Jaurlaritza 'patronalaren menpe' dagoela salatu du ELAk
Adolfo 'Txiki' Muñoz ELAko idazkariak esan du ez duela inolako itxaropenik elkarrizketa sozialaren esparruan Eusko Jaurlaritzarekin akordio batera heltzeko, Iñigo Urkulluren Gobernua "patronalaren menpe dagoelako".
Datorren astelehenean Juan Maria Aburto Enplegu sailburuak bilera deitu du eragile ezberdinekin elkarrizketa sozialari berri ekiteko asmoz.
"Jaurlaritzaren politikak kontuan hartuta, ezinezkoa da elkarrizketa sozialaz hitzegitea", adierazi du Radio Euskadin egindako elkarrizketan.
Oreka gabe jokatzea egotzi dio ELAk buruzagiak Iñigo Urkulluri, "enpresarien exijentzia guztiak babesten dituelako, Arantza Tapia sailburuak atzo Adegiren ekitaldian izan zuen parte-hartzeak erakutsi duen moduan".
"Horrek agerian uzte du Jaurlaritzak eskuak lotuta dituela eta patronalak esaten duenaren menpe dagoela", deitoratu du.
Horrez gain, Jaurlaritzak ELA jomugan duela salatu du. "Injustuak diren politikak ezkutatzeko gure kontra egiten ari dira, onuradun bakarra patronala den bitartean".
"Jaurlaritza patronala babesten ari da. Kapitala ohartu da politikak dena ematen diola", azpimarratu du.
ELAk akordioetara heldu nahi duela nabarmendu du, baina une honetan hori ezinezkoa dela erantsi du. "Elkarrizketa soziala bezalako hitz potoloak erabiltzen dituzte, patronalari babes osoa ematen ari direnean eta hori onartezina da", kritikatu du.
"Langabezia eta desoreka areagotzen duten politika neoliberalak aplikatzen ari dira eta hori elkarrizketa sozialarekin bateraezina da", esan du.
"Patronalak ez du ezer mugitzerik nahi, ez du negoziaziorik nahi, lan erreformak dena ematen diolako; patronalari botere guztia eman diote, lotsagarriak dira; eta bitartean ELA bezalako erakundeen aurkako kanpainak abian jarri dituzte", salatu du.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.