Euskal arrantzaleak antxoa harrapatzera aterako dira astelehenean
Euskal arrantzaleak antxoa harrapatzera irtengo dira astelehenean galiziarrak itsasora ateratzen badira eta Espainiako Nekazaritza, Elikadura eta Ingurumen Sailak irailaren 8tik aurrera Kantauri itsasoan antxoaren arrantza baimentzeko hartutako ebazpena atzera botatzen ez badu, Miren Garmendia Gipuzkoako Kofradiako idazkariak jakinarazi duenez.
Gauzak horrela, 2.000 tona antxoa gehiago harrapatzeko aukera izango dute Kantauri itsasoko arrantzaleek.
Radio Nacional irrati kateari eskainitako elkarrizketan antxoaren kuota handitzeko hartutako erabakia atzera botatzeko eskatu dio Miren Garmendiak Espainiako Nekazaritza, Elikadura eta Ingurumen Ministerioari. Garmendiaren esanetan, erabakiak galiziarrei soilik egiten die mesede eta "akordioaren" aldeko apustua egiteko eskatu du. Bizkaiko eta Gipuzkoak arrantzaleek ohartarazi dutenez, antxoaren harrapaketa berriz zabaltzeak 2015eko antxoaren kanpainan eragin dezake. Dena den, antxoa arrantzatzera irtengo direla adierazi dute. Halaber, euskal arrantzaleek Andres Hermina Arrantza idazkariak hartutako erabakia atzera botatzeko eskatu diote Isabel Garcia Tejerina Espainiako Nekazaritza, Elikadura eta Ingurumen ministroari.
Akordiorik ezean, euskal arrantzaleak ere itsasora irtengo direla aldarrikatu du Miren Garmendiak. "Erreakziorik ez badago eta Galiziako arrantzaleek antxoa harrapatzen dutela ikusten badugu, euskal arrantzaleak ere antxoatara irtengo dira", adierazi du. Halaber, bere ordezkarien artean ordena jartzeko eskatu dio Garcia Tejerinari.
"Guk elkarrizketarako eta adostasuna lortzeko ateak irekita dauzkagu, baina gure eskubideak babestuko ditugu eta ez dugu gure eskubideak urratzea onartuko", gaineratu du.
Zure interesekoa izan daiteke
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.
Epaitegi batzuk hasi dira langile interinoak finko egiten, Europako Justiziaren epaiaren ondoren
Pasa den apirilaren 14an Europar Batasuneko Justizia Auzitegiak ebatzitakoaren arabera, Espainian administrazioarekin aldi baterako kontratuak kateatu dituzten interinoak mugagabe ez-finko bihurtzea ez da neurri nahikoa abusu horiek konpentsatzeko.
KPIaren urtearteko tasa % 3,2ra jaitsi da apirilean, erregaia igo arren, argindarra jaitsi izanak bultzatuta
Erregaiak dira oraindik ere goranzko presio handiena egiten dutenak, Irango gerrak eragindako shockak irauten duen seinale. Hala ere, eragin hori leundu dute, nolabait, elektrizitatearen prezioaren jaitsierak eta Espainiako Gobernuak onartutako neurri fiskalek.
Iberdrolak 1.711 milioi irabazi ditu lehen hiruhilekoan, eta 2026rako mozkin garbi doituaren aurreikuspenak hobetu ditu
Konpainiak urtarrila eta martxoa artean izandako ustiapeneko emaitza gordina (Ebitda) 4.067,1 milioi eurora iritsi da, duela urtebete baino % 9,7 gutxiago.
Patronala absentismoa nola erabiltzen duen salatu dute sindikatuek laneko osasunaren eguneko mobilizazioetan
Sindikatu guztiak irten dira kalera apirilaren 28 honetan. LAB, ESK, STEILAS, EHNE-Etxalde eta HIRU sindikatuek elkarrekin egin dute manifestazioa, Donostian. ELAk, CCOOk eta UGTk euren mobilizazio propioak egin dituzte, Bilbon.
Euskal Herriko hamaika proiektu nabarmendu dituzte Berlinen If Design sari-banaketan
Mundu mailako diseinu-saririk garrantzitsuenak dira If Design golardoak. Bart banatu zituzten, eta Oiartzungo Niessen enpresak urrezko kategoria irabazi zuen. Bestalde, EAEko eta Nafarroako hogei bat proiektu izendatu zituzten.
Langabezia-tasa % 8,23ra igo da EAEn eta % 9,09ra Nafarroan, lehen hiruhilekoan
Iazko lehen hiruhilekotik aurtengo lehen hiruhilekora, 6.700 langabe gehiago zenbatu dituzte EAEn (% 8,08), eta 5.800 gehiago Nafarroan. Landunen kopuruak ere gora egin du Euskadin (7.700 gehiago) eta behera, berriz, Nafarroan (1.300 gutxiago). Bestalde, Espainiako Estatuan 231.500 langabe gehiago erregistratu dituzte 2026ko lehen hiruhilekoan, 2013tik izandako hiruhilekorik txarrenean.
39 milioiko eskaintza egin du Cristian Layk Papresa erosteko
Enpresaren bi industria-jarduerei eustsiko lieke CLk, paperarena eta enbalajearena, eta plantillaren bi heren mantenduko lituzke. Eusko Jaurlaritzak begi onez ikusi du operazioa eta parte hartzeko borondatea du. Papresa hartzekodunen konkurtsoan dago, eta zabalik da hura erosteko eskaintzak aurkezteko epea.