30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Akusatuetako bat, Jose Javier Arizcuren Kantauri, artxiboko irudi batean.
Auzitegi Nazionaleko Fiskaltzak 30 urteko espetxe-zigorra eskatu du ETAko bost buruzagi ohirentzat, 1995eko urtarrilaren 23an Donostiako PPko zinegotzi Gregorio Ordoñez hiltzea erabaki zuen batzorde exekutiboko kide izan zirelakoan.
Akusazio-idazkia Ignacio Gracia Arregui 'Iñaki de Renteria', Jose Javier Arizcuren 'Kantauri', Mikel Albisu 'Mikel Antza', Julian Achurra 'Pototo' eta Juan Luis Aguirre 'Isuntza'ren aurka zuzendu dute. Gaur egun 63 eta 71 urte artean dituzte guztiek.
Fiskaltzaren arabera, Gregorio Ordoñez hiltzeko erabakia ETAren buruzagitzak hartu zuen 1994ko abenduan, "elkarrekin eta modu adostuan", eta Kantaurik agindua helarazi zien egile materialei, Francisco Javier Garcia Gaztelu 'Txapote', Juan Ramon Carasatorre eta Valentin Lasarteri, azken horrek bere garaian adierazi zuenez.
Garrantzi politikoko lehen biktima
Ministerio Publikoaren arabera, 1992an Bidarten zuzendaritza erori ondoren ETAk bultzatutako "sufrimenduaren sozializazioaren" estrategia bultzatzeko erabaki zuten hilketa. Estrategia horren barruan, Gregorio Ordoñez izan zen ETAk aukeratu zuen lehen biktima politikoa.
Bestalde, iturri juridikoen arabera, auzi hau da Auzitegi Nazionalean ETAren buruzagitza ohiaren aurka irekita jarraitzen duten hamar bat prozeduren artean aurreratuen dagoena. Horretan eragin handia izan dute azken urteotan Dignidad y Justicia terrorismoaren biktimen elkarteak bultzatutako kereilek.
Zure interesekoa izan daiteke
Elkarrekin Donostiak afari solidarioen debekua helegite bidez auzitan jartzea aztertzen ari da
Araua neurrigabea eta oinarri juridiko zalantzazkoa dela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.