Industria produkzioa urrian martxan jarri nahi du Cata konpainiak
Fagor Etxetresnaken merkataritzako jarduera irailean hasiko dela adierazi du CNA taldeak. Era berean, industria produkzioa urrian martxan jartzeko borondatea azaldu du.
Horretarako, marketing eta merkataritza abiarazte egitasmo batean lan egin dute, "proiektu berria pixkanaka martxan jartzeko". Garagartzako lantegian eta gainerakoetan jarduera "abiadura ezberdinetan" hasiko da.
Jorge Parlade CNA Corporationeko administratzaileak eta Francisco Martin Cata Korporazioaren zuzendari nagusiak prentsaurrekoa eman dute gaur Fagorren instalazioetan, Arrasaten. Pedro Malagon epaileak Fagor Etxetresnak CNA Groupi saltzea erabaki du gaur. Honenbestez, operazioaren emaitzarekin "pozik" azaldu dira biak.
Eskarmentua
Bi buruzagiek azaldu dutenez, merkataritza eta industria jarduerak "lehenbailehen" martxan jartzea helburu nagusia da. Bestalde, zuzendaritza Fagorreko bazkide kooperatibista ohiek eta langile ohiek osatuko dutela aurreratu dute.
"Iraganean Fagor buruan jarri dutenen eskarmentua eta baloreen aldeko apustua egingo du CNAk", gaineratu dute. Kooperatibisten kolektiboak eta langileek lehentasuna izango dutela erantsi dute.
Fagorren "giza taldeari", prozedura judizialeko konkurtso-administratzaileei, Arantza Tapia Garapen Ekonomiko eta Lehiakortasunerako sailburuak "emandako babes eta laguntza ordainezinari" eta Kataluniako Gobernuaren laguntzari eskerrak eman nahi izan dizkio Parladek.
Jorge Parlade CNA Corporationeko administratzailea eta Francisco Martin Cata Korporazioaren zuzendari nagusia Arrasaten. Argazkia: EFE
Langileak
Langileak aukeratzeko prozesuari dagoeneko hasiera eman diotela jakitera eman dute. Fagor, Edesa eta Grumaleko bazkide kooperatibista ohiek eta langileek lehentasuna izango dutela ohartarazi dute.
Aurreneko kontratazioak irailean egingo dituztela aurreratu dute, behin esleipenaren izapideak bukatuta daudenean eta Fagor Etxetresnaken merkataritzako jarduera hasten denean.
Kontratazioak (705 lehen urtean) zein jarduera pixkanaka jarriko dituzte martxan: aurrena Garagartzako lantegia jarriko dute martxan, ondoren Eskoriatzako fabrika, eta gainerako lantegiek osagaien horniketa dutenean gauza bera egingo dute.
Garagartzako lantegia urrian zabaltzeko beharrezko horniketa dutela aurreratu dute Fagorreko jabe berriek.
Soldatak eta fakturazioa
Langileek "kasu guztietan, soldata berdinak edo handiagoak jasoko dituzte", zehaztu dute.
Gainera, produktuaren bezeroek "konfiantza galdu" ez dutela uste dute Catako arduradunek. Hirugarren ekitaldian 220 milioi euroko fakturazioa gainditzea espero dute bi buruzagiek, "2012an Fagorrek zuen antzekoa", alegia.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.