ELA: '4.430 milioi gehiago bilduko lirateke, presio fiskala aldatuta'
ELAk jakinarazi duenez, EAEko presio fiskala Europako batez bestekoaren mailara igota, posible litzateke Eusko Jaurlaritzak 2013rako aurreikusitako 1.200 milioi euroko murrizketari aurre egitea. Europar Batasunaren baitan presio fiskal baxuena duen herrialdeen artean dago Euskal Autonomia Erkidegoa, Europa ekialdeko herrialde batzuen atzetik.
Fiskalitateaz egindako txostenaren berri eman du gaur goizean ELA sindikatuak. Txosten horretan agerian gelditzen da zerga-ordainketan laneko errenten eta aktibitate ekonomikoaren artean dagoen aldea. Lehenengoek 7.279,8 euro gehiago deklaratu zuten batez beste 1999tik 2009ra bitartean, eta bigarrengoek 1.111,7 euro gehiago. "Hau da 10 urtean aktibitate ekonomikoak deklaratzen dituztenen iruzur kopurua hazi egin da", adierazi du ELAk.
"Txostenean irakur daitekeenez, posible da beste zerga politika bat", adierazi du Adolfo "Txiki" Muñoz ELAko idazkari nagusiak. Horren ustez, EAEko presio fiskala Europako batez bestekora moldatuta, posible litzateke 4.400 milioi euro gehiago biltzea, eta Eusko Jaurlaritzak aurreikusitako 1.200 milioi euroko murrizketari aurre egitea.
"Obamak esan du aurrekontua % 2,3 jaitsita 750.000 lanpostu galduko direla AEBetan, eta gure politikariek diote aurrekontuan % 11,5eko murrizketak eginda enplegua sortuko dela. Hori sinesgaitza da", gaineratu du.
Otsaileko langabezia datuak ere izan ditu hizpide Adolfo Muñozek. "Lan eskubideetan murrizketak egotea saihestu nahi badugu, ezetz esan behar diegu gisa honetako politikei", esan du Adolfo Muñozek. Horren ustez, orain arte zerga politikaren gaineko erabakiak kapitalak hartu ditu. Horren aurrean enplegua babestea da alternatiba, Muñozen arabera.
Bestalde, datozen egunetarako ELAk deitu dituen mobilizazioetan parte hartzeko deia egin du sindikatuko idazkari nagusiak. Eusko Jaurlaritzako aurrekontuen kontrako manifestazioa deitu dute larunbatean Gasteizen, eta martxoaren 16an enpleguaren aldeko beste manifestazio bat egingo dute Bilbon.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.