Hauteskunde gauean Voxek EITBri jarritako betoa salatu du Euskal Kazetarien Elkarteak
Hauteskunde gauean Voxek EITB, TV3 eta TVG komunikabideei ezarritako betoa salatu du gaur Kazetarien Euskal Elkargoak eta Euskal Kazetarien Elkarteak.
Voxek Madrilgo hotel batean egingo du hauteskunde gauren jarraipena, baina hainbat hedabideri, tartean Euskal Herriko, Kataluniako eta Galiziako irrati eta telebista publikoei, bertan izateko baimena ukatu diete.
Euskal Herriko kazetarien bi elkarteek oharra kaleratu dute, Voxek hartu duen erabakia "demokraziaren kontrakoa" dela salatuta. "Informazioa jasotzeko eskubidea herritarren oinarrizko eskubidea" dela eta komunikabideek "askatasunez informatzeko eskubidea" dutela azpimarratu dute, bi eskubide horiek Konstituzioan jasota daudela gogoratuz.
Horrelako erabakiekin "manipulazioaren bidea markatzen ari dira, haien diskurtsoa zalantzan jar dezaketen komunikabideak baztertuz".
EITB, TV3 edo TVG komunikabideez gain, beste hainbat hedabide ere Voxen ekitaldia jarraitzeko akreditaziorik gabe geratu direla erantsi dute, tartean Europar Press berri-agentzia.
Bestalde, Hala Bedi irratiko kazetariaren kasua ere izan dute hizpide. Eusko Jaurlaritzaren Segurtasun Sailak 'mozal legea' ezarri zion, Gasteizko Errekaleor auzoan Ertzaintzak egin zuen oldarraldi bat grabatzeagatik. Alabaina, kazetariak auzitegira jo zuen eta orain epaileak arrazoia eman dio.
'Mozal legeak' informatzeko eskubidea urratzen duela salatu eta arau hori baliorik gabe uzteko eskatu dute Kazetarien Euskal Elkargoak eta Euskal Kazetarien Elkarteak.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.