Auzitegi Gorenak amnistia aplikatu die 'proces' auziarekin lotutako delituengatik zigortutako zortzi pertsonari
Europar Batasuneko Justizia Auzitegiak Amnistia Legea EBko zuzenbidearekin bat datorrela eta "adiskidetzea errazten" duela ebatzi eta astebetera hartu du erabakia Espainiako Auzitegiko Gorenak.
Roger Torrent artxiboko irudi batean. Argazkia: EFE
Espainiako Auzitegi Gorenak Amnistia Legea aplikatu die lehen aldiz 'proces' auziaren baitan desobedientzia delituengatik zein desordena publikoagatik zigortutako zortzi pertsonari; Roger Torrent Kataluniako Parlamentuko presidente ohiari, besteak beste.
Auzitegi Goreneko Zigor Arloko Salak ostiral arratsaldean eman du jakitera erabaki hori, guztira lau auto plazaratuta. Auto horietan, zortzi pertsonaren erantzukizun penala amaitutzat jo du, Amnistia Legeak babesten dituela iritzita.
Erabakia Europar Batasuneko Justizia Auzitegiak Amnistia Legearen inguruan epaia eman ondoren iritsi da. Duela astebete ebatzi zuen legea Europako zuzenbidearekin bat datorrela. Haren arabera, Amnistia Legeak ez die Europar Batasunaren finantza-interesei kalterik egiten, ezta terrorismoari buruzko Europako araudia urratzen ere. Auzitegiak ildo berean nabarmendu duenez, lege horrek "adiskidetzea errazten du".
Roger Torrent da amnistia horren onuradunetako bat. Josep Costa i Rosello, Eusebi Campdepadros eta Adriana Delgado Herreros Kataluniako Parlamentuko Mahaiko kide ohiekin batera zigortu zuten, guztiei 'proces' auziarekin lotutako desobedientzia delitu bat egotzita.
Istiluak Gironako epaitegien aurrean
Amnistia jaso dute, halaber, 2019ko urriaren 19ko goizaldean Gironan izandako istiluetan parte hartzeagatik akusatutako bi lagunek. 'Proces' auziaren epaiaren aurkako protesten baitan jazo ziren istilu haiek.
Gironako Auzitegiak urte eta erdiko kartzela-zigorra ezarri zien desordena publikoak egotzita, eta hiriko epaitegien egoitzaren kontra galtzada-harriak jaurtitzea egotzi zien.
Zure interesekoa izan daiteke
Osakidetzak udan lehen arretan murrizketak egiten jarraitzen duela salatu du EH Bilduk
Rebeka Ubera EH Bilduko legebiltzarkideak Barakaldoko Urbango osasun zentroaren atarian egin duen agerraldian azaldu duenez, 2023ko udan EAEko 255 osasun zentro normaltasunez aritu ziren, Osasun Sailaren datuen arabera. Aurten, aldiz, 211 dira: 54 gutxiago.
Maria Chivite: "Inork zerbait egin badu, ordain dezala, baina ez naiz ni izango"
Maria Chivite Nafarroako lehendakaria Guardia Zibilak Santos Cerdani buruz egindako azken txostenaren inguruan aritu da Parlamentuan, UPNk eskatuta, eta hau esan du: "Zenbat eta gehiago ikertu, zenbat eta gehiago aurreratu auzitegietan, are argiago dago ez dagoela ezertxo ere nire aurka". "Gobernu honek txosten horrekin lotuta izan duen esku-hartze bakarra izan da Justiziarekin lankidetzan aritzea, informazioa emateko eta ikerketan laguntzeko. Gainerako guztia nire aurkako sorgin-ehiza estrategia baten parte da, ez Gorenak ez UCOk beren ikerketa eta erabakiekin berresten ez dutena, ez baitago ezer", azpimarratu du.
Absolbitu egin dituzte Berangoko ongietorriagatik auzipetutako hamasei herritarrak
Epaiketa joan den ekainean izan zen, Madrilen, 2022ko martxoan Ibai Aginaga ETAko preso ohiari ongietorri ekitaldi bat egiteagatik terrorismoaren gorazarre delitua egotzita.
Pradalesek eta Sanchezek uda ostera atzeratu dute transferentziei buruzko aldebiko bilera
Ubarretxena sailburua Madrilen izan da Espainiako Gobernuko kideekin eskumenen eskualdaketa negoziatzen, baina ez dute akordiorik lortu.
EH Bilduk azalpenak eskatu dizkio Zupiriari Karmengo jaietako "indarkeria polizialagatik"
Espainiako Selekzioaren jarraitzaileen aurka izandako liskar batean Ertzaintzak esku hartu zuen, eta lau lagun zauritu ziren.
Zapatero: "Ez nuen inorekin hitz egin Plus Ultraren erreskateaz, ez SEPIrekin, ezta Gobernuarekin ere"
Gobernuko presidente ohiak adierazi duenez, bere bulegoan aurkitutako bitxiak, 1,3 milioi eurotan baloratuak, herrialde baten "kortesia pertsonaleko opari" bat izan ziren. Inbestidurako bazkideak eta oposizioa bat datoz azalpenak ez direla nahikoak izan esatean.
Espainiako Gobernuak Yolanda Diaz proposatu du Lanaren Nazioarteko Erakundearen zuzendari izateko
Hautatua izango balitz ere, gaur egun Espainiako Lan ministro eta bigarren presidenteorde denak ez luke kargua hartuko 2027ko urrira arte.
50 urte Pertur desagertu zela: itzalak eta hipotesiak ETA pm-ko buruzagiaren desagerpenari buruz
Mende erdiren pasata, Perturren desagerpena misterioz inguratuta dago oraindik. Giza Eskubideen Behatokiak gerra zikinaren hipotesiaren zilegitasuna indartu du; Gaizka Fernandez historialariaren ustez, berriz, teoria horrek "gezurrezko" jatorri du.
Perturren familiak erantzun eske jarraitzen du, desagertu zenetik 50 urte igaro direnean: "Zerbait dakienak esan diezagula"
Ines Morenok eta Lurdes Auzmendik, Eduardo Moreno Bergaretxe Perturren arrebak eta bikotekideak, ETA politiko-militarreko kidea desagertu zenetik 50 urte igaro direnean, haren memoria aldarrikatu dute, eta oraindik argitu gabe dagoen auzia argitzeko egia ezagutarazteko deia egin dute.