Plus Ultra konpainiaren presidenteak eta kontseilari delegatuak dimisioa eman dute
Aste honetan onartu dute Auzitegi Nazionalean 530.000 euro ordaindu zituztela Zapateroren eta Zapateroren kidearen bitartekaritzaren truke; horren ostean hartu dute dimisioa aurkezteko erabakia.
Plus Ultra konpainiaren hegazkina, artxiboko irudi batean. Argazkia: Europa Press.
Plus Ultra konpainiaren presidente Julio Martinez Solak eta kontseilari delegatu Roberto Rosellik dimisioa eman dute ostiralean. Justizia biak ikertzen ari da, 2021eko martxoan burutu zen konpainiaren erreskatearekin lotuta.
Jose Luis Rodriguez Zapatero presidente ohia ere nahasi duen auzian eragimen-trafikoaren ustezko delitu batengatik ikertzen ari diren bi buru horiek aste honetan Auzitegi Nazionalean aitortu dutenez, Plus Ultrak Julio Martinez Martinezen —Zapateroren lagun mina— enpresa batekin kontratua sinatu zuen. Kontratu horretan aurreikusten zen enpresa horrek erreskatearen % 1 jasoko zuela, aire-konpainiarentzako mailegua lortzeagatik "laguntza" gisa.
530.000 euro Analisis Relevante, Voli Analitica eta IOT Domotic Europe enpresen bidez bideratu ziren.
Neurri desesperatua
Martinez Solak eta Rosellik aitortu dute "erabat kontziente" zirela Martinez Martinezek (Analisis Relevante enpresaren jabea) eta Zapaterok "egin beharreko gestioengatik kobratzeko asmoa zutela, eta hori beren gain hartu zutela konpainia salbatzeko, nahiz eta ez jakin zer barne-akordio izan zitzaketen".
Bi horiek azpimarratu dutenez, ez zuten SEPIk Plus Ultraren erreskatea ematea eragiteko edo errazteko egindako jarduera zehatzen egiaztapen sinesgarririk izan, baina "neurri desesperatu gisa onartu zen Plus Ultrak Martinez Martinez kontratatu behar zuela horretarako, Zapaterorekin harremana zuela jakinda".
Zure interesekoa izan daiteke
Pertur omendu dute Irunen, haren desagertzearen 50. urteurrenean
"Pertur. Egia nahi" lemapean, ETA politiko-militarreko buruzagi izandakoaren senideek gogorarazi dute kasua ez dela preskribatu, eta ikertzen jarraitzeko eskatu dute.
Euskara gatazkatik urruntzeko eskatu du Pradalesek: "Hizkuntzak denok behar gaitu"
Imanol Pradales lehendakariak adierazi du euskararen aurrerapausoak ez direla "inposaketatik" etorriko, eta datozen hamarkadetan euskara biziberritzeko bide berri bat irekiko duen "Jauzia gara" ekimena aipatu du.
Auzitegi Gorenak amnistia aplikatu die 'proces' auziarekin lotutako delituengatik zigortutako zortzi pertsonari
Europar Batasuneko Justizia Auzitegiak Amnistia Legea EBko zuzenbidearekin bat datorrela eta "adiskidetzea errazten" duela ebatzi eta astebetera hartu du erabakia Espainiako Auzitegiko Gorenak.
Osakidetzak udan lehen arretan murrizketak egiten jarraitzen duela salatu du EH Bilduk
Rebeka Ubera EH Bilduko legebiltzarkideak Barakaldoko Urbango osasun zentroaren atarian egin duen agerraldian azaldu duenez, 2023ko udan EAEko 255 osasun zentro normaltasunez aritu ziren, Osasun Sailaren datuen arabera. Aurten, aldiz, 211 dira: 54 gutxiago.
Maria Chivite: "Inork zerbait egin badu, ordain dezala, baina ez naiz ni izango"
Maria Chivite Nafarroako lehendakaria Guardia Zibilak Santos Cerdani buruz egindako azken txostenaren inguruan aritu da Parlamentuan, UPNk eskatuta, eta hau esan du: "Zenbat eta gehiago ikertu, zenbat eta gehiago aurreratu auzitegietan, are argiago dago ez dagoela ezertxo ere nire aurka". "Gobernu honek txosten horrekin lotuta izan duen esku-hartze bakarra izan da Justiziarekin lankidetzan aritzea, informazioa emateko eta ikerketan laguntzeko. Gainerako guztia nire aurkako sorgin-ehiza estrategia baten parte da, ez Gorenak ez UCOk beren ikerketa eta erabakiekin berresten ez dutena, ez baitago ezer", azpimarratu du.
Absolbitu egin dituzte Berangoko ongietorriagatik auzipetutako hamasei herritarrak
Epaiketa joan den ekainean izan zen, Madrilen, 2022ko martxoan Ibai Aginaga ETAko preso ohiari ongietorri ekitaldi bat egiteagatik terrorismoaren gorazarre delitua egotzita.
Pradalesek eta Sanchezek uda ostera atzeratu dute transferentziei buruzko aldebiko bilera
Ubarretxena sailburua Madrilen izan da Espainiako Gobernuko kideekin eskumenen eskualdaketa negoziatzen, baina ez dute akordiorik lortu.
EH Bilduk azalpenak eskatu dizkio Zupiriari Karmengo jaietako "indarkeria polizialagatik"
Espainiako Selekzioaren jarraitzaileen aurka izandako liskar batean Ertzaintzak esku hartu zuen, eta lau lagun zauritu ziren.
Zapatero: "Ez nuen inorekin hitz egin Plus Ultraren erreskateaz, ez SEPIrekin, ezta Gobernuarekin ere"
Gobernuko presidente ohiak adierazi duenez, bere bulegoan aurkitutako bitxiak, 1,3 milioi eurotan baloratuak, herrialde baten "kortesia pertsonaleko opari" bat izan ziren. Inbestidurako bazkideak eta oposizioa bat datoz azalpenak ez direla nahikoak izan esatean.