Kaleratzeen gaineko aurreakordioa onartu dute Gamesako langileek
Ostegun honetan bozketa eguna izan dute Gamesako lantegietan; izan ere, atzo zuzendaritzak eta sindikatuek kaleratzeen gainean lorturiko aurreakordioari buruzko iritzia eman dute gaur langileek.
Sindikatuek jakinarazi dutenez, erreferendumean parte hartu dutenen % 73,21ek aurreakordioa sinatzearen alde bozkatu dute.
Aurreakordioaren arabera, aurreikusi baino 150 kaleratze gutxiago izango dira Gamesan. Hasiera batean 480 langile kaleratzea proposatu zuen zuzendaritzak, eta akordioaren ondotik, 330 izango dira kaleratuak azkenean. CCOO, UGT eta CIGA sindikatuek onartu egin dute behin-behineko hitzarmena, ez, ordea, ELAk.
Enpresa hasi da langileei kaleratuak izango direla jakinarazten, ''modu informal batean'', sindikatuetako iturriek jakitera eman dutenez. Berez, hilaren 21ean geratuko dira kalean, eta bi egun aurretik jakinarazi beharko die enpresak kaleratzea, ofizialki.
Galdeketaren datuak
Lan-erregulazioko txostenaren eragina jasaten ari diren langileen % 67,49k parte hartu dute bozketan. Orotara, 1702 langilek parte hartu dute, eta horietatik % 73,21ek aurreakordioaren alde bozkatu dute. Sindikatuen arabera, aldeko botoa nagusitu da lantegi guztietan.
Gaur arratsaldean sinatuko dute akordioa Gamesako zuzendaritzak eta sindikatuek Madrilen.
Akordioari buruzko xehetasunak
Hitzarmena lortzeko, hainbat kontutan amore eman behar izan dute sindikatuek: langileek adostutakoa onartzen badute, 2013an soldatak izoztu egingo dizkiete; 2014ko eta 2015eko soldatak igo ala ez erabakitzeko, Negozio Planaren hainbat parametro hartuko dituzte kontuan; eta, 2015era bitartean, antzinatasuna izoztu egingo diete.
Tarte horretan, antzinatasuna pilatu egingo dute langileek, baina ez dute kobratuko, 2016. urtera arte, gutxienez.
Zure interesekoa izan daiteke
Abiadura Handiko Trena Abandotik iritsiko da Bilbora, behin-behinean, epeak aurreratzeko
Abiadura Handiko Trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 metro karratu inguru askatu ahal izango dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.