Puigdemontek adierazi du amnistia geldiarazteak "Europaren kontra egitea" dakarrela
Kataluniako presidente ohiaren hitzetan, Europar Batasuneko Justizia Auzitegiaren epaia independentismoaren "garaipen irmoa eta politikoa" da.
Carles Puigdemont Europar Batasuneko Justizia Auzitegiak (EBJA) amnistia legeari emandako babesaren inguruan mintzatu da. Generalitatearen presidente ohiak epaia "txalotu" du eta argi utzi du Espainiako auzitegiak, legea bete ezean, "Europako zuzenbideari aurre egiten" arituko liratekeela. "EBJA ezin zen argiagoa izan, eta ez du zirrikiturik utzi gure garaipena zalantzan jartzeko", adierazi du.
Xko bere kontuan, Puigdemontek "independentismo kataluniarraren garaipen politiko irmotzat" jo du epaia, Espainiako Estatuko botereen aurrean.
"Amnistia modu integralean aplikatzeari uko egiten badiote, Gorteek onartutako eta konstituzionaltzat jotako lege hori ez betetzeaz gain, Europako zuzenbideari kontra egiten ariko lirateke", esan du.
"Gaur eskubidea dugu garaipena ospatzeko. Hala ere, errepresioarekin amaitzeko bidea ez da amaitu ", adierazi du Kataluniako presidente ohiak. Nolanahi ere, beharrezkotzat jo du "zapalkuntzarekin" amaitzea.
Europar Batasuneko Justizia Auzitegiak oniritzia eman dio ostegun honetan Espainiako amnistia legeari, Kataluniako prozesuaren harira sortutako "tentsio instituzionalak eta politikoak murriztea eta adiskidetzea erraztea" helburu duelakoan.
Zure interesekoa izan daiteke
Zenbat kobratuko dut hauteskunde-mahai batean parte hartu behar baldin badut?
Behin-behinean espetxera bidali ditu epaileak terrorismo delitua egotzita Irunen atxilotutako bi lagunak
EAJren oinarriek asteazkenetik aurrera bozkatuko dituzte Batzar Nagusietarako hautagaitzak, Mendoza, Bengoetxea eta Gonzalez ahaldun nagusigai direla
Hondamendi eremu izendapena iragarri du Sanchezek Valentzian eta “herrialde mailako akordioa” eskatu du etorkizuneko larrialdietarako
Bizikidetzarako bidera batzeko deia egin die Jaurlaritzak "zor morala" dutenei
Anduezak ez du uste Irungo atxiloketen atzean "Euskadira indarkeria itzultzeko hazia" dagoenik
Olarra Guridi ETAko presoari hirugarren gradua ematearen kontra egin du Fiskaltzak
Etxanobek militantziaren esku utzi du bere hautagaitzari buruzko erabakia, bihar hasiko den barne prozesuan
Auzitegi Gorenak amnistia aplikatu die Junqueras, Bassa, Turull eta Romevari
