Arabako Foru Aldundia
2025/07/11 - 16:14
Arabako Foru Aldundiak 11.000 euroko isuna jarri dio aita bati Gasteizen arbitro bati eta entrenatzaile bati eraso egiten saiatzeagatik
Foru erakundeak halako zehazpen-proposamena abiatzen duen bigarren aldia da, eta, ziurtatu duenez, "irmo" jokatuko du aurrerantzean ere, "gertakariak garrantzitsuak eta larriak direlako".
2025/07/11 - 10:35
Talgoren operazioa "datozen egunetan, uztailean, gauzatzea" espero du Ramiro Gonzalezek
Ramiro Gonzalez Arabako ahaldun nagusiaren arabera, Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) Talgo erosteko negoziazioei ekin diete berriro azken egunetan, eta "bide onetik doaz". Ildo horretan, operazioa datorren astean edo uztailean gauzatzea espero duela esan du.
2025/07/01 - 19:58
Jaurlaritzak tasa turistiko bat ezartzeko eztabaida abiarazi du foru ogasunekin
Turistak etortzeak “Euskadirako hobekuntza bat” ekartzea nahi du Turismo sailburuak, eta “lehenbailehen” ezartzea espero du. Hala ere, Javier Hurtadok gehitu duenez, "denok dakigu, eskarmentuaz, foru ogasunak azkarrak izan daitezkeela zenbait gaitan, eta beste batzuetan agian ez hainbeste".
2025/06/15 - 10:55
Eraso matxistarik gabeko jaiez gozatzeko gida, dekalogoa eta kartela aurkeztu dituzte erakundeek
Emakundek, aldundiek eta Eudelek gazteentzako kanpaina bat bultzatu dute aurten ere, jai-guneetan eraso matxistak identifikatu, horiei aurre egin eta errespetu eta segurtasun giroa sustatzeko. Kanpainaren leloa: "Errespetuz eraiki, beldur barik gozatu".
2025/06/13 - 16:18
EAEko erakundeek jaietan eraso matxistei aurre egiteko kanpaina abiarazi dute
Miren Elgarresta Emakundeko zuzendariak azpimarratu duenez, helburua da pertsona guztiek jaiez "beldurrik gabe eta askatasunean" gozatu ahal izatea, "ezerk ez baitu justifikatzen eraso matxista bat".
2025/06/06 - 12:14
Gorka Urtaran: ''Aldundiaren proposamena ez dute aintzat hartu ez sindikatuek ez patronalek''
Arabako Gizarte Politiken diputatuak aldeei eskatu die pausoak eman ditzatela egoitza pribatuetako lan-hitzarmeneko negoziazioan. Urtaranek esan duenez, "Aldundiak ez du egoitza pribatuetan erabakitzeko tarterik; laguntzeko prest dagoen arren, ardura sindikatu eta patronalena da".
2025/05/28 - 09:50
Albiste izango dira: EITB Focus, giza laguntza banaketa Gazan eta Bilbao Bizkaia Harro 2025
Gaurkoan albiste izango direnen laburpena, bi hitzetan.
2025/05/28 - 08:19
Foru aldundiak eta Jaurlaritza dira ondoen baloratzen diren erakundeak, 6,3 puntu lortuta
EAEko eta Nafarroako herritarrek foru aldundi eta gobernuen kudeaketa oso ontzat jo dituzte, eta nota altuena lortu dute Eusko Jaurlaritzarekin batera. Puntuazioa udalek jasotzen dutena baino hobea da, 6 puntu baitituzte.
2025/05/24 - 13:20
Bertan behera utzi dute Lur Jareetako Osoko Bilkura, Urizaharrako alkatea hil ostean
Juan Jose Betolaza ostiralean hil zen, gaixotasun luze baten ondorioz. Hiru legegintzalditan izan zen alkate, AMI talde independentearen eskutik.
2025/05/22 - 15:14
Guardiako osasun zentro berriak pediatria kontsulta izango du eta haren azalera oraingoa halako bost izango da
Eraikin berria Barbacana inguruan eraikiko da, egungo eraikina baino bost bider handiagoa izango da, eta zerbitzu berriak izango ditu, esaterako, pediatriako kontsulta, leku falta zela eta, orain arte Lezako Ospitalean ematen zen zerbitzua, alegia. Guztira, 3,8 milioiko kostua izango dute lanek.
