Laguntza sozialak mantenduko dituela ziurtatu du Aburtok
Juan Maria Aburto Enplegu eta Gizarte Politikarako sailburuak 2013an oinarrizko laguntza sozialak matenduko dituela ziurtatu du gaur, nahiz eta Saileko aurrekontua % 16,3 murriztu. Etxebizitza arloak murrizketa handienak jasango dituela azaldu du.
Sailaren aurrekontua aurkeztu du Aburtok Eusko Legebiltzarrean. 768.177.010 euroko aurrekontua da eta % 16,3ko murrizketa izan du.
Diru-sarrerak Bermatzeko Errenta (RGI), Etxebizitzako Prestazio Gehigarria (PCV) eta Gizarte Premietarako Laguntza (AES) bermatzeko diru kopuruak mantendu dituztela errepikatu du Juan Maria Aburtok. Bestalde, telelaguntzareko aurrekontua % 11 handituko dutela nabarmendu du, "adineko edo desgaitasunak dituzten pertsonentzako zerbitzu oso garrantzitsua delako". Zerbitzuak 27.000 pertsona artatzen ditu gaur egun.
Enpleguari dagokionez, Lanbideren bitartez iaz bideratutakoa baino gehiago inbertituko dutela azaldu du Aburtok. Zentzu horretan, emakume eta gazte langabeek lehentasuna izango dutela esan du. Enplegua Suspertzeko Planaren ekimenak gehitu behar zaizkiela erantsi du.
Azkenik, etxebizitza arloak aurrekontu murrizketa handiena pairatuko duela onartu du sailburuak. Hala ere, Bizigune programa hobetzeko oinarriak jarriko dituztela ziurtatu du. Alokairurako etxebizitzen kopurua handitzeko konpromisoa hartu du. Hutsik diren etxebizitzak kostu txikiagoan alokairuan jartzeko apustua egin du.
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.