Eusko Legebiltzarra

2024/10/11 - 22:40

Esther Martinezek (PP) uko egin dio Eusko Legebiltzarreko eserlekuari

Euskal Autonomia Erkidegoko PPren idazkari nagusia izateaz gain, Alderdi Popularraren bozeramailea da Bilboko Udalean. Santiago Lopez Portugaleteko zinegotziak ordezkatuko du Gasteizko Ganberan.

2024/10/11 - 17:06

Urdaibaiko Guggenheim museoari buruzko berehalako elkarrizketa prozesu bat iragarri du Bengoetxeak

Erakundeez kanpoko lantalde bat osatu dela iragarri du sailburuak, eta horiek ari direla datozen asteetan martxan jarriko duten "elkarrizketa prozesua" diseinatzen.

2024/10/11 - 12:54

Zalantzak agertu ditu lehendakariak EH Bilduk egindako proposamenaren aurrean

Euskadin aurrekontuen eztabaida ireki aurretik itxi nahi izatea ere aurpegiratu dio lehendakariak EH Bilduri. Errezeloak gorabehera, Pradalesek atea zabalik utzi du: "Proposamena zintzoa bada, Ajuria Eneko ateak irekita egongo dira".

2024/10/10 - 18:29

Justizia Administrazioa euskalduntzeko aurrerapausoak emateko eskatu dio Eusko Legebiltzarrak Jaurlaritzari

EAJk eta PSE-EEk aurkeztutako zuzenketak aurrera egin du, bi alderdion aldeko botoekin. EH Bildu, Sumar eta Vox abstenitu egin dira, eta PPk kontra bozkatu du.

2024/10/10 - 15:21

PSE-EE eta PP aurrez aurre Eusko Legebiltzarrean, Telladok Kongresuan biktimen argazkia erakutsi ondoren

Alderdi Popularrak Kongresuan duen bozeramailearen jarrera ahotan izan dute EAEko alderdiek. Anduezak haren dimisioa eskatu du. De Andresen ustez, "adierazpen askatasunaren baitan" kokatu behar da. Mertxe Aizpurua EH Bilduko diputatuak "tamalgarritzat" jo du Kongresuan gertatutakoa.

2024/10/10 - 13:30

Ertzaintzan lan eskaintzak egiteko egutegia eskatu diote Jaurlaritzari EAJk, PSE-EEk eta PPk

2027rako 8.000 agente egotea beharrezko jo dute Jaurlaritzako bi bazkideek eta popularrek eta, helburu horrekin, egitasmoa prestatzeko eskaera egin diote Segurtasun Sailari, akordioa eginda.

2024/10/03 - 15:01

Albiste faltsuen inguruko batzordea sortzea baztertu du Legebiltzarrak, taldeen arteko ika-mikaren ostean

EH Bilduk aurkeztutako proposamenak koalizio abertzalearen eta Sumarren legebiltzarkidearen babesa besterik ez du izan, eta, hortaz, atzera bota du Gasteizko Ganberak. 'Fake news' deiturikoen atzean egotea aurpegiratu diote elkarri.

2024/10/01 - 12:55

Gogora Institutuko izendapenen harira informazio okerra zabaltzea egotzi diote EAJk eta EH Bilduk elkarri

Euskadi Irratian egin dioten elkarrizketan, Joseba Diez Antxustegi jeltzaleak "gezurra" esatea egotzi dio EH Bilduri. Oihana Etxebarrietaren bitartez berehala erantzun dio EH Bilduk, eta informazioaren erabilera "gaiztoa" egitea aurpegiratu dio.

2024/10/01 - 12:23

Diez Antxustegik (EAJ) ''gezurra'' esatea egotzi dio EH Bilduri Gogora Institutuaren kideen hautaketari buruz

Jeltzaleek Legebiltzarrean duten bozeramailearen arabera, aurrez jakinarazi zioten koalizio abertzaleari Gogoraren batzordekideen inguruko banaketa, eta Oihana Etxebarrieta EH Bilduko koordinatzaileak ondokoa erantzun ziela azpimarratu du: "Ez dugu parketatzen, baina ulertzen dugu".

2024/09/27 - 15:54

Torresek esan du sozialisten ''arrastoa'' txertatuko dutela egiteko dauden erreforma handietan

Erreforma horiek "aztarna progresista" izango dutela eta eskubideak zabaltzeko balio izango duela azpimarratu du Mikel Torres Ekonomia, Lan eta Enplegu sailburuak Eusko Legebiltzarrean, Jaurlaritza kontrolatzeko lehen osoko bilkuran.

