Hipoteken HMEI indizea bertan behera uztea onartu du Kutxak
Kutxaren Administrazio Kontseiluak hipotekei ezartzen dien Hipoteka Maileguen Erreferentzia Indizea (HMEI) aplikatzeari uztea onartu zuen atzo. EH Bilduk egindako proposamenak aurrera egin zuen, eta orain Kutxak Kutxabanki egingo dio eskaria. Bestalde, EH Bilduk ez zuen lortu Kutxabanken pribatizazioa saihesteko proposamenak aurrera egitea, akzio guztiak kutxen esku geratzeko proposamenak, alegia.
CC. OO. sindikatuak duen ordezkaria abstenitu egin zen eta, horri esker, aurrera atera zen EH Bilduren beste eskaria, HMEI indizea erabiltzeari uzteko. Eskari hori aurrera atera zen, baina Kutxabankena da azken erabakia. Gipuzkoa Kutxako Administrazio Kontseiluak Kutxabanki bidaliko dio eskaria.
Kutxako bezeroek urtean 70 milioi euro gehiago ordaintzen dute hipoteketan indize edo adierazle horren erruz.
Fundazioa
Fundazio bihurtzeko legeak eskatzen dituen baldintzak ere gainbegiratu zituzten Kutxaren Administrazio Kontseiluaren bileran, baina ez zuten ezer erabaki horren gainean. Seguruenera urriko bileran aztertu, eta erabakiren bat hartu beharko dute.
Protestak
Batzarra hasi aurretik, Kutxaren egoitzaren kanpoaldean hainbat gizarte-talderen protestak izan ziren. Stop Kaleratzeak! taldeak pankartak zabaldu zituen hipotekak merkeago jartzea eskatzeko.
Donostiako Egia auzo elkarteak ere Kutxaren egoitzaren aurrera eraman zuen bere eskaria: azken bost urtean hutsik dagoen onkologikoaren egoitza zaharra auzo batzarraren esku jartzea.
Barkaiztegiko egoitza
Gipuzkoako Kutxak Amara auzoko Barkaiztegi kalean zuen egoitza saltzeko baimena ere onartu zuten atzoko bileran. 550.000 euroko salmenta izango da, eta badirudi aurreakordioren bat itxita dagoela erosleren batekin.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.