutuak Ertzaintzaren aurrean salatu du Falange Espainolak mehatxatu egin duela
