Tapia:'Ministerioak antxoari buruz hartutako erabakia arbitrarioa da'
Arantza Tapia Eusko Jaurlaritzaren Garapen Ekonomiko eta Lehiakortasunerako sailburuak uste du "ulertezina eta onartezina" dela Nekazaritza, Elikadura eta Ingurumen Ministerioak irailaren 8tik aurrera Kantauri itsasoan antxoaren arrantza baimentzeko hartutako ebazpena .
Tapiak adierazi duenez, "hautazko erabaki baten aurrean gaude, sektorearen eta erakundeen artean orain arte izan den adostasunaren joko arauak urratu dituena. Indarrean jartzeko 48 ordu eskas lehenago iragarri du, eragiten dienen iritzirik kontrastatu gabe".
"Orain arte jarraitu dugun elkarrizketa eta adostasun maila kontuan izanik, ez gatoz bat oraingoan erakutsi diren moduekin, ezta ebazpenaren edukiarekin ere, arbitrarioa eta aldebakarrekoa izan delako", azpimarratu du Tapiak.
Halaber, sailburuaren arabera, Estatuko exekutiboak hartutako erabakia "ez da arrantza sektorearen adostasunez hartu, ez eta autonomia erkidegoen adostasunez ere".
"Modu inprobisatuan" egin dela, eta 2015 urteari dagozkion 2.000 tona 2014ko harrapaketan baimendu direla azaldu du, eta horrek ondorioak izango dituela salatu du: datorren arrantzaldiko antxoa harrapaketaren kuotan 2.000 tonako jaitsiera, eta arrantza sektorean errentak pobretzea.
"Espezie honetarako adostutako arrantza denboraldia ez da errespetatu. Udaberriko produktua da (maiatza-ekaina), eta Euskadiko arrantzaleek horren arabera antolatzen dute bere jarduera ", gogorarazi du.
Eusko Jaurlaritzaren hitzetan, "une honetan, Euskadiko arrantzontziak hegaluzearen harrapaketan ari dira, eta, beraz, onartezina da Ebazpenaren edukia 48 ordu eskasekin jakinaraztea".
"Ondorioak ekarriko ditu"
Gipuzkoako, Bizkaiko eta Kantabriako arrantzale-kofradien federakundeak Santanderren bildu dira egoera berria aztertzeko. Asturiasek eta Galiziak, bestalde, ez dute bileran bat egin.
Eugenio Elduaien Gupuzkoako Arrantzale Kofradien Federakundeko presidenteak Radio Euskadin egindako adierazpenetan, Galiziari eta, gehien bat, Madrili aurpegiratu dio egungo egoeraren errua. Eta ohartarazi duenez, erabakia bertan behera utzi ezean, ondorioak ekarriko ditu.
"Horrela jarraituz gero, 2015ean ez dugu antxoarik izango arrantzatzeko", esan du Jose Luis Bustillo Kantabriako federazioko presidenteak. "Berehala neurririk hartu ezean, ondorio latzak ekarriko dizkio sektoreari, barne gatazka bat sortuko da, eta antxoaren gerra famatua pairatuko dugu berriro, baina oraingo honetan espainiar arrantzaleen artean", esan du. Horrez gain, Andres Hermida Arrantzarako idazkari nagusiari kargua uzteko eskatu dio, Galiziako arrantzaleen "presioaren aurrean etsi" baitu, bere ustez.
"Behin behinean eta badaezpada"
Nekazaritza, Elikadura eta Ingurumen Ministerioko Arrantzarako Idazkaritza Nagusiak, "behin behinean eta badaezpadako" neurri gisa, Kantauri itsasoan 2.000 tona antxoa gehiago arrantzatzeko baimena eman du.
Ebazpenaren arabera, baimena asteleheneko (irailak 8) 00:00etan sartuko da indarrean, eta ordu horretatik aurrera, "itsasontziek arrantzan egiteko baimena izango dute".
