Elkarrekin Ahal Duguk irabazi ditu hauteskundeak Euskadin
Elkarrekin Ahal Duguk irabazi ditu hauteskunde orokorrak Euskadin. Botoen % 100 zenbatuta, Podemosen eta Ezker Anitzaren arteko koalizioak bozen % 29,05 eta 6 eserleku eskuratu ditu; hau da, abenduan baino bat gehiago.
EAJ geratu da bigarren, botoen % 24,91 eta 5 ordezkari eskuratuta (-1), eta PSE-EE hirugarren, botoen % 14,24 eta hiru eserleku lortuta, abenduan bezala.
EH Bilduk eta PPk bina diputatu lortu dituzte, baina koalizio abertzaleak bozen % 13,30 jaso ditu, eta popularrek, aldiz, % 12,85.
Lurraldeka
Araban, errepikatu egin dira abenduko emaitzak, Elkarrekin Ahal Duguk, PPk, EAJk eta PSE-EEk diputatu bana lortu baitute.
Elkarrekin Ahal Dugu izan da lehen indarra, botoen % 30,87 eskuratuta, eta PP (% 20,44), EAJ (% 15,95) eta PSE-EE (% 15,76) geratu dira ondoren. EH Bilduk ez du ordezkaririk lortu bertan.
Bizkaian, Elkarrekin Ahal Duguk irabazi ditu hauteskunde orokorrak, botoen % 28,86 eta hiru eserleku eskuratuta, abenduan baino bat gehiago. EAJ geratu da bigarren, botoen % 28,25 eta bi diputaturekin (-1).
Atzetik, hirugarren indarra PSE-EE izan da (botoen % 13,92 eta diputatu bat); laugarrena, PP (botoen % 12,69 eta ordezkari bat), eta bosgarrena, EH Bildu (botoen % 10,91 eta diputatu bat).
Gipuzkoan, Elkarrekin Ahal Dugu koalizioak botoen % 28,54 eta bi eserleku jaso ditu, eta EAJk, botoen % 23,34 eta bi diputatu.
EH Bildu izan da hirugarrena, botoen % 19,14 eta eserleku bat eskuratuta. Lurraldeko seigarren diputatua PSE-EEk lortu du, botoen % 14,10ekin.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.