Nafarroa eta EAE batzeko aukera kentzeko konpromisoa hartu du Rajoyk
Konstituzioaren erreforma eginez gero, laugarren xedapena kentzeko konpromisoa hartu du Rajoyk. Izan ere, Iruñeko Baluarten egin duten ekitaldian, UPNko presidenteak horixe eskatu dio PPko buruzagiari.
"Nafarroak Nafarroa izaten jarraitzeko" konpromisoa hartu du Rajoyk, "Nafarroa Nafarroa eta Espainia izateko", eta foru erregimena defendatu du.
Konstituzioaren laugarren xedapena kentzeko eskatu dio Mariano Rajoyri UPNko presidenteak, Yolanda Barcinak. Era honetan, Nafarroak eta EAEk bat egitea erabakitzeko galdeketa ekidin nahi du Nafarroako presidenteak.
Hauteskunde orokor honek UPN eta PP batu ditu berriz ere eta Barcinak koalizio hau defendatu du "nazionalismoen aurrean, gure historia kolpe batez ezabatu nahi dutenen aurrean".
Gainera, Rajoy Moncloan egonda, Nafarroak "kezkatzen gaituena entzuteko prest egongo den gobernua" izango duela esan du.
Baluarten, 1.700 lagun ingururen aurrean egindako ekitaldian, "ETAren amaiera errespetuz, memoriaz eta biktimekiko duintasunez kudeatuko duena Rajoy izango da", adierazi du.
Bestalde, Reyes Zubeldia, José Javier Mugicaren alarguna, adibide moduan jarri du, haren hilketa argitzeko epaiketan haren ustezko hiltzaileei aurpegira begiratzeko adore eta kemen nahikoa izan zuelako. Biktima guztiei "eredugarri" direla esan die, eta 50 urtetan izan duten "duintasuna ez da ate atzean botako", adierazi die. "Armak eman eta barkamena eskatu arte borrokatzera behartzen gaitu biktimen sufrimenduak, garaileak eta garaituak izango dituen amaiera bat izan arte", gaineratu du.
Ezker abertzaleak "bi aurpegi" dituela kritikatu du,eta Bildu, Batasuna, Amaiur edo "orain deitzen diren moduan deitzen direla ere, euren helburua Nafarroak bere identitatea galtzea da".
Bestalde, UPN-PP akordioa defendatu du Barcinak. Mariano Rajoy Jose Maria Aznarren gobernuaren aroan ministro izan zenean eginiko azpiegiturak nabarmendu ditu, hala nola "Itoitzeko urtegia eta Nafarroako Kanala; horregatik, Nafarroarentzat hain garrantzitsuak diren proiektuak, AHTa esaterako, ahalbidetuko ditu", gaineratu du.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.