Testuan gogorarazi dutenez, uztailaren 1ean ANE/08 stockean arrantzan egitea baimendu zuten, behin behinean, eta abuztuaren 29an, Arrantzaren Antolamenduko Zuzendaritza Nagusiak "arrantzan egiteko baimena larunbateko -abuztuaren 30- 00:00etatik aurrera behin behinean ixtea" erabaki zuen.
"Egungo egoera eta eskura dagoen informazioa ebaluatu eta aztertu ondoren", Arrantzarako Idazkaritza Nagusiak "behin behinean eta badaezpadazko" neurri gisa ANE/08 stockean antxoa gehiago arrantzatzea baimendu du.
Zure interesekoa izan daiteke
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.
Epaitegi batzuk hasi dira langile interinoak finko egiten, Europako Justiziaren epaiaren ondoren
Pasa den apirilaren 14an Europar Batasuneko Justizia Auzitegiak ebatzitakoaren arabera, Espainian administrazioarekin aldi baterako kontratuak kateatu dituzten interinoak mugagabe ez-finko bihurtzea ez da neurri nahikoa abusu horiek konpentsatzeko.
KPIaren urtearteko tasa % 3,2ra jaitsi da apirilean, erregaia igo arren, argindarra jaitsi izanak bultzatuta
Erregaiak dira oraindik ere goranzko presio handiena egiten dutenak, Irango gerrak eragindako shockak irauten duen seinale. Hala ere, eragin hori leundu dute, nolabait, elektrizitatearen prezioaren jaitsierak eta Espainiako Gobernuak onartutako neurri fiskalek.
Iberdrolak 1.711 milioi irabazi ditu lehen hiruhilekoan, eta 2026rako mozkin garbi doituaren aurreikuspenak hobetu ditu
Konpainiak urtarrila eta martxoa artean izandako ustiapeneko emaitza gordina (Ebitda) 4.067,1 milioi eurora iritsi da, duela urtebete baino % 9,7 gutxiago.
Patronala absentismoa nola erabiltzen duen salatu dute sindikatuek laneko osasunaren eguneko mobilizazioetan
Sindikatu guztiak irten dira kalera apirilaren 28 honetan. LAB, ESK, STEILAS, EHNE-Etxalde eta HIRU sindikatuek elkarrekin egin dute manifestazioa, Donostian. ELAk, CCOOk eta UGTk euren mobilizazio propioak egin dituzte, Bilbon.
Euskal Herriko hamaika proiektu nabarmendu dituzte Berlinen If Design sari-banaketan
Mundu mailako diseinu-saririk garrantzitsuenak dira If Design golardoak. Bart banatu zituzten, eta Oiartzungo Niessen enpresak urrezko kategoria irabazi zuen. Bestalde, EAEko eta Nafarroako hogei bat proiektu izendatu zituzten.
Langabezia-tasa % 8,23ra igo da EAEn eta % 9,09ra Nafarroan, lehen hiruhilekoan
Iazko lehen hiruhilekotik aurtengo lehen hiruhilekora, 6.700 langabe gehiago zenbatu dituzte EAEn (% 8,08), eta 5.800 gehiago Nafarroan. Landunen kopuruak ere gora egin du Euskadin (7.700 gehiago) eta behera, berriz, Nafarroan (1.300 gutxiago). Bestalde, Espainiako Estatuan 231.500 langabe gehiago erregistratu dituzte 2026ko lehen hiruhilekoan, 2013tik izandako hiruhilekorik txarrenean.
39 milioiko eskaintza egin du Cristian Layk Papresa erosteko
Enpresaren bi industria-jarduerei eustsiko lieke CLk, paperarena eta enbalajearena, eta plantillaren bi heren mantenduko lituzke. Eusko Jaurlaritzak begi onez ikusi du operazioa eta parte hartzeko borondatea du. Papresa hartzekodunen konkurtsoan dago, eta zabalik da hura erosteko eskaintzak aurkezteko epea.