Fagorren kalteari aurre egiteko irtenbideak proposatuko ditu Urkulluk
Fagor Etxetresnak enpresa ixtearen ondorioak ahalik eta min gutxien eragiteko ahaleginetan ari direla berretsi du gaur Iñigo Urkullu lehendakariak. Itxiera honek Fagorren bertan eta inguruko hornitzaile guztiengan eragin duen kalteari aurre nola egin aztertzen ari direla gaineratu du, eta irtenbide bila dabiltzala, kaltea ahalik eta txikiena izan dadin. "Konpromiso irmoa dugu lan horretan", esan du. Eusko Legebiltzarreko Osoko Bilkuran egin ditu adierazpenok Urkulluk. Oskar Matute EH Bilduko legebiltzarkideak galdetu dio Urkulluri, Fagorren itxieraren aurrean Jaurlaritzak hartuko dituen erabakien inguruan.
Fagorren krisiaren aurrean Jaurlaritzak hasieratik izan duen estrategia "oso gardena" izan dela azpimarratu du lehendakariak. "Fagorren arazoak entzun ditugu, euren planei buruzko informazioa jaso dugu, bideragarritasun planaren berri badugu, eta plan hori kontuan hartuta, laguntzak bideratu ditugu eta bideratzen jarraitzeko borondatea dugu", esan du.
Jaurlaritzak afera honetan hartu dituen erabaki guztiak "legea zorrotz begiratuta" hartu dituetela gaineratu du lehendakariak, betiere, "enpresaren bideragarritasuna bermatzeko".
Duela hamaika hilabete, Jaurlaritzak MCCk orduan aurkeztutako bideragarritasun plana aztertuta, 25 milioiko diru-laguntza eman ziola kooperatibari gogora ekarri du Urkulluk. Bideragarritasun plan hori aurrera ateratzeko, orotara, 263 milioi euro aurreikusten zituen Fagorrek. "Diruz laguntzeko erabakia hartu genuen, eta egin beharrekoa egin genuen: enpresaren bideragarritasunari eusteko laguntza eman", adierazi du.
Egoerari aurre egiteko orain arteko bideari eutsiko diotela nabarmendu du. Fagor Etxetresnaken itxierak eragin duen kaltea ahalik eta txikiena izan dadin lanean jarraituko dutela esan du. Bide horretan, aukera bat baino gehiago aztertzen ari direla eta Jaurlaritzak irtenbideak proposatu dituela jakinarazi du, ez bakarrik Fagorrentzat, baita kaltetutako enpresa hornitzaile guztientzat eta finantza erakundeentzat.
Bi lan ildo
Aurreratu duenez, bi lan lerro dituzte zabalik: batetik, Lanbiderena, eta bestetik Garapen Ekonomikorako sailean abian jarri dutena. "Kaltetutako enpresa guztiei laguntzeko konpromisoa dugu", adierazi du. Fagorren auzian erakunde publiko guztien estrategiak bide beretik jo beharko lukeela eta elkarlana ezinbestekoa dela esan du, "helburuak bateratuz". "Bideragarriak diren zatiei eusten ahalegindu behar dugu", gaineratu du.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.