Legebiltzarrak onartu egin du 2013ko ordainsariak aurreratzea
Eusko Legebiltzarrak onartu egin du Eusko Jaurlaritzaren 67.000 funtzionarioei 2013. urteko aparteko ordainsariak aurreratzea.
EAJren 26 legebiltzarkidek baino ez dute alde bozkatu. EH Bildu, PSE-EE, PP eta UPyD abstenitu egin dira, eta boto zuri bat izan da, abstenitu nahi zen eta bozkatzean hanka sartu duen parlamentari batena, seguru aski.
Hori horrela, funtzionarioek urtarrileko lehen egunetan jasoko dute udako ordainsaria, eta Gabonetakoa, aldiz, uztailean.
Oraingoz ez dago argi, baina, zer gertatuko den hurrengo urteko abenduan.
Josu Erkoreka Administrazio Publiko eta Justizia sailburuaren esanetan, 2013ko ordainsariak aurreratzea "zentzuzko irtenbidea" da, Auzitegi Konstituzionalak abendukoa ematea galarazi eta gero.
Halaber, erabaki honek ez duela Espainiako Gobernuaren dekretua (Gabonetako ordainsaria ematea debekatzen duena) urratzen azaldu du.
Ane Urkiola EAJko legebiltzarkideak ekimenaren alde daudenen txandan azaldu duenez, funtzionarioek jasoko dituzten ordainsariak 2013koak izango dira, hots, ez dute loturarik 2012koekin. "Proposamenak segurtasun juridikoa dauka", nabarmendu du.
Ondoren, Belen Arrondo EH Bilduko legebiltzarkideak salatu egin du funtzionarioen erosteko ahalmena % 20 jaitsi dela azken urteetan. Hori dela eta, 2013ko ordainsariak aurreratzea 2012an funtzionarioen soldata % 7 murriztea onartzea dela ohartarazi du. Koalizio abertzalearen ustez, hurrengo urtean funtzionarioek 14 soldata eta "osagarri bat" jaso beharko lukete, aurten galdutako ordainsaria orekatzeko.
Jose Antonio Pastor PSE-EEko bozeramailearen esanetan, ekimena onartzea errazteko helburuz abstenitu dira, eta legeari "oinarrizko hainbat printzipio" falta zaizkiolako errefusatu dute alde bozkatzea.
PPtik, 2013ko ordainsariak aurreratzea "arduragabekeria" dela esan du Arantza Quirogak, eta Estatuaren oinarrizko legeak bete egin behar direla gogorarazi dio Eusko Jaurlaritzari.
Gorka Maneiro UPyDko parlamentariak funtzionarioei 2012ko abenduko ordainsaria ukatu izana salatu du, eta Eusko Jaurlaritzaren irtenbidearekin kritiko agertu da, 2013ko ordainsariak aurreratzea derrigorrezkoa izateagatik.
Legebiltzarraren kanpoaldean, ELA eta LAB sindikatuek elkarretaratzea egin dute, norberak bere aldetik, abenduko ordainsaria berreskuratzea aldarrikatzeko.
Nafarroako Parlamentuak eman egin du Gabonetako ordainsaria
Bestalde, Nafarroako Parlamentuak dagoeneko eman die Gabonetako aparteko ordainsaria bere 50 funtzionarioei, atzo Ganberako Mahaiak hala erabakita (UPNk aurka bozkatu zuen, baina PSN, Bildu eta NaBai alde agertu ziren).
Hain zuzen ere, Alberto Catalan Parlamentuko presidenteak atzo sinatu zuen akordioa, eta funtzionarioek gaur jaso dute ordainsaria, Ganberatik jakinarazi dutenez.
Zure interesekoa izan daiteke
Hego Euskal Herriko 112 udalerri, Estatuko 250 aberatsenen artean
EAE da sailkapenaren buruan, herritar bakoitzak, batez beste, 20.000 eurotik gorako errenta du eta; Hego Euskal Herriko ehun udalerri baino gehiago Espainiako aberatsenen artean daude.
Nafarroako udalerriak dira nagusi Hego Euskal Herriko errenta pertsonalaren hazkundean
Deierriko harana dago igoeraren buruan 2016tik, eta gurean errenta gehien handitu duten udalerrien erdiak Nafarroan daude.
Hego Euskal Herriko errenten erradiografia: zein udalerri dira aberatsenak eta txiroenak?
Erreportaje honek aberastasunaren itzalean ezkutatzen diren Araba, Bizkaia, Gipuzkoa eta Nafarroako errentaren arrakalak eta bilakaera aztertuko ditu, datuen, adituen eta lekukoen bidez.
Jon Bernat Zubiri: “Errenta altuko herria izateak ez du esan nahi garapen ekonomiko handiko herria denik”
EHU Lan Harremanen fakultateko Ekonomia Aplikatuko irakaslea herrialde, eskualde eta herri ezberdinetako errentari buruz aritu zaigu. Hego Euskal Herrian errenta altuko udalerri ugari daude, baina bere ustez, “bizitoki-efektuak” sortutako errentak dira eta ez dute herri horren garapen ekonomikoa islatzen.
ELAk ez du ontzat eman Madrilen lortutako akordioa eta EAEko langileen baldintzak "hemen erabakitzea" eskatu du
Sindikatuak Gasteizko legebiltzarkideei eskatu die zerbitzu publikoen alde egin dezatela, aurrekontuetako partidak handituz eta langile publikoen lan-baldintzak hemen erabakitzako urratsak emanez.
Osakidetzak 2016-2017ko lan-eskaintza publikoa esleitu du, balizko filtrazioak epaitegietan artxibatu ostean
Horrela, berriro ekin zaio plazak esleitzeko prozesuari susmopean zeuden espezialitate guztietan, kirurgia plastikoan, estetikoan eta konpontzailean izan ezik; izan ere, kategoria horretan bi pertsona daude oraindik ikerketa judizialpean.
Estatuko funtzionarioen soldatak % 11 igoko dira 2028ra arte
EAEko funtzionarioen soldatak ere igoko dira, baina erkidegoaren aurrekontuaren arabera. Soldata-igoeraz gain, itunak barne hartzen ditu plantillak indartzea eta barne-sustapeneko hobekuntzak. CCOOk oraindik ez du akordioa babestu.
Eusko Jaurlaritza, BBK eta Kutxabankek osatutako konsortzioak Ayesa erosteko eskaintza aurkeztu du
Mikel Jauregi Industria sailburuak lasaitasun mezua helarazi die Ayesako langile eta bezeroei (Ibermatica zen lehen), euskal konsortzioaren eskaintzak irabaziz gero enpresak hobera egingo duelakoan.
Aldatuko dute Ertzaintzarako LEPen fase psikoteknikoen baremazioa, aurrekoan % 90ek ez baitzuten gainditu
2028an 8.000 agente izatea helburu duen Ertzaintzaren Enplegu Plana aurkeztu du Bingen Zupiria sailburuak Gobernu Kontseiluan, eta 150 plazako LEPa egingo dela iragarri du.
Adegik Donostian duen egoitzan pintadak egin dituzte eta margoz lohitu dute
Inork ez du erasoa bere gain hartu. Eider Mendoza Gipuzkoako ahaldun nagusiak eta Muriel Larrea Gipuzkoako PPren presidenteak pintadak gaitzetsi dituzte.