Osakidetzako Mahai Sektoriala deitzeko eskatu dute sindikatuek
Osakidetzan ordezkaritza duten sindikatu guztiek Mahai Sektoriala deitzeko eskatu diote Osasun Sailari, besteak beste, ibilbide profesionalaren garapena eta antzinatasunagatik langileek zituzten egun libreak itzultzea jorratzeko. Bestalde, sindikatuek hainbat mobilizazio iragarri dituzte datozen hilabeteetarako.
Satse Euskadiko Erizainen Sindikatuak, ELA, LAB, Euskadiko Medikuen Sindikatuak, CCOO, UGT, ESK eta ospitaleetako medikuen elkarteen federazioak prentsaurreko bateratua eskaini dute gaur, "murrizketa gehiago eta langileen umiliazioa" eragingo dituzten neurriak salatzeko.
Sindikatu guztien izenean ohar bat irakurri du Encarnacion de la Maza Satseko ordezkariak. Bertan azaldu duenez, Osakidetzako Mahai Sektorialak ondorengo gaiak jorratu beharko ditu: enpleguak sortzea eta egonkortzea, gaixotzen diren langileak ordezkatzea, lanaldia murriztea, eta 2011ko garapen profesionalaren deialdia "berehala ebaztea". Horren esanetan, horiek dira euren lehentasunak, baina ez diote inolako eskubideri muzin egingo.
Satseko ordezkariaren arabera, Osakidetzan 3.000 lanpostu galdu dira 35 orduko lanaldia bertan behera gelditu zenetik, eta, ildo berean, langileen lan-karga areagotu eta bezeroekiko arreta, berriz, okertu egin da.
Bestalde, gaixo dauden langileak ez ordezkatzea, zerbitzuak pribatizatzea eta Eusko Jaurlaritzak osasun arloan Ekonomia Lankidetza eta Garapenerako Antolakundeko herrialdeek baino 1.000 milioi euro gutxiago gastatzea salatu dute.
Aipatu bezala, sindikatuek mobilizazioak iragarri dituzte datozen hilabeteetarako. Ekainaren 26an, esaterako, manifestazioa egingo dute Bilbon, eta uztailaren 7ko astean Osakidetzara mezu elektronikoak bidaliko dituzte.
Uda ostean, itxialdiak egingo dituzte ospitaleetan irailaren 15eko astean, manifestazioak urriaren 11ko astean, eta greba deialdiak urriaren 30etik aurrera.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.