Eta Euskadin petrolioa badago, zer?
Bi multinazionalek (Shell eta Capricorn) euskal kostaldean petrolioa bilatzeko baimena eskatu diote Espainiako Gobernuko Industria Ministerioari.
Hain zuzen ere, euskal kostaldetik 100 kilometrora dauden bost eremutako ur sakonak aztertu nahi dituzte, inguru horretan petrolioa egon daitekeela susmatzen baitute aspalditik sektoreko adituek.
Aipatu konpainiek iazko abuztuan eskatu zuten baimena, baina Ministerioak orain abiatu du prozedura, eskakizuna Estatuko Aldizkari Ofizialean (BOE) publikatuta, hori baita baimena emateko lehen baldintza.
Orain, bi hilabeteko epea dago eskaintza gehiago jasotzeko edo kaltedunek alegazioak aurkezteko. Greenpeacek dagoeneko aurreratu du alegazioak aurkeztuko dituela.
Estatuko Administrazioari dagokio itsasoaren hondoan hidrokarburoak bilatzeko baimena ematea. Erkidegoek txosten bat aurkeztu behar dute (ingurumena babestea izan ohi du helburu), baina ez da loteslea; hau da, Espainiako Gobernuak du azken hitza.
Oraindik lau urte beharko dira Shell eta Capricorn konpainiek petrolioa bilatzeko baimena lortuko ote duten jakiteko, eta ikerketarako baimenak sei urtekoak dira. Horrenbestez, 10 urte pasatu beharko dira, gutxienez, ustiapena abiatzeko, baldin eta petrolioa topatzen badute eta Ministerioak ekoizteko baimena ematen badie.
Petrolio ustiapenak ez lioke mozkin zuzenik ekarriko Euskadiri. Izan ere, enpresek Estatuari ordainduko lizkiokete zergak, ez erkidegoari.
Kanarietako aurrekaria
Aurrekari gertukoena Kanaria uharteak dira. Repsolek bertan hidrokarburoak bilatzeko baimena eskatu zion Espainiako Gobernuari 2001. urtean, eta lanak bi hilabete barru hasiko direla baieztatu berri du Ministerioak. 13 urte pasatu dira, eta oraindik ez dira hasi prospekzioak.
Auziak, gainera, liskar handia eragin du Kanarietako eta Espainiako gobernuen artean. Izan ere, Exekutibo autonomikoak auzitara jo du, prospekzioak galarazten saiatzeko.
Zure interesekoa izan daiteke
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko enpresa-batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera geratu direla. Hemendik aurrera, konkurtso-administrazio batek hartuko ditu enpresaren erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.