Legebiltzarrak ez dio AHTaren lanak gelditzeko eskatuko Espainiari
Eusko Legebiltzarrak ez dio Euskal Autonomia Erkidegoan esleitu gabeko Abiadura Handiko Trenaren lanak gelditzea eskatuko Espainiako Gobernuari. Kataluniako abiadura handiko trenaren lanetan ustez egon den ustelkeria kasua argitu arte lanak gelditzea eskatzen zuen EH Bilduk, baina Eusko Legebiltzarrak atzera bota du proposamena.
Oskar Matute EH Bilduko legebiltzarkideak azaldu du proposamena Legebiltzarrean, baina gainerako alderdiek atzera bota dute proposamena.
Ustez, gainkostuak egon diren Abiadura Handiko Trenaren zati guztiei buruzko txostena egiteko eskatu nahi zion EH Bilduk Herri Kontuen Euskal Auzitegiari. Dena den, EH Bilduren ez-legezko proposamena aurrera atera ez denez, eskaera bertan behera gelditu da.
Katalunian Corsan Corviam enpresaren kontra irekita dagoen ikerketa eta AHTaren Euskal Autonomia Erkidegoko lanak lotu nahi izatea egotzi diote EAJ, PSE-EE, PP eta UPyD alderdiek EH Bilduri. Aipaturiko Corsan Croviam enpresari Kataluniako abiadura handiko trenaren lanetan diru publikoa bidegabe erabiltzea leporatzen diote, eta, hain zuzen ere, enpresa horrek EAEko AHTaren hainbat lan egiteko ardura du.
Guardia Zibilak Corsan Croviam enpresako zuzendaritzako bederatzi kide eta Adifeko hainbat langile atxilotu zituen maiatzan, Madril eta Bartzelona arteko abiadura handiko trenaren lanen prezioak puztu zituztelakoan.
Gipuzkoako Diputazioak 7,5 milioi euro eskatzen dizkio Jaurlaritzari
Abiadura handiko trenarekin loturiko lanetan inbertitutako 7,5 milioi euroak itzultzeko eskatu dio Larraitz Ugarte Gipuzkoako Foru Aldundiko bozeramaileak Eusko Jaurlaritzari. Ugarteren esanetan, akordio bat lortu zuten lan horien zenbatekoa Euskal Trenbide Sareak ordaindu zezan.
Aurreko legegintzaldian, Gipuzkoako Foru Aldundia eta Euskal Trenbide Sareak erakunde publikoak ahozko akordioa lortu zuten, eta, horren arabera, Gipuzkoako Diputazioak AHTarekin loturiko hainbat lan burutu zituen. Larraitz Ugarte harrituta agertu da ahozko akordioa berresteko hitzarmenik sinatu ez zelako, eta aipaturiko lanek Gipuzkoarentzat 7,5 milioi euroko kostua izan zutela gaineratu du.
"Gipuzkoako Foru Aldundiak urteak daramatza diru hori eskatzen, baina Eusko Jaurlaritzak ez du zorra ordaintzen", azaldu du. Ugarteren esanetan, "ez dirudi Jaurlaritza diru hori ordaintzeko prest dagoenik", hori ordaintzea Adif erakundeari dagokiola argudiatuta. Adifek bien bitartean, zorra ordaintzea Jaurlaritzari dagokiola adierazi du.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.