Krisiak Epsilonen porrota eragin zuela adierazi du Villadelpratek
2011n Epsilon Euskadiren porrota krisi ekonomikoak, inbertitzaile pribatuen faltak eta Eusko Jaurlaritzan izandako aldaketak eragin zutela azaldu du Joan Villadelprat automobil-enpresako zuzendari ohiak. PSEk egitasmoa "herriaren proiektu" gisa ulertzeari utzi zion, Villadelpraten hitzetan.
"Ekaitz perfektua bota zigun", esan du Villadelpratek, porrota ekarri zuten elementuak azaltzeko.
Merkatatzaritza-gaietarako epaitegian agerraldia egin du gaur Villadelpratek, Gasteizen. Konpainiaren porrotaren "erruduna" bera den ebatzi beharko du auzitegiak. Administrazio Konkurtsalak, Ministerio Fiskalak, Estatuko Abokatutzak eta Patxi Lopezen Exekutiboak hala uste dute.
Egitasmoaren porrota
Epsilon Euskadi proiektua automobilismoa sustatzeko sortu zuten eta diru-laguntza publikoetan 50 bat milioi euro jaso zituen. Baina 2011ko otsailean aurrekonkurtsoa eta uztailean hartzekodunen konkurtsoa eskatu zuen, Vital Kutxarekin eta Kutxarekin hartutako kredituak ordaindu ezinik.
Zorra 16,3 milioi eurokoa da, Epsilon Kutxabankekin akordio batera heldu zelako. Hala ere, zorra kitatzeko ardura Arabako Teknologia Parkeak izan du, hau da, Eusko Jaurlaritzak, Arabako Foru Aldundiak eta Gasteizko Udalak, hirurak parkeko bazkideak baitira.
Administrazio Konkurtsala
Konkurtso eskaera "berandu" egin zutela defendatu du Administrazio Konkurtsaleko abokatuak, 2009an konpainiak 1,3 milioi euroko galerak izan zituelako dagoeneko. Villadelpratek hartutako neurriak egokiak izan ez zirela erantsi du abokatuak.
Abokatuaren hitzetan, Villadelpratek enpresaren kaudimen-gabezia "areagotu" zuen; izan ere, 2011ko apirilean konpainiaren lehiaketarako alorra saldu zuen. "Diru-sarreren % 80 baino gehiago" alor horren bidez lortzen zituen. Ondorioz, enpresak balioa galdu zuen, 899.263 euroko galera.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.