EAJk irabaziko lituzke hauteskundeak 30-32 ordezkarirekin, botoen % 40 eskuratuta
EAJk irabaziko lituzke EAEko gaurko hauteskundeak botoen % 40 ingururekin, 30-32 legebiltzarkide eskuratuta, EiTBk uztailaren 9tik 12ra egindako inkestaren arabera.
Gizaker enpresak EiTBrentzat egindako inkesta horren amaitzetan ikus daitekeenez, EH Bilduk bigarren postuari eutsiko lioke, baina 2 eserleku gehiagorekin; hau da, 20ra iritsiko litzateke.
PSE-EE hirugarren postura igoko litzateke 1 eta 3 aulkiren arteko gorakadarekin (10-12), eta Elkarrekin Podemos-IUk beherakada nabarmena izango luke, 3 edo 4 legebiltzarkide galduta.
Bosgarren PP+Cs koalizioa geratuko litzateke 4-6 legebiltzarkiderekin (3-5eko beherakada), eta zalantzan dago Vox Legebiltzarrean sartuko den ala ez (ordezkari bat lor lezake Araban).
Araba
EAJk 9 edo 10 legebiltzarkide lortuko lituzke Araban, aurrekoetan baino 1 edo 2 gehiago. EH Bilduk 6 legebiltzarkide lortuko lituzke (lehen baino bat gehiago). PSE-EE 4 edo 5 legebiltzarkiderekin geratuko litzateke lurralde horretan (1 edo 2 gehiago). Elkarrekin Podemos-IUk eserleku bat galduko luke, % 6ko beherakadarekin, eta 3 ordezkari izango lituzke. PP+Cs izango litzateke azkena Araban, botoen erdia galduta, 2 edo 3 ordezkarirekin. Voxek lor lezakeen ordezkaria eskuratzeko lehia estua egongo litzateke EAJ, PSE-EE eta PP+Cs-ren artean.
Bizkaia
Bizkaian ere, EAJ gailenduko litzateke (11 edo 12 eserleku), alde handiarekin gainera. EH Bildu bigarren izango litzateke 5 eserlekurekin, PSE-EEk gora egingo luke eta bat gehiago lor lezake (3 edo 4). Elkarrekin Podemos-IUk eserleku 1 edo 2 galduko lituzke, eta 2 edo 3rekin geratuko litzateke. PP+Cs-ek 5 puntu galduko lituzke, eta dituen 2 ordezkarietatik bat gal lezake.
Gipuzkoa
Gipuzkoan ere, EAJ nagusi 10 ordezkarirekin, baina gertu izango luke EH Bildu 9rekin, botoen % 31,8 jasota. PSE-EEk 3 ordezkariei eutsiko lieke, Elkarrekin Podemos-IUk ordezkari bat galduko luke eta 2rekin geratuko litzateke, eta PPk ere bat galduko luke eta bakarrarekin geratuko litzateke.
Fitxa teknikoa
Gizakerren inkesta hau uztailaren 9a eta 12a bitartean egin dute, 3.000 herritarri telefonoz galdetuta, 1.000 lurralde bakoitzeko.
Zure interesekoa izan daiteke
Atutxa pozik euskal gizarteak "berriro EAJ aukeratu" duelako, EH Bilduren "gorakada ukatu gabe"
Buruzagi jeltzaleak ez du ia zalantzarik egin. Gasteizko Gobernuan azken legealdiotako formula errepikatzeko aukera ziurtzat jo du, horretarako PSE-EEk mahai gainean jarriko dituen baldintzak ere zorroztu egingo direla jakitun.
39 emakumek eta 36 gizonezkok osatuko dute Eusko Legebiltzar berria
Mapa politiko berria marraztu dute igandeko hauteskundeek, eta hori argi ikusiko da Gasteizko Ganberaren eserlekuen koloreetan: EAJk eta EH Bilduk 27na ordezkari izango dituzte, PSE-EEk 12, PPk 7, eta Sumarrek eta Voxek, bana.
1.795.212 herritar daude botoa ematera deituta, Eusko Legebiltzarra berritzeko
09:00etan ireki dituzte hauteslekuak, normaltasunez, eta herritarrek 20:00ak arte eman ahal izango dute botoa. Emaitzak 22:30erako aurreikusita daude.
Gaur amaituko da bizitasuna hartzen joan den hauteskunde-kanpaina
Euskadiko zazpi indar politiko nagusietatik bostek (EAJ, EH Bildu, PSE-EE, Elkarrekin Podemos eta Sumar) Bilbon itxiko dute kanpaina, eta beste biek (PP eta Vox) Gasteizen.
Igandeko hauteskundeetan parte-hartzeari buruzko datu errealak eskainiko dituzte, lehen aldiz
Orain arte, estimazioak eskaini izan dituzte. Bestalde, lehen zenbaketen emaitzak 21:00ak aldera emango dira eta, ordu t'erdi ondoren, atzerriko bozen faltan, ezagutuko da Eusko Legebiltzarraren argazki berria.
Posta bidezko botoak ia % 11 hazi dira Euskadin, 2016ko hauteskundeekin alderatuta
2020ko datuekin alderatuta, posta bidezko botoak % 54 jaitsi dira. Dena dela, hauteskunde horiek pandemia garaian egin zituzten, ezohiko baldintzetan, eta horrenbestez, baliteke batzuk eta besteak alderatzeak emaitza bitxiak ematea.
Kultura, Osakidetza, langileen soldatak eta autonomoak izan dira laugarren eguneko gai nagusiak
Kanpainaren laugarren egun honetan, hautagaiaek Hezkuntza eta Osasun sistema, autonomen egoera edota langileen soldatak izan dituzte hizpide, besteak beste.
Hauteskunde mahaian egotea egokitu zait, baina ezin dut: zein aukera ematen ditu legeak?
Nahitaezkoa da hauteskunde mahaian egotea, hala egokituz gero. Nolanahi ere, badira legeak aurreikusten dituen hainbat arrazoi, libratzeko. Mahaikide izatea egokitu eta ez joateak, ondorioak ditu.
Egutegia: Eusko Legebiltzarrerako hauteskundeetarako bidea
Datorren asteartean, otsailaren 27an, Euskal Herriko Agintaritzaren Aldizkarian argitaratuko da Eusko Legebiltzarra desegiteko eta hauteskundeak deitzeko dekretua. Hauteskunde Batzordea martxoaren 1ean eratuko da. Hauteskunde-kanpaina apirilaren 5ean hasi eta 19an amaituko da.
Santano alkatearen "eredu zaharkitu eta agortuaren alternatiba bakarra" dela aldarrikatu du EAJk Irunen
Xabier Iridoy Irungo alkategai jeltzaleak esan du bere alderdia "ilusioz eta konpromisoz" beterik dagoela, garai berri baten lidergoa hartzeko.