Kutxari buruz egindako proposamena legezkoa dela babestu du Garitanok
Gipuzkoako Foru Aldundiak Kutxa "ohiko fundazio" bihurtzeko egindako proposamena legezkoa dela babestu du Martin Garitano Gipuzkoako ahaldun nagusiak. Oposizioko taldeek (EAJ, PSE-EE eta PP) gogor kritikatu dute aldundiaren proposamen hori, "legez kanpoko amarrua" eta "lege iruzurra" dela argudiatuta.
Garitanok Gipuzkoako Batzar Nagusietan agerraldia egin du gaur, berak hala nahita, Gipuzkoako Foru Aldundiak Kutxa banku-fundazio bihurtu beharrean, BBK eta Vital diren moduan, "ohiko fundazio" bihurtzeko egindako proposamenaz azalpenak emateko.
Proposamena hilaren 10ean Donostian egindako ekitaldi batean aurkeztu zuen. Gipuzkoako Foru Aldundiak Kutxak Kutxabanken dituen akzioak doan lurraldeko erakundeei (Aldundia eta udalak) pasatzea proposatu du, bankuaren akziodun bilakatzeko. Hala, Kutxa akzioen % 5 baino gehiagoren jabe izango ez balitz fundazio arrunt izaten jarraitu ahal izango luke.
Kutxak Kutxabanken akzioen % 32 ditu orain. Kutxa akzioen % 4,998rekin gelditzea eta gainerako bere akzioak lurraldeko erakundeei doan ematea, Donostiako Udala eta Gipuzkoako Foru Aldundia portzentaje berdinarekin gelditzea eta % 17,006a Gipuzkoako Udalei doan ematea proposatzen du.
Garitanoren iritziz, proposamena ez da "inkoherentea" Diputazioak berak eskatutako txosten juridikoarekin. Horren esanetan, sakonean dagoena da garrantzitsuena eta Diputazioa akzioak doan ematea moduko gaiak eztabaidatzeko prest dagoela adierazi du.
Gipuzkoaren proposamena alderdikoia dela "gauza jakina" da, Garitanoren arabera. Helburua Kutxaren kontrol publikoa bermatzea dela gaineratu du, Gipuzkoaren eta gipuzkoarren mesedetan.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.