Patxi Lopez: 'Inolaz ere ez ditugu Aurrekontuak babestuko'
Patxi Lopez PSE-EEko idazkari nagusiak larunbat honetan baieztatu duenez, sozialistek ez dituzte "inolaz ere" Eusko Jaurlaritzaren Aurrekontuak babestuko. Halaber, akordio sakonak eta estrategikoak lortzeko eskua luzatu dio EAJri.
"Aurrez gisa horretako akordiorik ez badago, ez da posible izango Aurrekontuak adostea", adierazi du Patxi Lopezek PSE-EEko Batzorde Nazionalaren aurrean egin duen agerraldian.
PSE-EEk, EH Bilduk, eta UPyDk osoko zuzenketak aurkeztu dituzte Eusko Jaurlaritzaren aurrekontu proiektuaren kontra, eta apirilaren 26an Eusko Legebiltzarrean egingo den osoko bilkuran egingo dute horien gaineko bozketa. Aldaketarik ezean, oposizioak atzera botako ditu Aurrekontuak. PPren balizko babesa ere ez litzateke nahikoa izango Aurrekontuak aurrera ateratzeko; izan ere, jeltzaleek eta popularrek 37 boto bilduko lituzkete, eta EH Bilduk, PSE-EEk eta UPyDk, 38
"Ez dugu azken orduko partxerik nahi, Euskadi itxuraldatu ahal izateko sakoneko akordioak nahi ditugu. Euskadiko Alderdi Sozialistaren atea irekita dago, eta gure eskua luzatu diegu, baina orain beraiek ere eskua luzatzen diguten ikusi behar dugu", gaineratu du.
PSE-EEk buruan dituen "sakoneko akordioak" zein diren ere zehaztu ditu Lopezek: Ekonomia indarberritzeko eta enplegua sustatzeko plana onartzea, erakundeen bikoiztasunak saihesteko erreformak egitea, erreforma fiskal "sakona", eta hezkuntzaren, osasun arloaren eta gizarte politiken iraunkortasuna bermatzeko ituna egitea.
/eu/albisteak/ekonomia/krisi-ekonomikoa/osoa/1316116/aurrekontuak-2013--osoko-zuzenketak-aurkeztuko-dituzte-/
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.