2025/04/27 - 12:48
Ramiro Gonzalezen ustez, Guardianeko instalazioetan beste proiektu bat sortzeko operazioa ''ixtea'' lortuko da
Arabako diputatu nagusia baikor agertu da; izan ere, horren arabera, "plan bat eta inbertsoreak" daude, eta operazioa aztertzen ari dira. "Negoziazioak martxan daude, eta baita egitura oso baten diseinua ere, instalazioak martxan jartzeko beste jarduera eta jabetza mota batekin", azaldu du.
2025/04/11 - 19:56
2027tik aurrera autobietan kamioientzako bidesariak ezartzea planteatu du Arabako Foru Aldundiak
Data horretatik aurrera pixkanaka ezarriko lirateke, A-1 eta N-240 errepideetan aurrena. Gainera, Arabako Aldundiak AP-68ko bidesaria ibilgailu guztientzat mantentzeko asmoa du, baina egungo prezioak "nabarmen" jaitsiz.
2025/04/11 - 09:36
Albiste izango dira: Irungo krimena, dohaintzak seme-alabei eta merkataritza gerrari buruzko negoziazioak
Gaurkoan albiste izango direnen laburpena, bi hitzetan.
2025/04/11 - 07:00
Maria Longarte: ''Zergei dagokienez alde handiak daude formula batetik bestera''
Gurasoek seme-alabei diruz laguntzeko dauden formulak azaldu ditu Bergarako notarioak: dohaintzak, oinordetza-itunak eta maileguak. Familia bakoitzari, bere egoeraren arabera, egokien dagokiona egitea gomendatzen diote notariotzetan.
2025/04/11 - 07:00
Dohaintzak, oinordetza-itunak eta maileguak: seme-alabei ekonomikoki laguntzeko hiru erreminta
Etxebizitza erostea erronka itzela bihurtu da gazteentzat. Horrenbestez, gero eta guraso gehiagok erabakitzen dute beren aurrezkiak edo jaso duten herentzia bat erabiltzea seme-alabei diruz laguntzeko. Zein da horretarako formularik egokiena?
2025/03/26 - 09:18
Espejoko aztarnategiko zeramikazko bi piezatan faltsifikazioak egin omen dituzte, eta horren zantzuak daude
Bi inskripzioetan "Neron" eta "Cesar" hitzak zeuden, eta aztertzen hasi ziren bi arkeologori atentzioa eman zieten. Dirudienez, garai hartan latina erabiliko zuen inork ez zuen "Neron" eta "Cesar" idatziko, "Nero" eta "Caesar" baizik.
2025/03/20 - 18:53
Eneko Goiaren eta Ramiro Gonzalezen arteko hizka-mizka, AHTaren lotura dela eta: Gasteiz edo Ezkio-Itsaso
Donostiako alkateak "berekoitzat" jo du Arabako ahaldun nagusia, AHTa Nafarroarekin Gasteizen bidez lotzea aldarrikatzeagatik, Ezkio-Itsasoko aukeraren kaltetan, eta Gonzalezek "errespetua" eskatu dio Goiari.
2025/03/19 - 06:00
EAEko 1.225.972 pertsonak dute Euskadin identifikazio elektronikorako bitarteko bat
BakQ identifikazio-sistema da hedatuena EAEko Administrazioarekin izapideak egiteko. 2017an jaio zen, eta ordutik izugarri hazi da. Gaur-gaurkoz 960.866 pertsonak dute aktibatuta BakQ identifikatzailea segurtasun maila handia behar duten eragiketa eta transakzio jakin batzuk egiteko.
2025/03/17 - 12:01
Udalekuak 2025 programak 4.112 plaza eskainiko ditu Araban, Bizkaian eta Gipuzkoan, uztailaren 1etik 29ra
Hiru foru aldundiek elkarlanean antolatzen dituzten udalekuak 7 eta 13 urte bitarteko Euskal Autonomia Erkidegoko haurrei zuzenduta daude. Izena martxoaren 18tik 28ra eman ahal izango da.
2025/03/17 - 08:52
Albiste izango dira: Barakaldo etxebizitza eremu tentsionatu, 2025eko Udalekuak eta abisu horia hotzagatik
Gaurkoan albiste izango direnen laburpena, bi hitzetan.