Albiste izango dira: EITB Focus, giza laguntza banaketa Gazan eta Bilbao Bizkaia Harro 2025
Honako gai hauek hartuko dituzte gaur, 2025eko maiatzaren 28an, hedabideetako lerroburu nagusiak:
- EITB Focus: Udal eta foru hauteskundeak egin zirenetik bi urte betetzen diren honetan, herritarrek ondo baloratzen dituzte foru aldundiak (6,3) eta udalak (6), azken EITB Focus inkestaren arabera. Bilbo, Donostia, Gasteiz eta Iruñeko alkateen balorazioari dagokionez, Joseba Asiron (5,8) eta Juan Mari Aburto (5,4) dira 0tik 10era bitarteko eskalan bosta gainditu duten bakarrak. Gasteizko alkateak, Maider Etxebarriak (PSE-EE), aldiz, 4,8ko nota lortu du, eta Donostiako alkate Eneko Goiak (EAJ), berriz, 4,5ko nota.
- Giza laguntza banaketa Gazan: Nahasmena eta etsipena izan dira nagusi AEBk eta Israelek bultzatutako fundazioaren giza laguntza banaketan, Gazan. Ehunka pertsonak hesiak gainditu dituzte eta kontrolik gabe sartu dira Gazako Fundazio Humanitarioak kudeatzen dituen laguntza banatzeko guneetako batean. Israelgo Armadak tiroz erantzun du eta gutxienez 3 pertsona hil 46 zauritu dituzte.
- Bilbao Bizkaia Harro 2025: Bilbao Bizkaia Harro egitasmoaren aurtengo programazioa eta berritasunak aurkeztuko dituzte Bilboko Euskalduna jauregian, 10:15etik aurrera.
Zure interesekoa izan daiteke
PSE-EEren eta EAJren arteko enegarren polemika, euskara dela eta
Eneko Anduezak Voxek eta PPk defendatzen duten lehentasun nazionalarekin parekatu du EAJk eta EH Bilduk adostutako Enplegu Publikoaren Legearen erreforma.
EAJ-PSE "koalizioa osasuntsu" dagoela azpimarratu du Antxustegik, "egunero akordioak lortzeko gaitasuna" duelako
PSErekin izandako azken ika-mika baretu nahi izan du Joseba Diez Antxustegi EAJren Eusko Legebiltzarreko bozeramaileak, eta Eneko Andueza buruzagi sozialistak esandakoak "komunikabideen ingurura eta hauteskunde-kanpainara" mugatu ditu, "oraindik hilabete asko falta badira ere".
Aizpurua (EH Bildu): “Euskara menpeko da, eta berdintasunean egotea eskatzen dugu. Ez dago lehentasun nazionalik"
Mertxe Aizpuruak, EH Bilduren Kongresuko bozeramaileak, kritikatu egin du Eneko Andueza sozialisten idazkari nagusiak “lehentasun nazionalaz” esandakoa, EAJ eta EH Bildu PP eta Voxekin parekatu baititu. “Euskara menpeko da, eta berdintasunean egotea eskatzen dugu. Ez dago lehentasun nazionalik”.
Aitor Estebanek "antzezpen hutsa" dela dio Anduezak PSE-EEren Batzorde Nazionalean eginiko diskurtsoa
EAJko presidente Aitor Estebanen ustez, "antzezpen handiegia" izan da Eneko Anduezarne, PSE-EEko idazkari nagusiaren, diskurtsoan. Izan ere, Radio Euskadiko 'Ganbara' saioan egindako adierazpenetan, Estebanek esan du Anduezak badakiela ez dela Enplegu Publikoaren Legearen aurka jarri behar. Horren harira, Estebanek dio sozialisten idazkari nagusia jada hauteskunde kanpainari begira dagoela. Jatorrizkoa: Gaztelaniaz.
UPNk Jose Javier Mugica gogoratu du, ETAk hil zuela 25 urte bete direnean
25 urte bete dira ETAk Jose Javier Mugica UPNko zinegotzia hil zuenetik, Leitzan. 59 urte zituen. Gaur, alderkideek antolatuta, omenaldia egin diote Leitzan bertan. Lore-eskaintza egin dute, haren omenez jarrita dagoen plakaren aurrean.
Anduezak "lehentasun sozialaren alde" egin du, PP, Vox eta abertzaleen "lehentasun nazionalaren" aurrean
PSE-EEren idazkari nagusiak emaitzak hobetzen jarraitzea jarri du helburu, 2027ko udal eta foru hauteskundeetan; eta gaitzetsi egin du EAJk eta EH Bilduk Enplegu Publikoaren Legea aldatzeko lortutako akordioa.
David Sanchezi enplegu publikorako bederatzi urteko inhabilitazioa ezarri diote
Badajozko Auzitegiak prebarikazio administratiboko delitu baten egile jo du Espainiako Gobernuko presidentearen anaia.
David Sanchez errugabea dela probatuko den itxaropena agertu du Espainiako Gobernuak
Erreakzio soka luzea eragin du Espainiako Gobernuko presidentearen anaiari ezarri dioten zigorrak. Enplegu publikorako bederatzi urteko inhabilitazioa ezarri dio epaileak, prebarikazio administratiboko delitu baten egilea izateagatik.
Mikel Uribe ertzainaren aldeko omenaldia egin dute Beasainen, ETAk hil zuela 25 urte bete direnean
Beasaingo ertzain-etxearen aurrean izan da omenaldi-ekitaldia; minutu bateko isilunearen ondoren, Mikel Uribe gogora ekarri dute hainbat ertzainburuk, tartean bere kide izan zirenak. Mikel Uribe Ertzaintzako komisariordea hil zuen ETAk duela 25 urte gaurko egunez, Leaburun, elkartean lagunartean afaltzera zihoala. Elkarte ondoan autoa aparkatu zuenean, ETAko bi kidek kotxea tirokatu eta bertan hil zuten.
Espainiako Gobernuaren transferentzien inguruko proposamen berriak ostiralean jasotzea espero du Jaurlaritzak
Ubarretxena bozeramaileak azpimarratu duenez, negoziatzen ari diren bi eskumenen (Gizarte Segurantzaren eskumen batzuk eta portuak) inguruko aldebiko batzordea abuztua aurretik egin beharko litzateke.