Bizkaian enplegua ez da haziko 2014an, Cebeken arabera
Cebek Bizkaiko Enpresarien Konfederazioak ere ekonomiaren hazkundea iragarri du 2014rako, baina oso motela (% 1ekoa) izango dela aurreratu du. Hori dela eta, oso zuhur mintzatu dira, ez baitute espero enplegua suspertzea aurten Bizkaian.
Susperraldiaren mezuarekin bat egin baina gehiegizko baikortasunetik urruntzeko deia egin du Bizkaiko patronalak, % 1eko hazkundea ez delako nahikoa enplegua sortzeko.
Iñaki Garcinuño Cebek elkarteko presidenteak azaldu duenez, Industriak 4 puntuko pisua galdu du lurraldeko barne produktu gordinean, % 18ra jaitsi baita, eta berrikuntzaren bidetik suspertzeko deia egin dute.
Confebaskek eta sindikatuek lanbide arteko akordioa adostearen alde egin du Cebekek, hirugarren saiakeran, eta horretarako ELA eta, batez ere, LAB sindikatuei elkarrizketa sozialaren aldeko borondatea azaltzeko eskatu die.
Bizkaian dauden 48 lurralde hitzarmenetatik 34 bertan behera geratu dira. Nolanahi ere, egoera horretan dauden enpresei soldatei eusteko gomendioa egin diete gaur gutun bidez. Euskadiko negoziaketa esparrua lehenesten dute Bizkaiko enpresariek, lurraldeko hitzarmenak lortzeko, enpresa arloari ekiteko Adegik egin duen proposamenaren kontra.
Albiste gehiago ekonomia
Serveoko langileak 22 laguni eragiten dien enplegu-erregulazioko espedientearen aurka bildu dira Basaurin
CCOOk deituta, Serveoko langileek "Bridgestoneko kaleratze ikusezinak" salatu dituzte, eta datorren astelehenean hasiko den greba mugagabea deitu dute.
Banco Sabadell erosteko eskaintza publikoa onartzeko Espainiako Gobernuaren baldintzaren aurkako helegitea aurkeztu du BBVAk Auzitegi Gorenean
Bankuak uztailaren 15ean aurkeztu zuen errekurtsoa, Espainiako Gobernuak baldintza iragarri eta hiru astera. Zehazki, hiru urteetan bi erakundeek identitate juridikoa eta ondarea bereizita mantentzera behartzen ditu Sanchezen gobernuak.
Zerga-bilketa % 9,6 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 9,6 gehiago eta 983,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.
KPIa hamarren bat jaitsi da Euskadin uztailean, eta % 0,2 igo Nafarroan
Urte arteko datuei dagokienez, inflazioa % 3koa da Euskadin eta % 2,7koa Nafarroan, Estatuko batez bestekoaren berdina.
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.