Foronda suspertzea eskatu dute Jaurlaritzak eta Arabako erakundeek
Eusko Jaurlaritzak, Arabako Foru Aldundiak, Gasteizko Udalak eta Arabako Merkataritza Ganberak bat eginda Forondako aireportua suspertzeko "presazko neurriak" hartzeko eskatu dizkiete Aenari eta Espainiako Gobernuko Sustapen Ministerioari.
Adierazpen bateratua izenpetu dute lehen aldiz lau erakundeek, eta hura aurkezteko agerraldian ere lau erakundeetako bozeramaileak izan dira. Ana Oregi Jaurlaritzako Ingurumen eta Lurralde Politikako sailburua, Javier de Andres Arabako ahaldun nagusia, Javier Maroto Gasteizko alkatea eta Gregorio Rojo Merkataritza Ganberako presidentea, hain zuzen ere.
Lau erakundeek Forondako aireportua suspertzeko "helburu egingarriak" proposatu dituzte gaur hedabideen aurrean aurkeztutako "gutxienekoen akordioan".
Arabako aireportuaren inguruko bilera garrantzitsua dago biharko deituta, EAEko Aireportuen Koordinaziorako Batzordearena (Aena, Sustapen Ministerioak eta euskal erakundeak biltzen dituena), hain justu, eta bertan adierazpen honetan jasotako aldarrikapenak defendatuko dituzte erakundeek.
Lau aldarrikapen nagusi
Adierazpenean lau eskakizun nagusi egin dituzte erakundeek. Lehenengoa, Mugaz gaindiko Inspekzio Postua berriro martxan jartzea. Espainiako Gobernuak hala erabakita, bertan behera dago atzerritik heltzen diren elikagaiak eta animaliak kontrolatzeko postua eta, horren erruz, hainbat operazio galdu ditu Arabako aireportuak, sinatzaileek salatu dutenez. Postua berrezartzeko kostua bere gain hartzeko konpromisoa hartu du Jurlaritzak.
Horrez gain, aireportua ordutegi arruntaz haratago, 24 orduz, zabalik edukitzea proposatu dute. Gaur egun gauez bakarrik funtzionatzen du Forondak. Horren ildoan, egunez aritzen diren hegaldien tarifak gauez aritzen direnekin homologatzeko eskakizuna egin dute erakundeek.
Bidaiarien hegaldiei dagokionez, mota honetako hegaldiak hartzeko egokia izan Foronda, erakundeon arabera. Batez ere, low cost eta charter modukoak, eta oporraldiekin eta ekitaldiekin lotutakoak hartzeko. Hori lortzeko, bezeroak erakartzeko estrategiak garatzeko konpromisoa hartu dute erakundeek.
Zama-hegaldiei dagokie laugarren eskakizuna. Intemodal gisa duen balioa defendatu eta erreferente izaten jarraitzeko deia egin dute adierazpena izenpetu duten lau erakundeek.
Foronda, Iparraldeko aireportua izateko prest
Espainiako Gobernuak eskakizunak onartuko dituen itxaropena agertu dute adierazpena sinatu duten erakundeek, proposatutakoak "egingarriak" direla iritzita. Izan ere, Oregi sailburuaren arabera, "Iparraldeko Aireportua izateko prest dago Foronda".
Zure interesekoa izan daiteke
Eusko Jaurlaritzak industria ezkutua aktibatuko du Ekialde Hurbileko gerraren ondorioei aurre egiteko
Industriaren Defentsarako Taldearen bileran, Imanol Pradales lehendakariak iragarri du bere Gobernua "lehen neurri sorta bat" prestatzen ari dela, "egoera luzatu eta zailduko balitz", eta Espainiako Gobernuari eta EBri gauza bera egiteko eskatu die.
Jainagak 2026a urte "katastrofikoa" izango dela aurreikusi du, gerrak eragindako krisi energetikoagatik
Ekialde Hurbileko gerrak beste krisi energetiko bat ekarri du, eta enpresariek ez dute uste laster amaituko denik. Horregatik, neurri "azkarrak eta sendoak" eskatu dituzte, hala nola zergak jaistea eta mendekotasun energetikoa murriztuko duten alternatiben alde egitea.
Energiaren Nazioarteko Agentziak 400 milioi petrolio-upel aterako ditu merkatura erreserba estrategikoetatik
Neurri horren helburua da Ormuzko itsasarteko blokeoak eragindako petrolio-eskaintzaren galera konpentsatzea.
Zer dira IEAren erreserba estrategikoak eta nola erabil litezke krisi honetan?
Energiaren Nazioarteko Agentziako (IEA) kide diren herrialdeek petrolio erreserba estrategikoak dituzte krisi egoerei aurre egin ahal izateko, bereziki, horniduran etenak daudenean. Orain, erreserba horiek erabiltzea onartu du agentziak, Ekialde Hurbilean piztutako gatazka dela eta, merkatuari lasaitasun mezu bat igorri eta presioa jaisteko.
Tubos Reunidosen Amurrioko lantegian greba mugagabea deitu dute martxoaren 16tik aurrera
Lanuztea martxoaren 15eko gaueko txandan hasiko da ofizialki (22:00etan), baina egun horretarako lau orduko lanuztea ere bazegoen deituta aurreko deialdi batean. Hala, igande arratsaldeko 18:00etatik aurrera geldituko litzateke planta.
Angulariek ohartarazi dute jarduera debekatzeak legez kanpoko arrantza areagotzea ekarriko duela
Euskadiko Angularien Elkarteak Eusko Legebiltzarrean salatu duenez, angula-arrantza profesionala debekatzeak ondorio kaltegarriak izan ditzake, arrantzaleek ibaien zaindari gisa jarduten dutelako, eta isurketak, espezie inbaditzaileak eta legez kanpoko harrapaketak detektatzen laguntzen dutelako.
Osakidetzak ekainean egingo ditu 2023-2025 lan-eskaintza publiko bateratuko lehen azterketak
Eusko Jaurlaritzak martxoan zehar argitaratuko ditu deialdiaren bederatzi kategorien oinarri espezifikoak; guztira, 5.425 plaza daude, horietatik 2.160 berriak dira.
Ekialde Hurbileko gatazkak piztutako ziurgabetasunaren aurrean nola jokatu aztertzeko bilduko da gaur Industria Defendatzeko taldea
Zamudioko Parke Teknologikoan egingo dute bilera, eta bertan izango dira Eusko Jaurlaritzaren ordezkariak, enpresak, klusterrak eta hainbat eragile. Energiaren prezioen gorakadak euskal industrian izan dezakeen eragina aztertzea eta neurriak lehenbailehen hartzea izango dute helburu.
Mercedesen VLE berria Gasteizen fabrikatuko dute
Mercedes Benzek monobolumen VLE ibilgailu berria aurkeztu du astearte honetan Stuttgarten (Alemania). Erabat elektrikoa da, eta Gasteizko lantegian egingo dute.
Bizkaia Crowdlending: Bizkaiko enpresa txikiek diru iturri gehiago izan dezaten finantzaketa sistema berria
Bizkaiko enpresa txikiek diru iturri gehiago izan dezaten finantzaketa sistema berri bat jarri dute martxan Foru Aldundiak eta Elkargik. Herritarrek aukera izango dute enpresa txikiak arriskurik gabe finantzatzeko. Izan ere, ekarpenek Elkargiren berme osoa izango dute.