2024/09/27 - 13:51

Pradalesek Vox alderdiari: ''Lehendakari gisa eragotzi nahi dudan intrantsigentziaren eredu zarete''

Hori dela eta, argi utzi du ez dutela "inoiz" bat egingo, Euskadik, hamarkada luzez, batzuen eta besteen intolerantzia, intrantsigentzia eta inposaketa gehiegi bizi izan duelako.

2024/09/27 - 13:43

Pradalesek bere "herri ikuspegia" defendatu du, EH Bilduk haren "lidergoa" zalantzan jarri ostean

Lehendakariak oposizioburuari erantzun dio bere hitzak entzunda ematen duela soilik EH Bilduk edo Otxandianok berak dutela herri ikuspegia.

2024/09/27 - 09:44

Albiste izango dira: Kontrol saioa Legebiltzarrean, greba Palestinaren alde, eta iraileko KPIa

Gaurkoan albiste izango direnen laburpena, bi hitzetan.

2024/09/26 - 19:28

Herri ekimen legegilea martxan, gutxieneko pentsioa lanbide arteko gutxieneko soldataren pareko izan dadin

Herri ekimen legegileraen bitartez, Jaurlaritzari eskatu diote ezarri ditzala lanbide arteko gutxieneko pentsiora arteko osagarriak, pentsiodun guztiek bizimodu duina egiteko diru sarrera nahikoa izan dezaten. Ekimen legegilea aurkeztu ondoren, elkarretaratzea egin dute, legebiltzarraren aurrean.

2024/09/26 - 17:03

Euskadiko venezuelarren elkarteak zatituta agertu dira Legebiltzarrean

Venezuelarren elkarteek ganberan bertan eta kanpoan jarraitu dute legegintzaldiko lehen eztabaida, arreta handiz eta elkartasunik gabe. Euskadiko Elkartekoak, EAJrekin eta PSE-EErekin bat egin dute, eta Arabako Elkartekoak, berriz, popularrekin.

2024/09/26 - 15:39

Osakidetzako Lan Eskaintza Publikoen eredua berrikusteko eskatu dio Eusko Legebiltzarrak Osasun Sailari

Legegintzaldiko lehendabiziko osoko bilkuran, EH Bilduk eta Eusko Jaurlaritzaren zutabe diren bi alderdiek (EAJ eta PSE-EE) adostutako erdibideko zuzenketak aurrera egingo du.

2024/09/26 - 15:11

EAJk eta PSE-EEk Maduroren Gobernuaren "abusuak" salatu dituzte, eta hauteskunde-aktak publikatzea exijitu

Legealdiko aurreneko osoko bilkuran Venezuela izan da lehendabiziko eztabaidagaia, EAJk eta PSE-EEk elkarrekin aurkeztu duten legez besteko proposamena tarteko. Aurrera egin du ekimenak, aldeko 38 boto, kontrako 7 eta 28 abstentzio jasota.

2024/09/26 - 13:47

Legebiltzarrak Estefania Beltran de Heredia, Idurre Bideguren eta Alfonso Gil izendatu ditu senatari

EAJko Estefania Beltran de Heredia, Idurre Bideguren EH Bildukoa eta PSEko Alfonso Gil berriro ere senatari autonomikoak izendatu ditu Eusko Legebiltzarrak.

2024/09/26 - 12:54

Legegintzaldiko aurreneko bilkura abian, EAJ, PSE-EE eta EH Bilduren arteko ituna protagonista dela

Ohiko jardunari ekin dio, horrenbestez, Ganberak. EAEren senatari ordezkariak eta Gogoraren Zuzendaritza Kontseiluko kideak aukeratu dituzte, eta, ondoren, eztabaidatzeari ekin diote, legez besteko lau proposamen mahai gainean dituztela.

2024/09/26 - 11:08

Ertzaintzaren Erne, Esan eta Sipe sindikatuek protesta egin dute, Legebiltzar atarian

Eusko Jaurlaritza berria osatu zenetik lau hilabete igaro direla eta tarte horretan Ertzaintzaren lan hitzarmena negoziatzen hasi ez direla salatu nahi izan dute hiru sindikatuek.