RTVVko langileak elkarrizketaren alde, enpresa 'bideragarria' baita
Salut Alcover Valentziako Irrati Telebistako (RTVV) langileen batzordearen presidenteak "adostasuna" eskatu die alderdi politikoei, eta langileen ordezkariekin "elkarrizketak" izan ditzaten eskatu du; izan ere, euren ustez, "bideragarria da eta etorkizuna du".
Alcoverrek gaur, asteazkena, RTVVko ehun langilek baino gehiagok Generalitatearen Jauregiaren atarian egindako elkarretaratze batean parte hartu du. Protesta Alberto Fabra Generalitateko presidentea agerraldia egiten ari zen bitartean egin dute. Fabraren esanetan, enpresa horren itxiera "negoziaezina da".
RTVV "bideragarria da eta etorkizuna du", esan du Alcoverrek, eta, bide batez, Gobernuak "urte eta erdian –enplegu-erregulazioko txostenak iraun duen epean– elkarrizketak egiteko borondaterik" erakutsi ez izana salatu du. Enplegu-erregulazioko txostena bertan behera utzi zuen atzo, asteartea, Valentziako Justizia Auzitegi Nagusiak eta, horrezkero, Generalitateak emisioak eteteko erabakia jakinarazi du.
Langileen batzordeak "askotan" eskatu du Generalitateko presidentearekin eta presidenteordearekin biltzea, baina ez diote inoiz onartu, langileen arabera.
Alcoverren esanetan, RTVVk behar duena "adostasuna eta elkarrizketa da. Adostasuna, Valentziako Gorteetan ordezkaritza duten alderdien artean, eta elkarrizketa, langileen ordezkariekin", enpresa "bideragarria" delako eta "agintari onak, hitz egiteko eta negoziatzeko prest egon behar direnak" behar dituztelako.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.