Kutxen kontseiluak hautatuko dituzte gaur, Gipuzkoako zalantzarekin
EAEko aurrezko kutxek asanblada orokorrak osatuko dituzte eta administrazio kontseiluak hautatuko dituzte gaur. Bizkaian eta Araban, BBKn eta Vital Kutxan, argi dago zer aterako den, baina Gipuzkoan, azkeneko momentua arte ez da jakingo (16:00etan hasiko da batzarra).
BBKren eta Vital Kutxaren asanbladetan, 80 kidek aukeratuko dute administrazio kontseilua. Gipuzkoan, berriz, 79 kidek parte hartuko dute batzarrean, Bartzelonako ordezkariaren lekua hutsik geratu baitzen.
BBKn, EAJk ziurtatua du asanbladako 80 kideetako 41en babesa, eta horrela, gehiengoa izango du Kontseiluan eta Mario Fernandezek jarraitu ahal izango du presidente karguan.
Arabako Vital Kutxan, PPk 80 kideetako 32 ditu bere esku, eta EAJrekin lotutako akordioari esker, Fernando Aranguiz Gasteizko alkateordea izango da aurrezki kutxaren buru berria.
Polemika Gipuzkoan
Gipuzkoan dago zalantza handiena. EAJk, PSE-EEk eta PPk zerrenda bateratuak aurkeztea adostu dute, eta CCOO sindikatuaren eta Pixkanaka kolektiboaren babesa izan dezakete Kutxaren administrazio kontseiluan ezker abertzaleari aurre egiteko. Horrek zatiketa eragin dezake Gipuzkoako aurrezki kutxaren agintean.
Azken egunotan prozesua nahastu egin da; izan ere, Kutxaren hauteskunde-batzordeak gizarte alorreko kolektiboen izenean aurkeztutako zerrenda, Bilduren gertukoa, baliogabetzea erabaki du.
Zerrenda hori baliogabetzeko arrazoia hautagaitzako ordezko baten adinean dago, 70 urte baino gehiago dituelako, eta horrek administrazio kontseiluko kide izatea galarazten dio.
Hori horrela, euskal kutxen legearen arabera, Kutxaren presidenteak, Xabier Iturbe EAJren hautagaiak, beste hautagaitza bat aurkez dezake, eta horrek administrazio kontseiluaren kontrola eman diezaieke EAJ, PSE-EE eta PPri.
Iturbek ez badu zerrendarik aurkezten, 7na berdin dezakete administrazio kontseiluan.
Alderdiek aurreikusten dutenaren arabera, EAJ-PSE-PP sektoreak ziurtatuta ditu 7 kide administrazio kontseiluan (4 ezarleenak, bat Batzar Nagusienak, beste bat langileenak eta beste bat udalenak), eta ezker abertzaleak, berriz, zerrenda bat baliogabetu ostean, sei ditu ziurtatuta (2 ezarleenak, hiru erakunde fundatzaileengatik eta bat udaletatik).
Sektoreetako batek kontseilari berri bat izango du, udalen hirugarren ordezkaria, eta horretarako zozketa egingo dute.
Kutxabanken kontseilua
Era berean, kutxen administrazio kontseiluek Kutxabanken agintari berriak ere hautatuko dituzte. BBK-k 9 ordezkari izango ditu kontseilu horretan, Kutxak 4 eta Vital Kutxak 2.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.